餃子
26
Aug 17
02:43
博客

餃子迷必去!900円餃子放題

日本嘅煎餃喺國內外都廣受歡迎,唔少明星好似NEWS嘅增田貴久都超鍾意食餃子㗎。當中「餃子の王将」就係當地中華料理界亦係餃子界嘅表表者,單喺東京就已經有61間分店。最近佢地其中幾間分店就舉行緊超抵嘅下午茶放題!   雖然唔同分店都有唔同嘅放題優惠,不過呢個就肯定係最平嘅! 叫得佢做下午茶放題,相信大家都明白呢個任食放題喺平日下午茶時段3點到6點先有,但如果你係佢地嘅餃子俱樂部會員就可以係平日嘅任何時段都享有優惠。 放題限時一個鐘,由你落單嗰刻時開始計,而毎次落單嗰陣一個人只能叫兩人份(12隻),加單都要食淨2~3隻先可以,以防你食唔曬外亦係保持食物嘅水準。另外佢地都唔容許客人食淨或者打包,所以真係「食得曬先好嗌」。落單之後約5分鐘餃子就會送到,但夠鐘前10分鐘截單,食嗰時要預返好啲時間啊。 雖然係放題,但網民都話啲餃子仲係保持水準,唔會細咗或者難食咗。不過留意返放題嘅只係餃子,如果想嗌白飯或者飲品都要額外俾錢嘅。 網上面雖然好多人都話想去一試,但唔少人食完都話勉強先回到本,紛紛話唔太抵。原來「餃子の王将」嘅餃子本身就已經240円(未計稅)一碟,所以男性要食到4碟、女性就3碟先回到本。但餃子都算易食滯,好多人食到第3碟已經開始覺得飽,如果唔係好大食就可能要三思一下。不過
07
Jul 17
22:35
博客

東京 高円寺 平價 之最 !居酒屋 喪食 「 0円 餃子 」!

高円寺出名係居酒屋嘅集中地,而喺云云居酒屋當中竟然有一間提供「¥0餃子」,可以話係全日本平價之最!   就係呢間傳說中嘅餃子店「餃子処 たちばな」,由高円寺站北口行過去大概3分鐘左右。   店內嘅座位唔多,counter位有5個,一般座位只有12個,絕對係小店風格。   一望個menu睇到寫住餃子5件要¥250,以為0円餃子果然係一個gimmick,點知再望落少少真係見到「餃子処たちばなは0円餃子のお店です!」,即係話今次冇嚟錯地方,呢度真係可以食到免費餃子!不過免費請你食就當然要有條件,所有客人都需要點選飲品,每點一杯飲品就會奉上一人份餃子。   點完飲品店員就會自動波去煎餃子,見到店員件衫就更加肯定冇去錯地方!   0円餃子一人份有成5隻咁多,賣相仲非常吸引!飲品方面唔一定要選擇啤酒,揀烏龍茶等非酒精類飲品都得。   唔好以為免費,餡料就會好簡單。呢度嘅餃子餡料以大蔥、洋蔥、香菇、椰菜、豚肉
03
Oct 16
18:49
新聞

餃・全部都係餃!「餃子フェス」登陸中野!

日本經常出現嘅食品展又嚟啦!今次嘅主角係「餃子」!     呢個「餃子フェス」會場位於中野,由10月12日至16日,為期5天。到時會有各路餃子名店俾大家大快朵頤。     【出店店舗】 一口餃子酒場BLG(Beer Loves Gyoza)、肉汁餃子製作所ダンダダン酒場、WASH1N TOKYO、肉餃子専門店 THE GYO、宇都宮餃子館、鉄板餃子酒場ちびすけバル、肉玉そば おとど×酔っ手羽、札幌マルエス食堂、北海十勝餃子、横浜中華街 大連餃子基地DALIAN、餃子専門店 福吉 京都本店、和風居酒屋 森、芦屋 伊東屋、鼎’s by JINDINROU、よなよなエール醸造所、サンクトガーレン、hokkaido brewing、ゾラホフ   去開中野玩嘅朋友就可以留意啦!(之後不妨行埋附近嘅中野百老匯)   【餃子フェス】 地址:中野四季の森公園(東京都中野区中野4丁目13) 期間:2016年10月12日~10月16日 10:00~20:00(首日12:00~20:00) 收費:入場費免費、但需另購食券一張600 円(税込) 官網:http://www.gyo-zafes.jp/  
24
Feb 16
01:32
新聞

女生大愛!餃子の王将新食店!

日本《餃子の王将》向來都受顧客歡迎,特別係男性,為左吸引多d女性族群,佢地就係京都開左間女性向嘅分店,連菜式都特別為女仕而重新配製!   店舖走簡約優雅路線     店舖仲好細心,特登請左女主廚去設計菜單,滿足女仕們嘅口味。好似“芝士野菜豚肉蒸”,“軟綿綿蛋糕玉子燒”同埋“杏仁豆腐”等等。     店入面仲有唔同酒類供應,紅酒,白酒,日本酒,甚至連Whisky都有,岩晒食飯要飲返兩杯嘅你。 店舖名:GYOZA OHSHO 烏丸御池店 地址:京都市中京区両替町通姉小路上ル龍池町430 座位:63 開店日:2016年3月3日