銀座
24
Mar 16
01:16
新聞

【2016新地標】東急Plaza銀座

嘩嘩嘩黎緊3月31號,喺銀座有幢新商場叫「東急プラザ銀座」(東急Plaza銀座), 即將開幕啦!裡面有125間鋪頭,當中有D係初登陸日本嘅海外超受注目品牌, 亦都有唔少日本本土牌子嘅商店,大家以後又多個地方逛啦yeah!   東急プラザ銀座憑住「Creative Japan~世界由這裡開始,變得更有趣味。~」呢一個概念黎建設。總共13層,包含時裝,雜貨,餐廳,coffee shop等等不同商店。   佢嘅外牆係用左以傳統工藝嘅江戶切子作契機嘅設計,將傳統同革新融合黎令佢更有銀座嘅味道,突出其注重個人lifestyle嘅「成人」空間嘅感覺。   講下入面先!地下1、2層「GINCHIKA MARCHE」除左有雜貨店,仲有約30間嘅食物商店。喺地下第2層(連接住銀座駅),果到有間喺紐約超人氣嘅老鋪麵包店「THE CITY BAKERY」,日本第一間以奢華三文治為概念嘅「キャビアハウス&プルニエ サンドイッチハウス」,仲有首次喺東京開店嘅人氣京都雪糕店「ハンデルスベーゲン」。   而雜貨店,則有人氣gift select店「BIRTHDAY BAR TOKYO」、手巾仔專門店「swimmie」、磨練成人修養嘅上品文具店「TOUCH & FLOW」都係首次喺東京開店,鍾意雜貨嘅你地千祈唔好錯過啦!  
28
Jun 17
00:04
博客

6月23日新開幕 全新大型旗艦店 - 銀座LOFT

為慶祝創業30週年,LOFT於6月23日喺東京銀座嘅全新大型旗艦店「銀座LOFT」正式開幕! 除咗有好多潮流雜貨可以之外,仲有得食有得玩, 等我地即刻為大家介紹喇!   位於銀座二丁目嘅「銀座LOFT」全4層,分別喺3-6樓。 3樓有美容、健康雜貨、手錶、iPhone維修服務。 4樓有生活雜貨、家庭用品、家具等。 連Cafe亦都有! 5樓有多唔同種類款式嘅文具及實用背包。
12
Apr 16
23:39
新聞

迪士尼公主展覽@松屋銀座!!

喺2016年4月13日~ 5月8日,松屋銀座果到就會搞個「迪士尼公主與Elsa展覽」。喺日本,呢個展覽被期待左好耐嫁啦!因為佢唔單止係介紹迪士尼嘅作品,而係會以公主為焦點咁介紹,即係話,有好多有關公主嘅展品睇呀!認真,迪士尼公主真係陪伴著我地女仔嘅童年嫁我覺得!   今次嘅展示,會有400種類以上嘅展品比你慢慢睇。當中包括有關華特迪士尼,華特迪士尼公司嘅歷史資料同埋collection! 畫作,電影手稿,主題公園嘅小道具,公主裙,模型等等,呢D都係初次喺日本公開嘅貴重野黎!就好似:   呢個係白雪公主動畫嘅參考服裝(1936年)。 (原來白雪公主一開始套衫唔係藍色黃色嫁?)   呢個元祖版白雪公主好似原始人哈哈!   呢個係「美女與野獸」貝兒嘅公主裙,好靚呀!   呢個係故事書嘅小道具,都好靚呀!   仲有下面呢D唔同展品!
28
Dec 16
07:20
新聞

(熊本熊)佢將會出現喺東京呀!!!

