關西機場
15
Jun 17
01:50
博客

睡機場也不怕, 關西機場airport lounge 全面睇!

要坐便宜飛機,通常時間都比較奇怪。小妹這次由大阪飛北海道的旅途,訂了早上7時許的機,本來有打算一早由京都的家出發到大阪,但最早的電車也沒有那麼早,所以一定得要在大阪住宿一晚。 搬著沉重的巨型行李,要在大阪運來運去並在極為複雜的電車站內走來走去,簡直是要了我的命。於是我選擇提早一晚到達關西國際機場,省下了無謂酒店住宿費,取而代之以機場休息室(Airport Lounge)作為我的休息站。大阪關西國際機場休息室為24小時開放,亦非常易找,位於第1候機樓2樓北側。幸好小妹大約於晚上9時經已到達,還剩下一兩個好位置。 休息室   休息室內環境   休息室內環境   休息設備 機場休息室設備不錯,而整潔度則是筆者最喜歡的地方,每位客人也可以使用提供的拖鞋及毛毯。 位置方面有家庭影院室、獨立電腦間隔、公共大廳可選,我選了單人獨立電腦間隔,私隱度比較高,而且有舒適的大班椅。不過,可能大班椅有點舊,坐下去及調整斜度的時候總是發出擾人的噪音,所以當周邊的人在動的時候,噪音響個不停,有點令人不耐煩。獨立電腦間隔的座上備有一個儲物櫃,可把貴重物品鎖起,足夠把相機銀包手機護照等全都鎖進去。
31
Mar 17
01:44
新聞

今日開始營業! 關西機場全新膠囊酒店 First Cabin!

坐凌晨機去關西玩,點知成晚都瞓得唔好,直至落機嗰刻先嚟斷電……係咪成日都係咁呢? 最近關西機場愈來愈多凌晨機同早機,相信應該愈來愈多人會追求可以早一晚去機場瞓覺等早機,或者太陽未出嚟就到埗想「叉陣電」先出去「搏殺」吧。 為咗應付呢方面嘅需求,連鎖膠囊酒店集團「First Cabin」終於殺到入關西空港! 話說「First Cabin」於關西機場嘅「Aeroplaza」分店今日正式營業。酒店總共提供 153個膠囊,其中男性用嘅有94個,女性用就有59個。其他設施好似大浴場、淋浴間、化妝室、衣帽間同吸煙室等全部有齊。 收費方面,「First Cabin」有分頭等及商務2種艙,如果按小時計算,商務艙每小時900日圓,而頭等艙則為每小時1000日圓(最少要住2小時)。而過夜則為頭等艙7200日圓起、商務艙6200日圓起。 ※CHECK IN 時間為19:00、CHECK OUT為10:00 ※19:00-翌日10:00過夜客優先。 First Cabin 關西空港 地址:大阪府泉佐野市泉州空港北 1 番地 電話:+81(0)7 2456 5526 CHECK IN 時間:19:00後 CHECK OUT時間:10:00前 ※10:00-12:00 大浴場暫停開放 官方網站:http://first-cabin.jp/locationlist/kanku.html
05
Sep 16
20:09
新聞

【新過關需知】日本法務省執行新措施力減旅客過關時間

相信去過日本嘅朋友都知道,有時(尤其是假期旅遊高峰期),喺日本機場等過關都幾費時。根據法務省調查,入境最長平均等候時間排首嘅係關西機場嘅38分鐘,其次係中部國際機場嘅26分鐘、羽田機場嘅24分鐘、以及成田機場嘅18分鐘。   面對持續上升嘅旅日人數,日本法務省宣布將會執行一系列新措施,當中包括緊急增加62名入國審查官,以及由秋天起引入可減省入國審查時間嘅機器BIOKART。新引入嘅可動式BIOKART將會設置於遊客排隊嘅地方,利用遊客排隊等候嘅時間事先採集遊客樣貌及指模情報。遊客嘅個人情報隨即會連同護照嘅資料一同傳送到櫃台,減省櫃台進行嘅手續。咁以後大家等過關就唔使等得咁辛苦喇!   連接多家廉航、24小時運作嘅關西機場因遊客數目急速上升導致入境情況混亂,另外一個重災區係連繫多架來自中國等地區郵輪嘅博多港口。緊急增加嘅62名入國搜查官將會被派到關西機場、成田機場以及博多港口。另外,關西機場亦會放置62台BIOKART,其餘19台暫時會先引入至高松、那霸機場。   舊年訪日人數達至1974萬人,比起2014年嘅1341萬人高出47.1%。日本政府就希望到2020年東京奧運嘅時候可以破到4000萬人,並希望2030年會達至6000萬人。作為遊客希望當日本政府期望咁高嘅時侯都要做好配套設施啦!