銅鑼燒
22
Mar 17
02:49
博客

【4大「超難買」夢幻甜品!】食到一啖已經超開心ヽ(*´∀`)ノ

最近日本網上流傳有4種人氣爆燈嘅甜品,熱賣到朝早推出未到中午就已經賣哂,有人為咗點都想試一啖早早走去排隊都唔介意,到底呢幾個係乜野甜品?係乜野魅力令到日本人咁欲罷不能!?   1. 超多Cream巨型銅鑼燒@朧八瑞雲堂 ¥340   即使係極寒嘅嚴冬,「朧八瑞雲堂」出面都會排住一條長長嘅人龍等食呢個「京都絕品銅鑼燒」!唔好以為呢度係老舖所以先會有日積月累嘅人氣,錯!呢間店喺2009年先開業,吸引到咁多人嚟排隊全因忌廉份量厚得嚇人嘅抹茶銅鑼燒,由上而下睇還好,由側面睇抹茶忌廉嘅份量多得誇張,加上佢做得唔會太甜,食哂成個都唔會覺得太漏!   除咗個抹茶忌廉味,店內仲可以買到其他唔同味道,好似呢個黑芝麻味都係份量級之作,但由於係期間限定款式,想試就要喺10月至5月呢段時間去試。   朧八瑞雲堂 地址:京都府京都市北区紫竹上竹殿町43-1 電話:075-491-6011 營業時間:09:00~19:00 休息日:星期二   2. 雙重口感驚喜焦糖三文治@ N.Y.C.sand ¥540
17
Oct 16
22:13
博客

【食乜好】池袋4大人氣爆燈必試甜品

去得日本玩,一日一定唔止食三餐,計埋甜品宵夜5餐已經算少,不過唔係個個都食到咁多野,嘅然個胃嘅quota有限,我地當然唔可以浪費空間,要食就食好味嘅!今次為大家推介4個可以喺池袋食到嘅甜品,等大家行街行到攰嘅時候知道有個地方可以坐吓食吓甜品。       1. 銅鑼燒@Suzumeya     係咪想話「唓~ 銅鑼燒香港都食到啦!」?話俾大家知,呢度嘅銅鑼燒喺你一拎上手嗰吓就會覺得好唔同,拎上手好重手,一搣開,即刻見到粒粒紅豆都好大粒!唔止,細心啲留意佢地銅鑼燒個外皮係有2層,口感比一般食到嗰啲豐富好多!   間舖頭好細,基本上啲人都係買走食嘅,不過店入面都有一張長椅,想係埋先走都ok。除咗銅鑼燒,仲有其他幾款菓子,不過當然都係銅鑼燒最受歡迎啦!   佢地都有入咗盒嘅10件裝,不過因為無添加防腐劑,嚐味期限翌日就係,所以大家都係唔使諗住買嚟做手信。   すずめや 地址:東京都豊島区南池袋2-18-5 電話:03-5391-0196 營業時間:10:00~15:00 (售罄就收舖,想買早啲到) 休息日:星期日   ===
26
May 17
23:16
博客

【今期流行】率先試食 池袋最新生銅鑼燒専門店DOU

  池袋上星期新開咗間生銅鑼燒専門店「DOU」,小編就緊係咋咋臨去試食啦~~   DOU其實朝早10點先開門,mika 9點半去到已經見到有人等緊,到臨開門前5分鐘更加有估計30幾人排隊, 睇嚟因為DOU係人氣芝士撻店BAKE CHEESE TART嘅姊妹店,所以大家都好期待~~   等咗半個鐘,終於買到啦~ (右邊個袋係贈品:一枝迷你水ww 要大家排咁耐好唔好意思咁話喎~)   留意一人只可以買三件生銅鑼燒,想要多啲都唔得啊!   生銅鑼燒同一般銅鑼燒最大分別就係, 佢入面夾咗舊新鮮打成嘅cream! 依舊cream可以話係成舊銅鑼燒嘅靈魂, 入口即溶,連個心都溶埋啊~~w   依一圈紅豆蓉都好威㗎,由北海道十勝頂級紅豆「雅」製成, 唔太甜得嚟又好香豆味~ 可惜我嫌佢唧得太少ww如果再多返少少就好啦~~  
21
Jun 16
01:08
博客

【大檢閱】淺草人氣小食試食報告

去日本一個月,就住足淺草一個月。之前成日上網或者睇旅遊書嘅雷門寺,變成每日來往嘅必經通道。   既然我同佢咁有緣,無理由就咁同佢「Just to say Hi」㗎,今次就同佢大家介紹下浅草雷門通り同周邊商店街嘅小食啦。       1)亀屋    ▼第一間要試食嘅就係就係呢間淺草寺御用供品嘅「龜な 仙貝」啦。       ▼店裡面其實仲有賣人形燒,都好受歡迎㗎。唔知會唔會係因為睇住師傅新鮮制作,零舍吸引呢?     ▼仙貝擺放得井井有條,真係未試都已經覺得好吸引。而且佢仲有分唔同嘅味道同厚度。厚嘅就500円5塊、薄嘅就500円8塊。貪心嘅話仲可以要求兩種唔同口味嘅Mix添。