22
Aug 16
21:31
博客

淨係識磯丸水產就遜掉了!地道日本人最愛嘅海鮮居酒屋

  好多人去東京,一講刺身就諗起築地;講寺就諗起淺草;講居酒屋就諗起磯丸水產…… 之不過!其實!啱啱講嗰幾個地方有好多日本人都冇去過,係你哋(我哋)啲遊客先去㗎咋! 所以今日Mika就要帶大家去一間地道日本人最鍾意去嘅海鮮居酒屋「浜燒太郎」,快啲mark低佢啦!     嚟到經堂店依到(經堂其實同下北澤好近!去完下北澤嚟食飯啱啱好!) 一入到去,唔知點解覺得好溫馨(誤)!有電視有結他~牆上仲掛埋店主嘅波衫w係有「家嘅感覺」嘅居酒屋! 同埋因為我對依啲燈籠情有獨鍾,所以覺得好有feel哈哈!   浜燒太郎嘅營業時間係下晝5點到朝頭早5點,就算錯過咗尾班車都可以喺依到一直飲到天光! 另外仲有各式各樣嘅優惠,例如未讀小學嘅細路飲嘢唔洗錢啦~ 非黃金時間(5至7pm)1000yen飲品放題~姐係比7x蚊就可以任飲酒、好多好多酒、好多好多種酒啊!   另外又有「每日優惠」~ 星期一出示學生證會有學生優惠 星期二生啤200yen 星期三女仕們會有免費甜品 星期四威士忌梳打100yen 星期五就係畀500yen就可以挑
25
Oct 16
19:32
新聞

【話你知】渋谷將舉辦超大型日本酒展

  唔理你鍾唔鍾意飲酒,呢個將會喺11月29日於渋谷舉行嘅日本酒展「SHIBUYA SAKE FESTIVAL 2016 AUTUMN」點都要去睇一睇,因為場內將會有成20個來自日本唔同地方嘅製酒單位參展,唔單止日本人最愛嘅燒酌,仲有梅酒、果實酒等等,入去行返轉真係會大開眼界!   玉川酒造 @新潟縣   舩坂酒造店@岐阜縣   寒梅酒造@埼玉縣   北岡本店@奈良縣   明利酒類@茨城縣   個活動可以免費入場,不過如果諗住入去飲返幾杯,就記得要買入場券,入場時你會收到一條手帶同一隻杯,拎住隻杯入去就可以試哂你想試嘅酒啦~  
01
Jun 16
02:25
新聞

酒豪注意!東京有超過100種酒任飲

當大家去到日本,見到週街都係啤酒任飲放題。原來除咗啤酒之外,仲有其他酒放題㗎。   第一間已經喺東京4間分店嘅日本酒專門店-クランドサケマーケット (KURAND SAKE MARKET),費用3240円(含稅)。   第二間係位於涉谷嘅梅酒.果實酒專門店シュガーマーケット (SHUGAR MARKET),費用3240円(含稅)。   第三間即將於7月8日開幕,位於新宿嘅燒酒專門店ハベスピ(HAVESPI),費用3240円(含稅)。   三間舖同屬姐妹店,所以三間店運作、特色都係一樣。   第一:種類繁多 每間舖都有超過100種酒俾大家揀,都係由日本全國各地搜羅番黎,總有一款啱你飲。 第二:完全SELF-SERVICE 所有酒放晒喺舖,要飲自己拎自己,唔駛落ORDER,想溝酒飲都好方便。 想加啲檸檬汁調味,檸檬、
24
Oct 16
22:33
博客

得罪講句,淨係噏得出「響」,唔好話自己識飲威士忌

一分鐘搞清日本威士忌究竟點分 不用分得那麼細,大家都是日本威? 攝於大阪一間超級市場,有朋友可能會問,佢地D名其實有咩分別? 近年日本威士忌熱潮直捲全球,緊貼潮流而且經常去日本旅行嘅香港人當然唔會錯過,去到日本梗係會買返支試下佢嘅魅力啦!但係我問過同聽過好多朋友講,講起日本威士忌,或者推薦朋友買邊支嘅時候,佢地都係講一個字:「響」,但當我問佢「響」究竟係咩黎既時候,佢會答:「咪威士忌囉」!相信呢個情況好有啲朋友都會聽過。   當人人都講緊「響」個朵究竟有幾「響」嘅時候,睇完呢個Post之後你可以了解多幾款唔同嘅威士忌,仲可以介紹其他款同埋解釋比人聽「響」究竟係咩黎!   現時日本主要威士忌蒸餾所共有8-9間,當中以三得利集團Suntory同朝日集團Asahi旗下日果Nikka規模最大,佢地嘅產品如「響」,「山崎」,「白州」,「竹鶴」,「余市」,「宮城峡」等等可能大家都聽過,但係其實佢地係點分類就可能大家都唔係咁清楚。   為左令大家以後可以輕鬆了解各種日本威士忌嘅背後嘅分別,今次會以三得利(Suntory)旗下品牌作為例子,簡單分為3個大種類,令大家了解多D,下次可以以唔同角度,試多D唔同嘅酒。   1.「響」
09
Feb 17
21:56
博客

