電影
05
Jan 17
02:09
博客

大家準備好未?2017年漫畫真人版電影資料大全!(有片) 3/7更新

近依幾年日本都有好多由漫畫改編嘅電影上映, 2017仲一共有26套咁多! 有幾套仲係大家都好熟悉嘅超人氣漫畫~ 要去戲院睇哂真係會睇到破產 唔知大家又有邊套係最期待睇㗎呢? (*紅字為主演演員) (2017/1/16 更新Relife 預告片) (2017/1/26 更新Relife 長版預告片) (2017/2/1 更新白晝的流星 長版預告片) (2017/2/6 更新無限的住人 長版預告片) (2017/2/8 更新哥哥太愛我了怎麼辦?預告片) (2017/2/13 蜜桃女孩長版預告片) (2017/3/2 先生!預告片) (2017/3/7更新JoJo的奇妙冒險 不滅鑽石預告片)   <2017年1月> 新宿天鵝2(新宿スワン2) 原作:和久井健「新宿スワン」 上映日期:2017年1月21日 演員:綾野剛,伊勢谷友介,淺野忠信, 廣瀬愛麗斯,椎名桔平,金子統昭   
01
Mar 16
21:36
新聞

猛鬼PK!貞子vs伽椰子6月上映!

講起日本恐佈片小編第一時間就諗起貞子…   但係如果要再拍續集,一個貞子又太㝰,加多個伽椰子(咒怨)就差唔多啦?   日本最新電影《貞子vs伽椰子》6月18號係日本上畫     唔少得呢餅唔知點解死極都死唔去嘅錄影帶     兩大女鬼碰頭,到底鹿死誰手     電影公司好抵死,仲整埋電影系列杯緣子 (而家乜都關杯緣子事?)     俾d預告片大家睇下啦?  
02
Mar 16
19:30
新聞

小新回歸!電影《爆睡!在夢的世界大突擊!》4月上映!

小新有新電影喇!《爆睡!在夢的世界大突擊!》4月16號正式上映!     喂喂,太爽啦係咪!     點解妮妮要扮兔仔 (淨係諗起隻兔係咁俾佢打?)     Show下Patpat一定唔少得 ?     最重要梗係睇下個預告片啦,小新仲會表演屁股啪斷筷子!!     如果香港都有得上就好啦 ☺
09
Nov 16
18:00
新聞

大人氣遊戲App《貓咪收集》拍成真人版電影!

累積下載數目達1900萬人,無論喺海外定日本都大熱嘅收養貓咪遊戲App「ねこあつめ」(貓咪收集)將會拍攝真人版電影!(小編見到消息後首先大笑咗三聲,真心估佢唔到)電影將由伊藤淳史主演,佢話呢套作品將會係溫暖人心、充滿希望嘅作品!     有玩過個app嘅都知作品最重要嘅就係嚟個日式屋企庭園玩嘅貓貓。伊藤就係飾演因陷入寫作低潮而移居郊外嘅小說家佐久本勝,而電影就係講述佢同出現係屋企庭園嘅貓咪們交流、同埋貓貓如何改變咗無自信、充滿苦惱嘅佐久本。官方釋出嘅圖片亦見到佢溫暖嘅笑容同電影第一隻出現嘅貓貓Cinnamon~   電影將會於2017年公開!先不論故事題材吸引,一套可以見到咁多隻可愛貓貓主子嘅電影,貓奴們唔係唔捧場呀?(笑)   資料來源:Yahoo.jp
24
Jun 16
23:40
新聞

【又一套真人版】《東京喰種》真人電影男女主角公開

每次有動畫真人版卡司公開嘅時候我都會覺得...走啦我唔想搞大佢。   上個禮拜,石田翠老師所作漫畫、發行數達1800萬部嘅《東京喰種》就喺官方網站公佈咗將會變成真人大電影,今日終於公佈埋卡士啦!好多網民原先估會係神木隆之介咗男主角啦,又名「金木小天使」嘅主角金木研將會由新版Death Note男主角窪田正孝主演。超型女主角霧嶋薫香就會係今季日劇《世界上最艱難戀愛》演美咲同事嘅21歲女星清水富美加飾演。     通常公佈呢啲卡士都會引起好多粉絲嘅激烈反對。但今次係石田老師主動批准呢兩位做男女主角,仲話非常佩服窪田嘅演技,話如果呢個世界真係有金木,應該就係同窪田一模一樣添!而清水亦都係石田老師親切推薦添喎。窪田自己就話受寵若驚,因為自己都係《東京喰種》嘅粉絲。好多網民已經話因為窪田係個認真嘅男演員,而且成功再現夜神月嘅「計劃通」樣,所以都幾支持咁話喎。     除了男女主角外,石田老師就預告話會有好多你估唔到嘅人會參演今次電影,叫大家期待下。今次嘅導演係拍開微電影同廣告嘅萩原健太郎,故事會以連載中嘅《東京喰種》為原作,講述因傷送院被意外
28
Apr 16
23:06
新聞

「貞子vs伽椰子」最新預告片登場!

「貞子vs伽椰子」最新宣傳海報同預告片嚟啦!     今次貞子除左井之外,仲有個新啲嘅登場方式喇     不過依然都係有呢餅死極都死唔去嘅錄影帶     俊雄仲識得出大技!?     睇圖唔夠氣氛,即刻睇下預告先!     我覺得自己已經對日本恐佈片免疫…睇預告無乜驚嚇感覺,唔知入場又會點哩
09
Mar 16
18:14
新聞

岩井俊二最新作!《夢の花嫁》3月17號上映!

