20
Sep 17
23:48
博客

官方華麗教學!日本KFC教你拆骨

打機有遊戲攻略,原來連食雞有攻略嫁!近日Twitter就瘋傳一張「オリジナルチキンの美味しい食べ方」嘅相,兩日內已經有超過11萬Retweets同21萬個Like,日本網民都大讚攻略好有用,一齊睇下點樣食雞最正啦! 原來呢張「令原味炸雞食得更好味攻略」係日本KFC推出,教大家點樣將唔同雞件拆骨,等大家食到啖啖肉,真係好貼心呀!(原文) 1. 雞胸 雞胸骨少肉夠多,胸肉中有三舊透明小骨,先將左右兩邊嘅骨拔出,拎埋中間個條就食到啖啖肉。 2. 雞翼 雞翼雖然肉唔多,但因為脂肪比例高,食落口好嫩滑,所以唔少人鍾意食。將雞中翼同雞翼尖之間嘅關節位向內屈,就可以輕易將佢地分開,然後就好容易拎出雞中翼嗰兩條骨。 3. 雞上脾 邊度係雞上脾?呢部份嘅肉質結實,㩒住邊邊條骨再扭一扭佢,扯啲肉就得啦! 4. 雞下脾 細細個屋企人都會比雞脾我哋食原來有原因嫁!唔止因爲雞脾肉質嫩滑,佢嘅鐵質都好多,食完話唔定會快高長大。拆雞脾骨好簡單,只需要㩒住個雞脾軟更有曾經做過KFC嘅網民都係第一次知道呢個嘆雞方法。 5. 雞側胸 雙手向外㩒住啲骨就可以輕易扯出啲肉啦! 有日本網民話好憎雞骨,但有左呢個方法就可以拆曬啲骨,實在太好啦 !仲有個話雖然同攻略相見恨晚,但之後食KFC就好方便啦~下次食雞時不妨試下拆雞骨大法,嘆啖啖肉嘅雞啦!  
07
Feb 17
20:07
新聞

【咪話有正嘢唔講你知!】呢度有得食「29円」河魨刺身!

河魨料理喺日本都算係高級料理,閑閑哋一人份量都要成千幾円,真係食到肉都赤埋!所以當小編發現呢個可以以超超超超低價就食到一碟河魨刺身嘅活動就即刻馬上同大家開心!     真係冇睇錯,店方亦冇寫少個「0」,大家只要喺2月9日至2月12日呢段期間去「ふぐ・玄品」各分店,就可以以¥29激抵價食到一客極品河魨刺身,呢碟刺身原價要成¥1,180,計一計平咗成¥1,151,同免費送畀你食基本上冇咩分別!   不過講真,食一碟仔刺身又點會滿足到我地!店方亦好明白客人嘅需求,所以優惠亦都適用於所有套餐,無講你叫任何套餐,佢地都會照價減返¥1,151,好有良心啊!咁當然,套餐價錢唔係平,但有個咁好嘅藉口去一嚐高級河魨料理,又點可以遮住自己對眼同自己講睇唔到!   「玄」 3,980円⇒2,829円 呢個餐已經係咁多個餐入面最輕巧嘅一個,第一次食河魨料理又冇咩budget的話可以一試,入面包括有河魨刺身、河魨鍋、雜炊同甜品。   「醍醐」5,300円⇒4,149円 同「玄」最大分別嘅係呢個餐仲可以食到炸雞!   「天楽」6,100円⇒4,949円 上面兩個餐有咁多野食都仲唔夠?唔緊要,叫天樂啦!
24
Dec 16
09:38
新聞

雞年出雞包~ Lawson推超可愛「炸雞君雞包」迎新年!

日本便利店Lawson將會於12月31日號起推出全國限定40萬個嘅照燒雞味「炸雞君雞包」(194Yen),用嚟慶祝2017年踏入雞年呢!   睇下個造型幾可愛!!   「炸雞君」其實就係Lawson好出名一盒盒一啖size嘅炸雞,尤其係年輕人一代廣受歡迎。今年係商品推出30週年,就特意推出呢款特別版「雞包」。   包入面有size容易入口嘅燒雞肉,配上特色Teriyaki照燒雞汁,再加上呢個咁可愛嘅造型,相信大人細路都會好想買個返黎食呢!   買左之後會唔忍心切開個包呀~~   連包裝紙都係雞!   資料來源:Twitter @mognavi
23
Nov 16
23:35
新聞

他媽哥池20歳喇!!!

雞,全部都係雞,全街都係電子雞! 想當年真係周街都係電子雞! 時間會唔會過得太快,原來電子雞他媽哥池已經係20年前嘅產物...   1996年11月23日, 第1代他媽哥池喺日本發售,果陣時賣緊1980円,但係因太受歡迎,斷市咗好多次 記憶中香港普通色炒到成500-700蚊! 而日本有幾隻色好似係白色、金同銀色炒上過90000円!   話就話電子雞,當時無咩人知係外星生物,而唔係雞... 不過Bandi(萬代)推出呢隻電子(雞!?),席捲全球,97年5月先出英文版。果陣車長都有一隻,不過好快就唔見咗。 最Hit果陣真係好多人有,周街都係電子雞~~   為記念他媽哥池20歳, Bandai特別出部Tamagotchi m!x 20th Anniversary m!x ver. 20周年記念版!   不過香港應該無人返貨!   To: Bandai,可唔可以出熊本熊版他媽哥池呀? From 車長   印象中果幾年仲有Sony電子狗狗AIBO同Pocket Station ,PS2等等 日本
29
Aug 16
19:44
新聞

魚,全部都係魚!

最近,大家成日不停唱「雞~全部都係雞~全部都係雞~」 唔知係咪個熱潮傳咗去日本呢? 事關日本奈良嘅群山出現咗呢個現象……   魚~全部都係魚~全部都係魚~~~   電話亭入面養金魚係咩玩法?   汽水機又有金魚!!!   茶几又又養金魚!!!   就連呢度都養金魚!!!!!   魚~金部都係魚~全部都係魚~~~   唔知係咪當地居民對金魚情有獨鍾呢???   資料來源︰@muchiaco/Twitter