開心樂園餐
13
Jul 17
00:08
新聞

寵物小精靈 劇場版 日本麥當勞推開心樂園餐限定新玩具

『寵物小精靈』嘅動畫播放20周年記念電影版『劇場版寵物小精靈:寵物小精靈!就決定是你了!』7月15日開始就上映,之前之後就梗係要做足功夫宣傳啦! 而日本嘅麥當勞今次就同電影版合作,為開心樂園餐推出6款『寵物小精靈』嘅玩具贈品!   比卡超陀螺   比卡超水槍   小火龍拋接精靈球   鳳王哨子   熾焰咆哮虎‧鬃岩狼人杯球   傳說三聖獸拋圈 玩具將於7月14日推出,全部隨開心樂園餐附送。另外,於7月15-17日期間購買開心樂園餐,會再送多套『劇場版寵物小精靈:寵物小精靈!就決定是你了!』特別漫畫! 所有商品都係送晒就冇啦!  
08
Apr 17
01:09
新聞

【日本麥記開心樂園餐】超可愛「鬆弛熊玩具」初登場!

點解對面岸嘅飯硬係好食啲!點解連對面岸嘅玩具都係可愛啲!日本麥當勞由4月14日起凡惠顧開心樂園餐,即可免費獲贈鬆弛熊玩具一隻,對於我地嚟講要以正常手法儲齊一套應該冇咩可能,不過隻隻都咁得意,是但抽到邊隻應該都會好開心!(TдT) 開心樂園餐一套8款鬆弛熊玩具 一㩒鬆弛熊個頭,肚腩上嘅漢堡包就會轉轉吓。   一㩒鬆弛熊隻左腳,個頭就會擰擰吓。   一㩒鬆弛熊粒尾巴,對手就會揈揈吓。   一拉下面隻雞仔,鬆弛熊對手就會搖搖吓。   喺枱上推郁個玩具,個咖啡杯就會轉轉吓。   撩吓個機關,鬆弛熊就會飛飛吓。   一㩒鬆弛熊個後尾枕,對眼就會眨眨吓,懷抱中嘅果汁亦會好神奇地自動減少。  
29
Mar 16
17:57
博客

無養貓又點?唔係貓都可以戴多啦A夢鈴鈴 !

依兩日日本麥記真係hit到爆,事關開心樂園餐換緊多啦A夢玩具,而剷屎官們又瘋狂地將主人戴住多啦A夢鈴鈴嘅相PO上Twitter,令冇養貓嘅人萬分無奈!不過,係貓貓洗瘋狂洗版嘅同時,間唔中都出現咗幾張○○戴住鈴鈴嘅肉照~啱呀!唔通我冇貓就唔可以換鈴鈴,唔可以po相咩!   《多啦A夢:大雄的宇宙英雄記》就上畫,不過大家好似淨係對個鈴鈴有興趣,冇咩人提套戲(悲)   上Twitter一search,勁多貓貓戴住鈴鈴嘅相!   好在世上仲有幾個僅餘未被貓星人俘虜嘅人類,勇敢地PO咗其他○○戴住鈴鈴嘅相片~ 首先出場嘅係喵星人永恆嘅宿敵--汪星人! 推主mikanorwegian:變身做多啦A夢,實在太可愛啦!聽日一朝就要咁樣去麥記!     推主nyanparari0809:因為太想要個鈴鈴啦,所以害羞地買咗個開心樂園餐(*ノ▽ノ)