静岡
23
Jun 16
19:52
新聞

【好大浸仙氣傳入我的鼻】静岡縣・夢の吊橋

喺静岡縣,有一條非常唯美,意境異常地優美嘅吊橋,果到叫做「夢の吊橋」。傳說呢條「夢の吊橋」可以實現人嘅戀愛夢,係著名嘅戀愛Power Spot。   「夢の吊橋」位於静岡縣奧大井地方嘅寸又峡。佢長90米,高約8米,係寸又峡嘅象徵黎。佢被選為係「想保存到21世紀的日本自然100選」同埋「新日本觀光地100選」,所以,都唔算寂寂無名嫁。   喺四圍寧靜嘅環境之中,呢條橋嘅存在增添左一種神秘感,比左D幻想空間遊客。比人嘅整個感覺,真係同佢個名「夢の吊橋」好襯!   為左安全起見,夢の吊橋一次過只可以比10個人過,所以成日都會有條隊企喺橋邊好似等過馬路咁款。不過等耐D又有乜所謂,眼前嘅景色咁靚,想企都陣添啦!   「夢の吊橋」嘅魅力除左佢自己之外,當然就要歸功於襯託出佢仙氣嘅果個湖水綠色水面啦!呢個湖叫做「大間ダム湖」,靚到成日比人懷疑佢係後期調過色,不過當然係無啦!
26
Oct 16
19:53
新聞

富士山終於有返雪喇

甲府地方天文台喺26號朝早6點半左右, 確認富士山山頂有返積雪, 比平均遅左成26日, 亦比上年遅左15日, 喺1894年開始有観測以黎最遅, 並同1956年一様。 不過喺静岡新聞社就話尋日已經有雪, 仲要坐直升機去影相, 不過尋日甲府天氣欠佳, 所以睇唔到有雪。。。 有誤差最大原因喺山頂嘅富士山測候所係2004年巳經停止左落雪嘅常駐観測。。。 結果2個擁有富士山嘅県就出現誤差。。。 個人認為静岡會準啲, 因為富士山最高點係係静岡県内, 但係搵左静岡地方天文台個網站好耐都無見到有富士山山頂積雪Ge資料。。。 日本朋友指, 静岡地方天文台要放心機係東海道地震同火山, 所以無資源及時間理富士山山頂積雪! 所以富士山山頂積雪係静岡新聞社先會理。。。 不過要坐新幹線睇到富士山有雪可能要11月先睇得到喇~~河口湖同箱根可能會好啲啲
12
May 17
21:51
博客

日本7大超靚景酒店

有時去日本都想住返一兩晚靚酒店獎勵下自己~今次就為大家介紹7間住得舒服又有絕世靚景睇嘅酒店!   天草 天空の船/熊本縣 可見到多島海‧松島,以豪華客船作原型嘅酒店天草 天空の船。 以“與大海、天空成為一體“作為概念,全部客房都係有露天風呂同望海~室外公共泳池一望無際 地址:熊本県上天草市松島町合津5984 網址:http://www.tenku-f.jp/   きぬ川不動瀧/栃木縣 全部客房都可以見到絕景渓谷,露天風呂可見到鬼怒川嘅四季自然風景 懷石料理嚴選栃木當造食材,配合和牛、上盛豬肉等 地址:栃木県日光市鬼怒川温泉大原656-1 網址:http://www.fudotaki.com/   茜彩庵 山水/群馬縣 全部客房都可
20
May 16
20:03
新聞

【喚醒童年陰影】静岡市「螢火蟲之墓」壁畫

有無人同我一樣細個嗰時好怕睇《螢火蟲之墓》,細個睇嗰時只係覺得成個故事好sad,睇完之後心情會好沉澱。尤其睇兩兄妹媽媽過身嘅畫面,猶如童年陰影。大嗰再睇返,除咗温馨感人嘅兄妹情之外,部電影仲有咩message就要自己演釋。   講返正題 靜岡市新間路有條「蛍の里」嘅公路,公路石牆上畫咗《螢火蟲之墓》嘅節子臨終前一段時間被螢火蟲圍繞下歡樂嘅情景,雖然食正吉卜力電影名作,但因為係偏遠地方所以無乜人知。   本來壁畫係畫緊係呢個畫面:   但經過歲月洗禮,日久失修而變成咁 ↓ 好恐佈呀!!!! 呢兩張相上俾人放咗上網,有網友話「節子化身厲鬼」,又驚夜晚經路會俾節子詛咒。   但我越睇越覺得節子係恥笑緊我,連帶睇返電影畫面我都覺得佢笑緊我。   幾時先可以變返可愛嘅節子?
17
Nov 16
19:47
博客

JR東日本年尾通宵車及新年日出號

JR東日本發表咗年尾通宵車及新年日出號嘅資料 年尾31日喺東京嘅朋友要留意喇 先講咗年尾通宵車先   1月1日首都圏零晨班次 ・山手線内回り(内圏) 1點至5點左右維持約12分鐘一班・山手線外回り(外圏) 1點至5點左右維持約10分鐘一班   ・京濱東北・根岸線(大宮~桜木町 ) 1點至4點左右維持約30分鐘一班 ・京濱東北・根岸線(桜木町~大船 ) 1點至4點左右維持約60-80分鐘一班   ・中央・總武線(各站停車,中野~千葉 ) 1點至5點左右維持約20-50分鐘一班   ・中央・快速線(各站停車,東京~高尾,東京至中野各駅停車) 1點至5時左右維持約20-40分鐘一班   ・埼京線(大崎或新木場~大宮 )1點至5點左右維持約60分鐘一班、同臨海線作直通運轉   ・京葉線(東京~海浜幕張)1點至5點左右維持約15-30分鐘一班(廸士尼開通宵、所以班次最密)・京葉線(海浜幕張~蘇我)1點至5點左右維持約45分鐘一班 ・京葉線(東京~西船橋) 12點半至5點左右維持約45分鐘一班