關東
23
Oct 17
19:23
博客

颱風「蘭恩」吹襲消息速報

經過一夜吹襲之後,現時颱風「蘭恩」已經開始遠離東京繼續北上,於日本時間23日10時至11時間集結於岩手縣大船渡市附近,現正廣泛影響東北地區,岩手部分地區已發出「避難指示」。「蘭恩」於日本時間凌晨3時左右於日本靜岡御前崎市附近登陸後減弱為颱風,並於清晨吹襲關東一帶,東京於48小時內錄得340毫米雨量,係接近十月份2倍正常雨量。今次風災於日本各處都造成不同程度破壞,並造成最少2人死亡、逾90人受傷,其中1
26
May 17
23:16
博客

【今期流行】率先試食 池袋最新生銅鑼燒専門店DOU

  池袋上星期新開咗間生銅鑼燒専門店「DOU」,小編就緊係咋咋臨去試食啦~~   DOU其實朝早10點先開門,mika 9點半去到已經見到有人等緊,到臨開門前5分鐘更加有估計30幾人排隊, 睇嚟因為DOU係人氣芝士撻店BAKE CHEESE TART嘅姊妹店,所以大家都好期待~~   等咗半個鐘,終於買到啦~ (右邊個袋係贈品:一枝迷你水ww 要大家排咁耐好唔好意思咁話喎~)   留意一人只可以買三件生銅鑼燒,想要多啲都唔得啊!   生銅鑼燒同一般銅鑼燒最大分別就係, 佢入面夾咗舊新鮮打成嘅cream! 依舊cream可以話係成舊銅鑼燒嘅靈魂, 入口即溶,連個心都溶埋啊~~w   依一圈紅豆蓉都好威㗎,由北海道十勝頂級紅豆「雅」製成, 唔太甜得嚟又好香豆味~ 可惜我嫌佢唧得太少ww如果再多返少少就好啦~~  
05
May 17
01:57
博客

關東地區5月~7月花田集合

春天櫻花季完咗,迎接初夏嘅花田~5至7月推介嘅美景花田~! 玫瑰 京成バラ園 / 千葉県, 横浜イングリッシュガーデン / 神奈川県 紫陽花 明月院 / 鎌倉(神奈川県), 小田原城址公園 / 神奈川県, 国営昭和記念公園 / 東京都 薰衣草 たんばらラベンダーパーク / 群馬県, 佐倉ラベンダーランド / 千葉県 向日葵 大岩フラワーガーデン / 群馬県, 座間市ひまわり畑 / 神奈川県, 成田ゆめ牧場 / 千葉県   【玫瑰】 京成バラ園 / 千葉県 花期:5月頭~ 關東玫瑰出名嘅地方千葉縣「京成バラ園」係關東最大嘅玫瑰園~ 爭相綻放嘅玫瑰花襯托附近有售嘅玫瑰雪糕,非常養眼~ 京成バラ園 千葉県八千代大和田新田755   横浜イングリッシュガーデン / 神奈川県 花期:5月頭~ 關東另一個玫瑰出名嘅地方「横浜
11
Apr 17
23:00
博客

井の頭公園 扮日本人賞花指南

每當到櫻花季節,外國遊客就嘭嘭聲咁湧晒入日本賞櫻,好鬼熱鬧~ 不過有時見到佢地一啲唔文明或者奇異嘅舉動, 日本人都敢怒不敢言,但係心底入面就blacklist咗嗰個國家。 想開開心心賞花得嚟又唔失禮,十足地道日本人咁賞櫻?落足眼力睇啦~   今日我同VIVI嚟到吉祥寺嘅井之頭恩賜公園賞花, 一落車首先就衝去便利店買賞花三寶~ 1就係墊啦~ 基本上附近有得賞花嘅便利店,喺開花期間都一定有墊賣~ 1-2個人用嘅size的話,百幾yen就買到㗎啦~   第2寶就係酒!!! 如果星期六日去賞花,多數啲攤檔都會有酒賣,但係就貴90yen以上…好唔抵! 如果係平日的話,大部分攤檔都唔會開,所以大家記住買定酒入去飲! 睇漫畫嗰陣,明明男女主角賞花個陣都係帶個茶杯去飲茶, 而原來現實中大家都係麻甩地飲啤酒… 嗯,日本人就是這樣賞花的!   第3寶就係團子啦!!! 一講起花見嘅食物,大家都會話「冇咗團子嘅花見就唔係花見」, 甚至日本有句說話叫做「花より団子」, 啫係話與其賞花不如
04
Mar 17
03:14
博客

