飲食
01
Aug 17
21:50
博客

【九州長崎】山の寺 邑居流水麵

位於九州長崎縣的南島原上,有間位於山上的流水麵店
位於九州長崎縣的南島原上,有間位於山上的流水麵店,名為"山の寺 邑居"。從大路驅車上山,還要經過又窄又彎的山路,約15分鐘才到達店鋪。邑居位於山之內,是傳統日式的店鋪。   在停車場下車後,便會看到邑居之入口,步行數分鐘便到店鋪門前   每張檯也有一個流水麵機,水不停地流,只需把麵放到水中,讓它自轉數圈,便可用食用。因為有水流,最初未能掌握技巧,不容易用筷子夾麵。其實竅門是,把筷子平定,讓麵自然在筷子間停下,然後再夾到醬油中。   醬油需要加入薑和蔥,因應原始環境,薑是一件實物,需要自己用手磨。由於麵比較清淡,配的食物便要味道較濃。我們點了和牛及炭燒雞作配襯,果然在濃、淡間恰到好處。   置身於邑居的自然環境裡,雖然沒有冷氣,但在三十二度高溫下也不覺熱。這也是個放輕鬆的地方,配上旅遊的心情,成為這個九州之旅一個難忘的地方。   山の寺 邑居
01
Aug 17
19:55
新聞

假面女子「重口味」合作企劃 「天下鳥ます」推「女子汗味炸雞」!?

日本經常推出各種各樣挑戰大家底線嘅「極限」企劃,今次又有新花款! 由出晒名出炸雞嘅「天下鳥ます」同最強地下偶像團體「假面女子」合作,今次就為大家送上最新合作食品:「女子汗味炸雞」!? 放心! 唔係真係有班人「揸」啲汗落去,佢其實係用「鹽+檸檬汁+芝士」,加埋炸雞,以鹽辛同檸檬汁嘅味道溝嗰陣汗味出嚟,就成為特製嘅「女子汗味炸雞」啦! 「女子汗味炸雞」今日就開始發售,直至10月31日都可以買到喎。每件400日圓! 喺以下嘅分店都買到架! 東京:高田馬場店、池袋東口店、からあげ酒場池袋店、赤羽店、秋津店 神奈川:白楽店、イオン茅ヶ崎店 大阪:今里店、八幡屋店、あずま屋店、近鉄長瀬駅前店、大正店 山梨:甲府店、石和店 高知:高知店 福岡:中村学園大前店、高宮駅前店 佐賀:唐津店 
01
Jun 17
01:38
博客

【#今期流行】芫茜祭世界初登場 四種必食「好茜」精選

日本芫茜風吹到勁一勁, 最近東京新宿更加舉行咗世界第一個芫茜祭,吸引好多人嚟開餐~   場內18個小食亭,有日本、台灣、中東等等料理, 全部都賣芫茜食物同飲品,個別攤檔可以選擇走芫茜www   小編本身唔係太好芫茜,但因為太多人話芫茜好正,所以都嚟試食挑戰吓~~ 結果…好多嘢都好好好好好食!   首先依個芫茜烤牛肉熱狗(600円)十分抵讚! 個熱狗會用鐵板烘熱,牛肉多到滿瀉,上面再鋪滿大堆芫茜~ 一咬落去啲牛好juicy同感覺好新鮮,又唔會有肥膏,好好食~   第二就係依個芫茜蛋包麵(700円)~ 店主聲稱係台灣風,但係我點食都覺得同平時日本嗰種蛋包麵冇分別w 佢喺普通嘅蛋包麵上面加咗芫茜先落醬,兩樣嘢意外地夾啊^^
04
Apr 17
01:34
博客

