郵輪
08
Nov 16
02:32
博客

【日本郵輪假期vol.5】金澤站:兼六園!

上一集郵輪假期介紹完船上嘅設施同節目,又講返船下唔同口岸嘅景點先,今次我地就去咗金澤!   今日嘅天氣好好,我地一訓醒就已經嚟到出名古色古香嘅目的地--金澤Kanazawa!一落船就見到金澤嘅吉祥物     好多加賀友禪大使歡迎我地❁´▽`❁     如果你去過京都體驗著和服,應該都會聽過「京友禪」,而「加賀友禪」,其實都係金澤一種和服上嘅染色技術。「加賀友禪」傳統歷史悠久,想完成一匹華麗細膩嘅友禪絲料,要經過畫圖、上糊、上色、蒸製、洗糊等繁複過程先可以完成,難怪會被指定為國家高級工藝品。當然,除咗和服之外,其實都仲有好多加賀友禪嘅相關製品,例如手巾、絲巾等...不過我地今日嘅主題並唔係「加賀友禪」,而係要親親大自然,出發去【兼六園】!     兼六園位於金澤市中心,是日本三大名園之一。之所以叫兼六園,全因佢備齊「六勝」,即六種景觀元素(宏大、幽邃、人力、蒼古、水泉、遠景),而且春夏秋冬各有特色。
18
Oct 16
03:12
博客

【日本郵輪假期vol.4】體驗郵輪意國風情!

  上集講到去完舞鶴尋找天橋立,今次又再講返郵輪有咩玩先!   溫馨提示:上船之前要做好節食準備,因為上得條船,預咗會肥10磅!皆因船上總共有4間免費餐廳,分別係5樓嘅Fantasia Restaurant同埋Sinfonia Restaurant﹑11樓嘅Bolero Buffet Restaurant同埋12樓嘅La Tavernetta Pizzeria喺唔同時間開放,確保我哋24小時都有野食,再也不知何謂餓。     早餐通常會喺11樓嘅Bolero Buffet Restaurant食,任你食到飽。     老老豆豆,質素相當唔錯,搞到我成日一開波就食勁飽。     晚餐就係「Fantasia」食,毎位乘客都會被分配到指定嘅位同時間用餐,咁就唔怕去到會無位坐。Menu每日都唔同,每款前菜、湯、salad、主菜﹑甜品都有幾款選擇比你揀,好適合同人share,重點係唔夠食的話仲可以嗌多幾份,唔會額外收費!  
25
Oct 16
02:49
博客

【日本郵輪假期vol.3】舞鶴站:上下行海尋找天橋立!

  「日本郵輪假期」第三集又返嚟喇,上一集講到喺郵輪玩完welcome party (重溫第一集太宰府天滿宮),今次又落船去「舞鶴」呢個景點喇。     落船嘅第一個目的地,係京都府舞鶴港口!     一落船除咗有舞鶴吉祥物迎接之外....     身後慢慢響起舞鶴市制施行70年記念式典上發表既舞鶴嘅主題曲(完整音樂:https://youtu.be/jghBO8XTAao,其實幾好聽),仲伴隨住一班小朋友嘅歌聲!原來有一班幼兒園學生邊唱邊拎住「舞鶴市歡迎你」嘅牌歡迎我哋,瞬間心都融化了.....剛到埗已經覺得呢個城市好warm!     我未準備好小朋友已經ready好晒影
13
Oct 16
02:49
博客

【日本郵輪假期vol.2】上郵輪玩Welcome Party!

  上次「日本郵輪假期」第一集 講到去完太宰府天滿宮,今次正式登船喇!   如果大家都會去郵輪玩,嚟到登船港口請準備好passport,同埋留意番passport要有6個月以上效期,唔係有啲國家可能會唔比入境。如果飛機delay趕唔切開船時間,記得要第一時間聯絡番郵輪公司!今次我地就經Costa Cruise安排咗呢一個郵輪trip。   然後排隊辦理登船手續。準備好電子船票、登船證同行李tag後,將行李tag貼係行李上面,安檢完就會有人幫你安排送到你房門口。   過程好順利,好快就完成手續可以準備登船。     終於見到架船真身,超~~~大~~~呀 !比我想像中宏偉好多,第一時間聯想起鐵達尼號...其實Costa Victoria係Costa郵輪體系中雖然唔算大船,不過已經高達14層樓,
30
Nov 16
20:03
博客

JR西日本公佈咗超豪華寢台列車黃昏特快瑞風號資料喇

等到頸都長,日本第3列寢台遊輪列車,JR西日本嘅黃昏特快瑞風號(以下簡稱瑞風),尋日都公佈咗運行資料同收費喇!   咁車長介紹吓先呢列車瑞風先: 瑞風,全名係トワイライトエクスプレス瑞風(黃昏特快瑞風),係日本第3列車寢台遊輪列車,係屬於JR西日本嘅娛樂型臨時臥舖特急旅客專用列車。   第1列寢台遊輪列車係JR九州嘅ななつ星in九州(七星號)   第2列寢台遊輪列車就係JR東日本嘅TRAIN SUITE 四季島   家下只有七星號行駛中。因為四季島都要下年先正式載客,有機會車長會講講! 3列寢台遊輪列車都係針對日本國內同亞洲嘅金字塔頂級客層為對象,以套裝旅遊行程銷售,並唔會單賣車飛! 而黃昏特快瑞風就係承繼咗以前行走大阪至札幌嘅臨時臥舖特急列車黃昏特快號嘅血統。   黃昏特快因為北海道新幹線嘅工程而停駛。舊有嘅黃昏特快列車家下放左入去今年開嘅京都鐵道博物館收藏展出!
01
Oct 16
02:50
博客

【日本郵輪假期vol.1】福岡站:太宰府天滿宮!

  搭飛機去日本玩,相信大家都有試過,但去到日本之後再搭郵輪周圍玩大家又試過未?今次就同大家介紹下「日本郵輪之旅」啦!   今次郵輪之旅有咩咁特別? 一般人對郵輪嘅刻板印象可能都仲停留喺「上船賭錢」,不過我今次呢個「日本郵輪之旅」就好唔同,除咗本身郵輪已經有show睇有嘢玩之外,每日郵輪仲會喺唔同地方泊岸,所以每日都可以落船玩,變相可以去多咗好多地方!之後我會逐一介紹郵輪設施同特別嘅景點!   分享下成個郵輪假期嘅行程先,一共玩五日四夜(因為第六日一早落船,所以唔計,哈哈): Day 1 : 福岡 Day 2 : 舞鶴 Day 3 : 金澤 Day 4 : 境港 Day 5 : 韓國釜山 Day 6:福岡   首先我地會喺福岡上船,喺登船之前仲有啲時間,所以第一站當然要拜訪福岡必去嘅太宰府天滿宮喇!   太宰府天滿宮 雖然全日本總共有12,000座天滿宮,但福岡呢個先係「龍頭」總寺院,所以嚟到點都要去參拜一下!   首先了解吓天滿宮嘅故事:天滿宮係為文學世家官原道真而建,話說佢5歲就識詩吟和歌,文學天分過人,所以個個都稱佢為神童。可惜樹大招風,太多人嫉妒佢,於是醍醐天皇繼位後,就將佢降職為大宰府嘅權帥,令佢終日鬱鬱寡歡,不久就離世了。   後來人們為左崇敬道真係學問上嘅卓越成就,於是起咗呢座祠廟,當佢係掌管知識嘅神咁拜。不過其實亦