佢將會出現喺東京呀!!!   家下熊本熊(下稱くまモン)號只可以去到熊本坐熊本電鐵先坐到~ 但係由1月1號至2月24號東京地下鐵都可以坐到佢呀,佢將會出現喺銀座線呀!   東京地下鐵同熊本電鐵合作,為咗16年熊本地震復興,特登喺開始咗換車嘅01系貼上くまモン。 其實熊本個架以前都係東京地下鐵嘅01系,不過因為銀座線要由01系換成最新嘅1000系。   所以用緊嘅01系賣咗畀熊本電鐵,之後就改造同縮短就成為熊本電鐵嘅01系。   所以佢哋係兄弟車黎㗎! 呢排去東京嘅朋友同くまモンFANS唔好錯過呀!   PS:真係羡慕啲人毎日都坐銀座線!有機會坐到くまモン號!
19
Nov 16
01:22
博客

關東圈特色列車陸續登場

日本係鐵路王國大家都知。   不過有好多中小型鐵路公司仲係度努力生存緊, 生存方法就係開多啲特色列車。 不過特色列車最近喺關東圈陸陸續續登場, 大家都可以唔使去咁遠就可以坐到特色列車喇!   最新特色列車將於下年7月登場, 由JR九州御用,設計出九州「七之星」郵輪列車嘅水戸岡鋭治先生設計。 JR九州 七つ星(七之星)及JRKYUSHU SWEET TRAIN「或る列車」   大家可能唔知係邊位?但大家都好可能見過水戸岡先生嘅作品。 和歌山電鐵貴志站 和歌山電鐵特色列車 JR九州 阿蘇Boy 都係水戸岡鋭治先生設計㗎!   今次水戸岡鋭治先生帶畀大家、屬於東急集團旗下,伊豆急行嘅THE ROYAL EXPRESS ザ ロイヤル エクスプレス。 THE ROYAL EXPRESS ザ ロイヤル エクスプレス 「皇家快車」
19
May 17
19:39
博客

每年夏天必大排長龍刨冰屋「ひみつ堂」

每年夏天必排長龍刨冰屋 位於東京谷中銀座商店街一間刨冰屋「ひみつ堂」,每年夏天都排哂長龍,熱辣辣都肯為咗佢排隊,證明佢真係好好食! 門口已經覺得好可愛~ 好多人排隊啊! Menu每日唔同,手寫再加一啲畫畫說明,好可愛~ 佢有好多好多唔同種類,所以真係去極都唔會嫌~刨冰每款約800~900yen   草莓牛奶味   抹茶朱古力    芝士焦糖   蜜糖蘋果   蜜柑   草莓乳酪 等等…每日種類唔同
10
Apr 17
19:42
新聞

【「辻利」進駐銀座開分店!】名店抹茶甜品東京都食到!

京都人氣抹茶專門店「辻利」將於4月20日喺銀座開設分店,對於抹茶控嚟講真係天大嘅喜訊,以後即使係去東京都可以食到京都經典抹茶甜品!   東京店將會開設於銀座GINZA SIX地下2樓,室內設計走時尚和風,除咗可以食到京都店嘅甜品,呢度更加有只有銀座店先食到嘅限定menu,例如抹茶使用量係平時嘅2倍嘅抹茶軟雪糕、超濃郁低溫抹茶白朱古力,入口即化嘅抹茶味道,只係一啖就會令人迷上!   辻利濃茶軟雪糕 ¥630   低溫抹茶白朱古力 ¥2,700   辻利 銀座店 地址:東京都中央区銀座6-10-1GINZA SIXB2 電話:03-6263-9988
24
Oct 16
23:58
博客