岩井俊二最新作品《夢の花嫁》3月17號就上映啦!香港影迷好幸福,因為比起日本,香港仲早左一個禮拜上映。唔講唔覺原來岩井俊二對上個套日語電影已經係12年前嘅《花與愛麗斯》。今次電影會繼續運用清新同夢幻嘅風格帶出而家虛擬世界現象,這麼近那麼遠,看似真實…但實際又係唔係咁…?     劇情簡介:   七海 (黑木華 飾)係一個兼職高中教師,性格內斂冷漠,只有係網絡世界先可以令她佢安然咁同外界接觸。某日,佢識左一個叫鐵也嘅網友而且開始約會,好快仲拍埋拖結埋婚。可惜婚後只係幾個禮拜就發現老公出軌,仲要俾奶奶屈佢不忠趕左佢出門口。七海大受打擊,另一位網友安室(綾野剛 飾)知道左之後,就引薦佢去左一個豪門家庭入面做留宿女傭。仲因為咁識左新同事兼朋友真白(Cocco 飾)。由於真白嘅積極爽朗,七海漸漸走出陰霾,開始重新振作。好可惜,七海竟然發現安室、個座豪宅同好朋友真白原來唔係佢想像咁樣,呢段猶如夢一般嘅日子亦漸漸甦醒……     小編好鍾意呢類型嘅電影,即係唔去到結尾你都唔
16
Jan 16
02:19
博客

《百圓之戀》:負能量更有正能量!

《百圓之戀》近排喺香港上咗,其實佢去年喺亞洲電影節同《真實魔鬼遊戲》、《愛的成人式》等等已經上過,不過當然係得好少場,今次公映小妹就再睇多次,雖然共鳴感唔係話好大,但還是覺得好值得推介的。  故事好簡單,係講一個又肥又髒嘅超級廢中女一子,有日同家姐嗌交離家出走,從來無做過野嘅佢去咗100Yen便利店打工,後來被污辱、又遇上種種奇怪人,然後愛上咗個鍾意打拳嘅男人。男人上過一子幾次後就消失咗,一子就自己去咗玩拳撃,好努力一直練習,最後啱啱趕得及喺32歲(女人打拳年齡限制)未過去前上台打比賽,結果係好快就打輸咗,但也無悔了。  喺講個題材同故仔前,先講吓女主角:安藤櫻。佢就拍戲拍咗好多年,之前都有代表作例如《愛的曝光》,又試過喺同一年內以唔同電影拎到女主角同女配角嘅獎項,夠哂堅!但係話題性好似都不及今次,但梗係啦,拍親拳擊,都好似有個「潛規則」:將身形好似變幻球咁變大變細、變肥變瘦,肚腩變肌肉,安藤櫻都唔例外。佢喺訪問入面都有講到:先練肌肉、再食肥自己,隨後在10日內減哂啲脂肪,期間每日都只食雞胸肉,隔絕脂肪同糖類,加瘋做運動! 真係佩服~~~   拳撃絕對唔係新題材(甚至係好濫嘅題材),遠至經典嘅《Rocky洛基》、奇連依士活嘅《撃情》、然後華仔都拍過《阿虎》,近期就一定係《激戰》或者係Jake Gyllenhaal嘅《再戰撃情》!好喇但講
19
Sep 16
21:10
新聞

電影《銀魂》第三彈豪華卡司發表 堂本剛、菜菜緒參戰!

會唔會係咁豪華呀?動漫真人化電影《銀魂》已經步入殺青階段,今日官方再釋出第三波演員名單,豪華嘅卡司再次令人難以置信....到底製作經費用咗幾多錢!!??     今次公佈嘅係反派角色係《銀魂》入面被稱「最危險嘅男人」高杉晋助同佢嘅武裝集團「鬼兵隊」。隊長高杉晋助呢個咁重要嘅角色就係由Kinki Kids嘅堂本剛飾演!今次係堂本剛事隔12年再次拍攝電影,據說係福田監督話拍完電視劇《33分偵探》後好想搵佢拍反派!堂本除咗會有彈三味線嘅鏡頭,仲會有同小栗旬飾演嘅銀時有場精彩嘅打鬥戲份!佢仲話對上一次演「殺陣」戲碼係自10幾歲嘅時,而小栗旬因為生得高所以拍攝時都有啲挑戰添!   ▲堂本剛 飾演 高杉晋助   高杉率領嘅攘夷過激派武裝集團「鬼兵隊」隊員卡士同樣強勁,有新井浩文飾演岡田似蔵、佐藤二朗(佛祖)飾演武市変平太、菜菜緒飾演来島また子、另外安田顕同早見朱莉分別飾演刀鍛冶屋兄妹村田鉄矢同村田鉄子。 好啦。小編我承認我開始好期待睇呢套真人版了!   ▲新井浩文 飾演 岡田似蔵
28
Sep 16
21:35
博客

《JoJo的奇妙冒險》第四部 真人版電影正式公佈演員名單!

日本華納兄弟公司剛剛舉行記者會宣布將會拍攝真人版電影、荒木飛呂彦經典神作《JoJo的奇妙冒險》第四部「不滅鑽石」,並公佈咗導演同演員名單。     JOJO系列漫畫銷量累計9千萬部,自1987年起開始連載,屬於唔少少年漫畫迷心目中嘅神作。今次電影版搵嚟《鬼來電》、《要聽神明的話》著名導演三池崇史執導。第四部嘅舞台本來設定係以仙台為形嘅虛擬城市:1999年日本M縣S市杜王町,不過導演表示會係西班牙取景,呈現一個美麗嘅杜王町畀觀眾。   演員名單:   東方仗助 山﨑賢人 広瀬康一 神木隆之介 山岸 由花子 小松菜奈 虹村形兆 岡田将生