名古屋美食推介:小清新雞肉柚子鹽味沾麵+王道台灣拌麵!? 本丸沾麵店

之前有機會到名古屋出差當然把握時間出去獵食啦!來到名古屋大家都會推薦食某某店嘅雞翼、某某店嘅鰻魚飯,來來去去都係嗰幾間。小編就問咗真係來自名古屋嘅朋友S子,佢就推介我食呢間位於榮嘅本丸沾麵店! ▲喺日本版OpenRice(Tabelog)都有3.58分高分㗎!(平均3.5分以上叫高分) 呢間本丸沾麵店位於榮非常繁榮嘅區域,感覺就好似喺新宿歌舞伎町入面嘅小店一樣,附近四周圍都有好多大型酒吧同食肆,令佢感覺無咁起眼。 店內只有一張長型對牆嘅枱,得11個位,所以中午或者夜晚黃金時段嚟都唔排除要等位! 當晚我差唔多9點半先去到,都等咗大概5~10分鐘啦!不過等位前記得先點菜買飛先! 我哋被吸引嚟最大嘅原因係佢呢個雞肉柚子鹽味沾麵!平時食沾麵食魚介湯底,雖然好食但好似無咩新意,難得可以食下新口味、仲要聽落去勁小清新梗係要試下啦! 首先同大家介紹雞肉柚子鹽味沾麵(750Yen),首先呢個份量係普通,其實都幾夠食架~個湯入面除咗有雞肉仲有自家製雞肉丸子,全部都係細細粒,一啖咁嘅size。另外真係會夾到柚子,同埋
17
Feb 17
03:09
博客

日本人點睇「帶埋細路去居酒屋」?

居酒屋對香港遊客嚟講,可能只係可以又飲酒又食到一碟碟日本嘢嘅地方。但其實居酒屋文化喺日本絕對係一個屬於大人嘅世界!返工好攰嘅上班族放工就係去居酒屋happy,食煙飲酒兼大大聲吐苦水,有時喺居酒屋坐近啲都會聽到唔少隔離枱嘅花生㗎! 不過小編都曾經見過,有家長係會帶埋小朋友去居酒屋嘅。最近網上出現到底應唔應該帶小朋友去居酒屋嘅討論,不如一齊睇吓日本人點諗啦! 日本一個讀者群主要為媽媽嘅網站Happy Mama就做咗個網上調查,顯示66%嘅家長/讀者都反對帶埋小朋友去居酒屋。 反對理由:居酒屋係大人嘅地方! 有唔少反對聲音都表示,居酒屋係屬於大人社交嘅地方,因此唔應該畀小朋友參與。「如果係用完主個室就話啫,但居酒屋入面好多人講嘅嘢都唔啱小朋友聽,而且如果因為小朋友存在而要有所避忌都唔係好合理。」 讀者們都話居酒屋始終係一個畀人飲酒吹水嘅地方,如果係一家大細嘅話應該去返啲連鎖家庭式餐廳!有啲人更加覺得帶埋小朋友去居酒屋係啲大人自私嘅行為添呀。唔單止多二手煙,而且飲醉酒嘅大人亦都可能構成小朋友嘅危險同帶嚟壞影響。 咁點解又會有成33%嘅人贊成呢? 贊成理由:因為我關
27
Dec 16
23:39
新聞

Mister Donut推多款情人節限定甜品

啱啱先過完聖誕,但商人們已經好快咁預備緊下一個大型節日...就係情人節啦! 日本Mister Donut將會於新年1月6日起推出以下期間限定嘅menu,睇落好似幾吸引喎! 其實食個donut啫,使唔使同情人節掛鈎先xD 朱古力味冬甩中間夾著燒過嘅棉花糖,仲可以揀dip咗朱古力味或者士多啤梨味嘅冬甩,真係好吸引!(各194Yen)   另外仲會推出呢款整成花嘅形狀嘅酥皮冬甩,分朱古力味同原味,中間夾住cream,又係勁邪惡!(各162Yen) 另外,專畀人一啖食落去嘅「Donuts Pop」系列就推出咗朱古力Mix嘅新口味味。細細舊嘅冬甩入面有朱古力味、士多啤梨味、白朱古力味等味道~(1個37Yen、8個Set 270Yen、16個Set 520Yen、24個Set 760Yen)     另外,呢幾款曾經推出過嘅冬甩都會期間限定「翻生」,有興趣嘅記得去試下喇! 資料來源:Model Press
19
Dec 16
23:08
新聞

