食法
31
Oct 16
19:25
博客

【咪做大嘥鬼!】日本人教你食剩關東煮另類食法

去旅行好多時都會眼闊肚窄,以為自己實食得哂所以唔覺唔覺就會買咗過多野食,如果萬一真係食唔哂你會點做?留返第二朝當早餐定係掉咗佢?唔好浪費食物啦,話畀你知日本人會點樣處理食剩咗嘅關東煮啦,話唔定下次去旅行就用得著~   1. 整三文治   材料非常容易買到,甚至乎係用食剩咗嘅麵包都得!首先準備個麵包,然後搽啲關東煮嘅湯汁,如果有調味料喺手可以隨意加少少,最後夾埋啲食剩咗嘅關東煮入個包度就搞掂啦,勁簡單方便!根據日本網友們嘅食後感,一致讚成夾大根同雞蛋係最好味嘅!   如果有飛碟機仲正,將啲食材放哂入去夾埋部機等一陣就食得,方便又好味,一切開個賣相都唔差,可以呃得吓人㗎!   冇飛碟機的話可以輕輕烘吓塊面包先夾關東煮,一樣好好味。   如果連烘麵包嘅工具都冇,可以買個熱狗包夾埋哂啲食材,比冇烘嘅方包好食。   =================================== 2. 整有味飯   呢個方法可能比較啱喺日本長期生活嘅人多啲,因為去旅行正常都唔會有飯煲,除非
27
Oct 16
23:59
博客

【嚇到個心離一離!】日本究極杯麵食法

食杯麵就係貪佢多夠快又好味,但偏偏好多日本人就嫌齋食個麵面有啲悶,諗咗好多花臣出嚟幫個杯麵搞搞新意思,當中有我們聽聞過嘅布甸杯麵,更加有其他極富日本色彩或者古靈精怪嘅,趁就到萬聖節,一於偷吓師,到時畀朋友開吓眼界!     1. 杯麵+布甸     呢個布甸加杯麵嘅食法原來係源自韓國,將一整個布甸倒入個杯麵度再起勢咁搞混佢就完成喇,幾簡單!   有日媒已經親自試過呢個食法,個結論係勁難食!佢地話湯底味道過咗之後,布甸嘅甜味就出現侵佔口腔每個空間,味道非常唔夾喎。        睇吓佢地食完之後個樣咁痛苦就知呢種食法都唔方好食得去邊。(笑)   =============== 2. 杯麵+納豆     以為呢個會唔好食,點知日本人嘅評價又ok喎!納豆倒咗入個杯麵之
26
Jan 16
02:03
博客

非暗黑料理系列之納豆新食法!

頭先食lunch,同愛美麗傾開日本食物話題,講講下先發現,原來愛美麗係未食過納豆架! 相信好多人都同佢一樣,唔食既原因係因為覺得好肉酸又好難食。 雖然個賣相係超唔討好,但係營養價值係超高,而且人係生,物係死,自己加少少野令納豆易入口咪得lo! 納豆係日本超常見既傳統食物黎,係由黃豆經過發酵而製成。 鈣質比一般豆類高,而且仲含有大量既蛋白質同維生素K2,絕對適合長期食用。食用方法︰懶人mode︰將所有調味料加入,混合好就食。小朋友mode︰加砂糖落去,或者加沙律醬食都得。食家mode︰加生雞蛋、蔥花、蘿蔔、柴魚混合埋一齊先食。秋葉原東方不敗mode︰加入少量既雪碧或者七喜,係咁攪攪攪,直到無咁粘笠先食。 喇!我果個唔係咩暗黑料理黎架!只係我中意食甜,但又唔想太粘笠,唔想d絲痴到塊面,我先加汽水落去。 大家不妨都試下以上介紹既幾種食法丫!再唔係,有新食法既,留言話我知都得架! 例如呢個咁…… 應該皮膚會超滑,因為有納豆幫你痴