仲未買情人節禮物?送支日本產嘅酒都可能係浪漫好選擇!

下個星期就係情人節喇,相信唔少人都物色緊禮物黎送比另一半,如果大家R爆頭都仲未有Idea的話,可以考慮下送酒都可能係個好選擇,你送完,隨時最後都係同你Share一齊飲。   其實日本太多好酒不能盡錄,以下為大家介紹幾款我覺得可以襯返情人節主題嘅酒,適合唔同人嘅喜好: 1. [Whisky的浪漫與刺激] 信州Mars Single Malt駒ヶ岳「小彼岸桜」ABV:52%  之前都有同大家講過日本威士忌大家來來去去都淨係識「響」,唔想咁「行貨」的話今次為大家介紹一個大家可能無咁熟悉嘅品牌信州Mars。信州 Mars 蒸溜所位於長野縣駒ヶ岳山麓,其實母公司本坊酒造係1949年已經取得威士忌蒸餾執照,而信州 Mars 蒸溜所則係1985年營運6年後因供需求問題而暫停,直至2011年先重啓生產。   呢支「小彼岸桜」係以長野縣嘅群生櫻花「小彼岸桜」為主題,以2013年蒸溜嘅原酒配合1991年停產前珍貴嘅20年以上原酒調合而成。酒精度達52%帶有少少刺激,入口有清新花香同來自雪梨桶嘅杏脯等乾果,楓糖,香氣,而且因為有高年份原酒加持,口感有層次。成件事就好似新舊記憶合而為一咁,加上包裝上嘅「小彼岸桜」都好靚好有詩意,用黎送比喜歡飲Whisky嘅另一半十分唔錯!   2. 
25
Nov 16
18:59
博客

去到日本唔買「威」就走寶喇 - 日本買威士忌好去處!

上次同大家約略介紹左威士忌嘅分類,了解完當然要實戰啦!   去到日本就算你唔買,總梗有個朋友叫你幫佢班支「響17, 響21」返黎比佢享受一下。如果唔知窿路的話好多朋友都會等到臨走Duty Free先黎入貨,唔係話唔得,Duty Free有嘅酒款始終有限,而且日威的話仲有好多價錢特別嘅「特別版」俾大家選購。其實日本烈酒稅比香港相對平,所以就算買其他國家出產嘅Whisky都較香港抵,所以唔買宜係走寶喇!   有見及此,今次就為大家介紹幾個絕對值得去入貨嘅地方!     某好受歡迎的Whisky推出左「機場特別版」,如果十分喜歡同欣賞個包裝同有大量銀彈嘅朋友歡迎大量入貨。   係人都會去但可能無留意到嘅 - 激安の殿堂ドンキホーテ 相信去過日本嘅朋友都一定去過「ドンキホーテ」,全日本好多地方都可以見到佢,對遊客黎講佢最吸引嘅地方就係乜都有,仲會開到凌晨可以留返時間係半夜「ドンキホーテ」雖然唔係賣酒專門店,但勝在方便,仲可以夾埋其他嘢退稅。  
26
May 17
00:10
博客

東京7大最有趣居酒屋

相信大家去日本都會去居酒屋~啲野食又好味,酒又好多款~ 但係成日去都係啲連鎖店,有冇新野啊~? 今次就介紹7間位於東京市內有趣居酒屋俾大家啦!   戦国武勇伝 / 新宿三丁目 由JR新宿駅東口徙步3分鍾就可以到呢間戰國主題居酒屋 店頭已經好霸氣,有真田幸村像、伊達政宗像、前田慶事像 入面充滿和式風味,總共有11個個室,每個個室主題都唔同 料理方面賣相味道都不俗 地址:東京都新宿区歌舞伎町1-6-2 T-wingビル4階 營業時間:星期一至四 17:00~24:00 星期五、六、日本公眾假期前 17:00~3:00 星期日或日本公眾假期 17:00~23:30 預算每人3,500yen   えびす駄菓子バー / 恵比寿 呢間居酒屋裝修非常有昭和風味,而佢嘅特色唔止佢個裝修,佢仲有零食放題!!! 零食放題係計喺服務費個500yen到,500yen就有零食放題!!平時超鐘意食日本零食嘅朋友一定要去!!!!!
13
Jul 16
00:22
博客