漫遊小江戶 輕鬆川越一日遊

嚟過東京咁多次,每次都淨係留係市中心點都覺得唔夠喉嘅~今次就特登嚟到有「小江戶」之稱嘅埼玉縣川越市嚟感受下慢活遊。唔嚟親身睇到唔知原來呢度真係好有古時候嘅日本風味,直到有少少覺得自己好似拍緊啲時代劇咁呀! 睇以下行程推介之前強烈建議大家睇咗上面條FULL VERSION嘅遊記VLOG先喔~~ 會更加明白每個地方有咩好睇 由於今次係自駕遊喺東京過嚟,到達嘅時候已經係差唔多12點(體驗慢活嘛XD 遲少少唔緊要啦)。於是一落車即刻搵嘢食先~ 餐廳推介:甘味茶房かすが  地址:埼玉県川越市幸町6-1 りそな銀行川越支店北側 營業時間:10:30~18:00 (ランチ営業、日曜営業) 見到呢度寫住有川越名物就衝左入嚟,原來呢度係一間開咗120年嘅名店,入面嘅湯麵(素麵)係用蕃薯整㗎!除咗set lunch之外,呢度仲有好多日式甜品同好出名嘅醬油燒小丸子~仲勁多明星嚟食過,而且可以買住一邊行一邊食。
25
Nov 16
18:07
博客

天空樹下吃喝玩樂-晴空塔商場Solamachi 商店推介

  上個禮拜同大家分享咗我地去東京淺草晴空塔嘅PPAP Cafe朝聖同埋上Skytree睇風景,但大家嚟到千祈唔好睇完個塔就走呀!其實呢度樓下仲有個5層樓嘅商場,有各式各樣嘅店舖同食市,就算一家大細唔同要求都適合行~唔係淨係得涉谷原宿先有得shopping㗎~   今日就等我同Vivi輕輕推介5間我地覺得遊客難得嚟到應該一戰嘅餐廳+店舖啦!   1)Pokemon Store (5F 東區) 今年Pokemon Go hit到爆燈,重燃起唔少人對寵物小精靈嘅熱愛。東京除咗池袋之外其實Solamachi都有Pokemon Center嘅分店!除咗公仔、文具、小食,依家仲做緊Pokemon X Mario嘅crossover主題商品,同埋有Skytree Pokemon Store限定嘅商品添架!   2)nanaco plus+ (4F 10區) 遠睇可能以為係一間好普通嘅首飾舖,但其實呢間舖頭係將日本傳統糖果加工再變成非常可愛嘅吊飾、髮飾、耳環、手鍊、電話繩或鑰匙扣。因為每款糖果都好日系,而且真係有好多款式,所以尤其適合女仔嚟買野!男仔行都唔緊要,可以買下禮物俾身邊嘅女性朋友嘛XD  
21
Nov 16
20:24
新聞