不能錯過!Lawson特製新年小食 京都抹茶芭菲

日本便利店Lawson推出嘅自家品牌「UchiCaféSWEETS」向來以「隨時喺屋企都可以體驗Cafe感覺」為宗旨。今次最新推出嘅一系列8式甜品(12月30日~1月3日)以日本新年為主題,有蛋糕有芭菲有傳統日本小食,其中宇治抹茶芭菲(12月26日~1月16日)使用京都辻利一本店嘅抹茶粉去造出芭菲入面嘅抹茶啫喱、抹茶醬同抹茶慕絲,嚟緊去日本嘅唔好錯過喇!       (左起) 鏡餅風慕絲蛋糕(税込240円) 高級紅白蛋糕卷(税込210円) 紅白忌廉(税込550円) (左起) 迎春馬卡龍 3個(税込395円) 迎春牡丹餅(税込295円) 宇治抹茶芭菲(税込380円)      
18
Dec 16
14:51
新聞

日本人食雞都唔同啲?

唔知大家食炸雞嘅時候有冇煩過整到成手都係油,但戴手套之後基本上就要食完先可以除,唔係好方便?日本出名體貼,近日日本KFC就試推出咗呢個手指膠套,只需要戴上拇指同食指,方便大家食食下完電話都可以輕鬆除同輕鬆戴番,又可以唔洗怕整到成手都係油!     呢隻手套食法叫做Fingernap,暫時係222間日本KFC推行,遲下會再增加至1000間分店。雖然去日本旅行好少食KFC(XD)不過如果有炸雞fans都可以試下玩下喎!  
29
Oct 16
22:49
新聞

20cm高 季節限定信州鹿肉漢堡登場!

2016年11月1日至2017年1月31日起,JR飲食店「Becker’s」會提供季節限定嘅『別格 信州野生肉 THE★鹿肉漢堡』。使用信州產嘅鹿肉同杏鮑菇,加上特製醬汁,成個包仲有成20cm高,真係好吸引! 自2013年發售起,累積已經售出超過5萬個鹿肉漢堡。   雖然期間限定日子比較長,但就會有數量限定(只售2萬個),售完即止,價值720yen!       販賣店舖:   資料來源:Becker's 官方網站   鹿肉漢堡背景小知識: 鹿肉屬於野生鳥獸肉,係人氣嘅高級食材。根據日本狩獵振興協會消息表示,日本嘅野生鳥獸數量增加至危害國民農作物同田野嘅地步,對農業同自然環境都做成極大問題,每年農作物被害額已超過200億日圓。因此自2011年起,日本狩獵振興協會與JR東日本聯手制定「鳥獸被害政策」,以自然捕獵提供高級食材、並解決野生動物繁殖過剩帶來嘅影響。
27
Oct 16
18:41
新聞

【爆笑】瘋魔全世界嘅PPAP 要開期間限定Cafe喇!

Pen-Pineapple-Apple-Pen,坂本大魔王當初寫呢隻歌嘅時候應該冇估到竟然呢首歌可以開到一間主題cafe…   2016年11月1日至11月20日會喺東京SkyTree開設官方期間限定Cafe,menu仲係圍繞PPAP,有PPAパン(PPA包)、PPAパフェ(PPA芭菲)、PPAパンケーキ(PPA熱香餅)等,更加唔少得PPAP菠蘿汁!只有order一樣嘢食就可以獲得PPAP特製杯墊拎番屋企留念,總共5款。嚟到又點可以唔影相呃like呢~除咗貼紙相機仲有好多影相道具。有機會嚟記得唔好錯過喇!     Menu(根本就全部都係急口令)                                  Pen       Pineapple           Apple         Pineapple PPAP Fresh Juice(ペン・パイナッポー・アッポー・パイナッポー)¥878                         Pen       Pineapple             Apple         Peach Soda PPAP Drink(ペン・パイナッポー・アッポー・ピーチソーダ)¥520                         Pen        Pineapple           Apple          Passion Fruit PPAP Drink(ペン・パイナッポー・アッポー・パッションフルーツ)¥520                         Pen        Pineapple           Apple         Pink Grapefruit PPAP Drink(ペン・パイナッポー・アッポー・ピンクグレープフルーツ)¥520                                                                   Pen        Apple           Pineapple        Tea PPATea ロミータ・ハシニコフ風味(ペン・アッポ