夏.日本.中部.名古屋(2)

回到名古屋,休息的一天。 整天做得最多的就是吃和喝。   中午到了Couchsurfing朋友的家放下行李,之後排了15分鐘隊吃名古屋的傳統食物,紅味噌炸豬排。 跟其他味噌不同,又咸又甜,伴白飯非常適合。 在名古屋的小店Shopping,其實什麼都沒有買,因為價錢也不便宜。   下午茶時間,隨便進入了一間Cafe   這間Cafe的燈光比較昏暗,比較像一間酒吧   我不想在白天喝酒,所以只點了一杯Green Tea Latte   在名古屋的松坂屋,有龍珠的展覽。我對龍珠沒有太大的感覺,因為龍珠是在我小時候播放的,長大了又沒有補完。   所以在門外拍了照就到蓬萊軒排隊。   蓬萊軒是名古屋最有
21
Jul 16
18:17
博客

平民居酒屋 全店280YEN鳥貴族

  講到居酒屋,大家好多時嘅感覺係又貴又唔飽,酒仲要賣好貴!呢個平民居酒屋-鳥貴族絕對可以一改你嘅印象!因為佢全店無論串燒﹑飯類﹑甚至所有酒類都只係賣280YEN(未連稅),真係可以大飲大食銀包都唔會痛!   鳥貴族係一間食雞肉串燒為主題嘅居酒屋,係全國都有好多間分店,所以最好大家就係官網度搵下分店,總有一間係你附近!而今日筆者去嘅就係淺草分店﹐佢位置係淺草中央地帶,只要係東京鐵路銀座線淺草站8號出口出尼望下對面馬路樓上牌就會見到嫁啦~   上到去佢大部份坐位都會有半牆仔同其他食客揀開,咁就有返私人空間同埋唔怕俾側邊嘅人太興奮衝過尼啦!   去到最興奮睇MENU時刻,唔好意思筆者真係太興奮,竟然連相都唔記得左影(跪低)千萬分抱歉,不過唔緊要,佢個網站都有附上MENU,仲係有埋圖嘅! 附送連結一個:https://www.torikizoku.co.jp/menu/ 真係無講大話,所有野都只係280YEN,連左稅都只係302YEN~   串燒方面佢大部份都係以雞嘅唔同部份為主,個人建議大家最好都係叫返有關雞嘅料理啦,因為牛有少少一般…都唔係一般…有少少咬唔開…雞個方面佢有好多唔同嘅配汁,睇唔明MENU講咩都唔緊要!佢有圖!不過睇圖能力要有返咁上下!好似筆者咁一時興奮叫多左唔小心叫左雞皮…(一直都好驚叫左雞屁股,只係留意屁股個字而輕敵左
01
Jul 16
02:04
新聞

【抵到喊】4000円食到壽司+日本酒放題!?

喺錦糸町嘅リトルサケスクエア呢到,今年2月搞左個「4000円壽司+日本酒放題」,因為太受歡迎啦,所以就由6月開始變左隔個星期嘅活動!正呀今鋪!佢仲要竟然唔限時!任你食幾耐,今次一定回到本啦!   平時日本酒放題嘅價格係3240円,而家只係4000円就可以有埋壽司放題,真係抵到懷疑自己睇錯!其實佢有成100種唔同嘅酒比你任飲,每枝試一啖都夠你醉!由超高酒精嘅酒到甜甜地易入口嘅都有,岩哂唔同人士。   即使你唔多鍾意飲日本酒都唔洗驚,因為仲有水果酒、紅酒、燒酒等等唔同種類嘅,所以唔洗怕比左4000円但享受唔到個日本酒放題!   ・名稱: 錦糸町リトルサケスクエア・日本酒飲み放題+寿司食べ放題キャンペーン ・地址: 東京都墨田区錦糸3-3-9イーストビル3F ・前往方法:JR「錦糸町駅」歩行1分 ・活動期間: 2016年6月24日(五)~6月26日(日)/2016年7月8日(五)~7月10日(日)/2016年7月22日(五)~7月24日(日) ・營業時間:【星期五】18:00~23:00(last order:壽司21:00、