【呢個真心想儲!】47都道府縣地方限定啤酒

日本真係好多限定野,仲次次都唔係交行貨,唔知由自可,知道咗有呢樣野又唔去試個心硬係會覺得囉囉攣!   好似呢期KIRIN推出嘅「47都道府県の一番搾り」,單單係47個唔同包裝嘅啤酒罐已經有令人有儲齊一套嘅衝動,更何況佢地唔止玩包裝,連味道都話會因為使用唔同地區嘅材料製作,所以會有少少唔同,飲開啤酒的話應該一試就試得出當中微妙嘅分別。   每罐啤酒罐罐身都會有個地圖仔顯示返啤酒生產所在地,大阪版嗰個就係金色嘅,係咪好感受到大阪嘅熱情同奔放呢!   講到沖繩一定係陽光與海灘!沖繩版味道好清爽,想像吓喺沙灘玩完水上嚟飲返罐,暑氣由內而外一瞬間消除,爽!   北海道一年四季嘅變化各有特色,是令人一去再去嘅一大原因,呢個北海道版就以北海道嘅夏天作為地圖設計概念,以北海道米同當地名水作為原料,製作出如甘露般嘅啤酒。   呢個「47都道府県の一番搾り」其實上年都搞過,販賣目標SET喺260萬罐都可以賣得哂,見到咁好反應,今年當然加碼,由260萬罐調整到去320萬罐,產量足足多咗2成,即係話照道理今年應該比上年冇咁難買到,咁好嘅機會,冇理由喺日本都唔買返罐試吓
18
Nov 16
19:45
博客

2016關東,東海同近畿入場式Countdown精選

又到年尾嘅時候 巳經有人問緊喺大阪有乜Countdown好去嘅! 所以車長先集合關東,東海同近畿地區主要入場式Countdown介紹吓先。 由北到南數!   1.大江戸温泉物語 大江戸カウントダウン(大江戸温泉物語 ​大江戸Countdown) 年年大江戸温泉物語都會喺台場個大江戸温泉物語倒數。 呢度好處係離東京都心最近,同埋幾凍都好,之後可以跳返落去浸温泉暖返晒!   ・名稱: お台場 大江戸温泉物語  ・地點: 東京都江東区青海2-6-3 ・倒數時間: 23:45~24:00 ・電話號碼: 03-5500-1126 ・收費:大人 2,936円(夜晩6點後入館,會以特定日料金計算算) ・公式網站URL: http://www.ooedoonsen.jp/     2.東京ディズニーリゾート・ニューイヤーズ・イヴ(東京迪士尼渡假區新年前夜) 迪士尼樂園同迪士尼海洋世界年年都會搞倒數,仲有煙花、燈光及音樂匯演, 不過個晩要買特別飛,先至可以係31夜晩8點玩到1
04
Nov 16
00:35
博客

關東最大級數嘅燈飾巳經開始咗!

全關東最大嘅燈飾巳經開始咗! 一共600萬粒LED,共組成11個區 有光之大宮殿(光の大宮殿) 光之天河(光の天の川) 光之尼加拉加(光のナイアガラ) 光之英式花園(イングリッシュガーデン) 光之海(光の海) 光之動物園(光の動物園) 光之大雪人(ビッグスノーマン) 光之帕寧頓熊(パディントンベアイルミネーション) 光之大隧道(光の大トンネル)
21
Oct 16
01:38
博客

嘩鬼出巡!東京萬聖節節目大集合!

一年一度嘅萬聖節又嚟喇!如果咁啱去開日本嘅朋友就千其唔好錯過當地嘅慶祝活動,一齊同大家睇下有咩玩喇!     1)Halloween Party2016 演唱會   由Q-Pot同VAMPS合辦嘅「Halloween Party 2016」將會喺神戶同埋幕張展覽館為大家帶嚟精彩嘅演唱會。(神戶:10月22-23日/幕張:10月28-30日)     每場演唱會都有唔同嘅歌手等住為大家表演。不過要入場就要購買門票,價錢為9,300円 (税込)。     官網:http://hwp2016.vampsxxx.com/ 地址:神戸市中央区港島中町6-12-2 (神戶埸) / 千葉市美浜区中瀬2-1 (幕張場)     2)T-SPOOK Toyko Halloween Party   如果覺得上面嘅演唱會太貴都唔駛驚,因為喺台場一樣有演唱會,而最重要嘅係免・費・入・場!     號稱為日本最大型Halloween Party,除咗有免費Live睇之