【食乜好】銀座激平企住食超熱鬧居酒屋

去親居酒屋都會想搵間坐得舒舒服服,又想有個室可以有返啲私人空間,不過有時有啲野就係唔試唔知,一試先知原來冇過室嘅居酒屋一樣好正,今次推介嘅呢一間仲要係不設座位,個個企哂喺度食,好熱鬧!     呢間「ドラム缶」位於2樓,見到拉麵店上2樓就啱喇!間野都幾隱蔽,真係可以話係一間隱世居酒屋。     呢間居酒屋今年6月尾先開,一入到去就見到幾個鐵桶放咗喺中間畀客人企住食,想感受本地人熱鬧氣氛嘅可以揀夜晚時段嚟,附近日本人放工之後都好鍾意嚟呢度飲返杯,傾吓計放鬆吓。   因為不設座位、店內空間又唔大,所以大家好容易就打成一片,傾傾吓隨時傾埋過隔離枱。     呢度好搞笑地有張野話畀大家聽喺度玩要知嘅8個重點,當中有幾點都幾得意,好似叫大家唔好飲得太多、 如果覺得企唔穩就係時候返屋企等等,令人不期然地喺個心度笑一笑。     除咗氣氛極好,喺短短幾個月內,呢度已經出哂名野食平,小食¥100一碟唔
27
Apr 17
19:59
新聞

Starbucks銀座GINZA SIX店首發!「啤酒般的咖啡」!?

喺東京銀座最近開咗個新地標「GINZA SIX」,入面有多達200多間舖頭畀大家由朝逛到晚!不過今次唔係介紹入面嘅舖頭有幾勁,而係基本上總有一間喺左右嘅「Starbucks」。   GINZA SIX嘅1樓、2樓及6樓都各設有Starbucks,不過今次嘅目標係位於6樓嘅Starbucks Reserve Bar,除咗店內空間設計獨特之外,喺呢度仲可以試到此店限定嘅咖啡甚至係紅酒Menu,一定唔會令一眾咖啡迷失望!   室內空間非常舒適!   【必試!啤酒般的咖啡!】 必試嘅就係呢杯全日本Starbucks暫時只有呢度先飲到嘅「Nitro Cold Brew Coffee」,加入咗液態氮製作,飲落口感有啲似黑啤,充滿綿密嘅細泡,同平時飲開嘅咖啡相比口感非常不一樣!而由於呢杯咖啡嘅萃取時間只有14小時,所以味道唔會過酸或太苦,嗒真啲仲有淡淡嘅果香,越飲越正!   臨走前記得行返個圈先好走,因為隨時可以買到世界產量稀少嘅咖啡豆,部份更加係賣哂就唔會再有貨,睇啱就要即時
08
Nov 16
19:19
博客

【視覺味覺五感多重享受】必食超罕貴燒牛肉丼飯3選!

燒牛肉丼飯同牛肉丼飯完全係兩回事,雖然牛肉丼飯都好好食,不過如果畀我揀,我一家揀粉紅粉紅睇見都知嫩口嘅燒牛肉丼飯,一篤爛個蛋黃,蛋黃醬滲透每一片牛肉嘅超治癒嘅視覺效果,真係諗起都想即刻食返碗!   日本有好多店舖都食到燒牛肉丼飯,以下落嚟係東京市可以食到嘅幾間,間間都極度吸睛,真係引死人!不過想食都唔係咁易,因為人地每日都限量供應,要食最好等佢一開門就入去食。好在呢3間開店時間都唔算太早,要食到難度唔算太高。     1. 雲丹ローストビーフ丼@Gottie's Beef ¥1,680     Gottie's Beef嘅燒牛肉丼飯個賣相做得超靚,好可惜一日只賣10客,要食唯有等佢開門就入去食啦。見到店員拎住個飯行埋嚟嘅一刻,勁想叫佢行快兩步,快啲放低個飯畀我食!   呢個燒牛肉丼飯比較特別嘅地方係,蛋黃嘅周圍圍咗一圈海膽,當你一篤爛個蛋黃,啲海膽就會瞬間沾滿蛋黃汁,再睇住充滿海膽味嘅蛋黃汁流入啲半熟嘅牛肉入面,呢一刻到底應該係要食海膽先定係牛肉先,好難揀添......   食燒牛肉丼飯最期待就係將個蛋黃篤穿嘅呢一刻!   沾滿咗蛋黃汁嘅海膽係