阿爾卑斯
01
Nov 16
23:54
新聞

中央新幹線最難興建隧道西面開始動工

JR東海嘅磁浮式中央新幹線、 最難興建嘅隧道,日本南阿爾卑斯隧道長野工地開始動工   動工儀式喺長野県下伊那郡大鹿村舉行,JR東海董事長山田佳臣,總經理柘植康英,鹿島建設總經理中村満義,長野県首長阿部守一同一部份市町村長,仲有同工程有関係等等人物約100人出席。   呢個工程係繼南阿爾卑斯隧道山梨工地及東京品川工地之後第3個開始動工,原因係呢個工程可以話係最長時間同難度非常高。 南阿爾卑斯隧道全長25公里,今次動工長野工地最深離山頂頂達1400米,喺成個磁浮式中央新幹線入面最深,而且仲有鹿塩鉱泉同奈良田温泉喺附近,預計工程中會出現地壓非常高,中間會有好多入水同行經極度惡劣地質,包括地震帶斷層,剪裂帶及地下湧泉等況。工程難度可能凌駕北越急行線嘅鍋立山隧道。   JR東海希望可以係2027年先開東京至名古屋、到時東京品川去到名古屋只需40分鐘。   而東京至名古屋中央新幹線一段造價約5兆5,235億円,約港紙4000幾億。 不過總經理柘植康英指,雖然南阿爾卑斯隧道嘅工程難度前所未見,但係不論發生咩事都要放安全喺第1位!   最近宇多田光幫Suntory賣天然水廣告就喺同一個山
13
Apr 16
00:45
新聞

立山黑部阿爾卑斯登山路線詳情公佈

立山黑部阿爾卑斯登山路線於早前已經公佈開山詳情,電鐵富山至彌陀之原將會率先於2016年4月10日起開通,彌陀之原至信濃大町會於4月16日至11月30日開通。全行程覆蓋富山縣至長野縣,最高點達2450米。每年冬天立山黑部受大雪影響,冬天都會封山,而4月中起會重開路線,呢條路線深受日本當地同外地登山人士歡迎。   今年4月16至6月22日會開放室堂地區,長約100米嘅「漫步大雪谷」,積雪嘅高度亦係每年注目焦點,冬天錯過咗睇雪可以PLAN定行程睇雪。而4月16日至4月25日期間為開通初期及日本黃金週,人潮會十分多,交通亦會相當混亂,所以記謹要留意交通延誤嘅狀況。   加上早前介紹過嘅「阿爾卑斯、高山、松本地區周遊券」,可以涵蓋部阿爾卑斯登山路線嘅所有交通,2016年4月16日至11月13日期間,連續五日使用。登山人士可以憑呢張周遊券玩盡全行程!   立山黑部阿爾卑斯登山路線開通日期: 電鐵富山–彌陀之原:2016年4月10日起 彌陀之原–信濃大町:2016年4月16日至11月30日   漫步大雪谷 日期:2016年4月16至6月22日 價錢:免費      
31
Mar 16
22:45
新聞

期間限定! 全新「阿爾卑斯、高山、松本地區周遊券」

  繼「高山・北陸地區周遊券」「伊勢・熊野地區周遊券」之後,JR 東海喺琴日宣佈推出全新期間限定嘅「阿爾卑斯、高山、松本地區周遊券」!呢款只限持外國護照者購買,售價為成人17,500円、小童8,750円,只限2016年4月16日至11月13日期間,連續五日使用。可以自由落車,不限次數自由乘坐。   涵蓋範圍好廣,由名古屋至富山(經JR東海道及高山本線),以名古至至信濃大町(經JR中央女線、篠ノ井線及大糸線)嘅普通車自由席,而普通車指定席最多可坐四次。除此之外,仲可以不限次乘搭立山黑部阿爾卑斯路線嘅富士至信濃大町全線,包括鐵路、巴士及纜車。   呢張周遊券日本國內無得賣㗎,需要事先喺日本以外指定旅行社購賣兌換証,日本到埗後再拎住護照同兌換証先可以換到正式周遊券。   銷售期間:2016年4月1日至11月9日 售價:成人17,500円、小童8,750円(6歲以上 11歲以下) 香港部份指定旅行社: 東瀛遊 縦横遊 新怡旅遊 都會假期 康正旅遊 東和旅遊 國際觀光旅遊有限公司 日航天地旅遊有限公司 專業國際旅運有限公司 等