那些年我們一起聽過的日文歌
04
Aug 17
01:58
博客

[那些年,我們一起聽過的日文歌] Whiteberry 夏祭

今晚要同大家分享的就是非常著名的夏日JPOP代表作:夏祭!可能大家都在玩《太鼓の達人》的時候聽過呢首經典歌曲,不過大家又知道其實這首歌已經有多年歷史嗎? 原本,這首歌屬於樂隊JITTERIN'JINN,早於1990年發售。因為這首歌曲調輕快獨特、歌詞不但充滿日本夏天原素,而且是以女生角度出發,所以成為一時佳話。2000年的時候,女子樂隊Whiteberry以輕搖滾及日式曲風重新翻唱這首經典作品,再次引起熱潮。不但登上ORICON單曲榜得到第3位,也成功讓樂隊登上紅白舞台。現在這首歌已經成為JPOP歷史上有代表性的歌曲了。 重溫其他經典夏日歌曲:
29
Jul 17
01:27
博客

[那些年,我們一起聽過的日文歌] 西野加奈 如果有命中註定之人的話

今年正式踏入倒數出道10周年嘅小歌姬西野加奈,推出過嘅少女心事單曲幾乎首首都唱到街知巷聞~ 早年嘅西野加奈曲風同歌詞曾經被笑過非常沈重、令男性聽眾吃不消。唔知係咪想洗甩呢個底,近年西野加奈推出嘅單曲都比較明快、少女幸福感比較重。例如呢首2015年作品「如果有命中註定之人的話」,描述現代女性擇偶時即使愛幻想但最後還是會現實地選擇喜歡嘅人。MV更加以音樂劇形式拍攝,充分表現女仔鍾意FF小劇場嘅一面! 唱LIVE一樣好聽!
27
Jul 17
03:00
博客

[那些年,我們一起聽過的日文歌] 廣末涼子 認真戀愛五秒前

附送 廣末涼子 經典寫真集《RELAX》美照
呢排網絡突然廣傳一輯廣末涼子年輕時拍寫真集《RELAX》時拍下嘅超脫俗美照。 14歲拍廣告出道,廣末涼子被譽為係「20世紀最後一個美少女」,亦都係「透明感」玉女代表中嘅代表。 1997年,16歲嘅廣末涼子更推出首支單曲《MajiでKoiする5秒前》,紅極一時! 歌曲經典程度連當今少女偶像川島海荷同指原莉乃都曾經翻唱過! 川島海荷版: 必須說,後生嘅廣末個種脫
25
Jul 17
02:53
新聞

[那些年,我們一起聽過的日文歌]久保田利伸 La La La Love Song

今日(7月24日)係日本R&B天王久保田利伸55歲生日呀!於舊年迎接出道30週年嘅佢被視為成功導入黑人音樂風格到日本流行樂壇嘅先驅人物!而呢首超級經典嘅《La La La Love Song》更加係同英國名模Naomi Campbell合作,除左被日劇《長假》選為主題曲之外,更加創下186萬張銷量!  今晚就同大家分享番呢首百聽不厭嘅經典日式R&B啦!  
27
Feb 16
03:38
博客

[那些年,我們一起聽過的日文歌]Promise

[那些年,我們一起聽過的日文歌]   今晚,為大家介紹既歌係,A.N. JELL既<<Promise>>。   呢首歌,相信大家都唔會陌生,因為一定被韓文版洗過腦~ 不過,我中意日文版多d,可能聽慣左日文~ 其實,主要原因係因為玉森裕太有份唱ww   《原來是美男》既日本版係由藤谷太輔、瀧澤美織、玉森裕太、八乙女光主演。   故事講櫻庭美男(瀧澤美織 飾)原先要加入日本人氣組合A.N. JELL做第二主音及Keyboard手。   點知因意外而未能出道,經理人先生唯有搵佢既孖生妹妹櫻庭美子(瀧澤美織 飾)女扮男裝頂住檔先!   因為女扮男裝,仲要同一屋簷下,發生唔少趣事~~   好快就被A.N. JELL既主音--玉木廉(玉森裕太 飾)發現其身份…… 雖然係鬥氣怨家,但每當「美男」有事時,廉都會係佢身邊……  
26
Feb 16
22:57
博客

[那些年,我們一起聽過的日文歌]山奥少年の恋物語(山奧少年之戀物語)

[那些年,我們一起聽過的日文歌]   今晚,為大家介紹既歌係,中川和泉同柿島伸次合唱既<<山奥少年の恋物語(山奧少年之戀物語)>>。   可能就咁講歌名,唔知係咩歌~ 但係,如果有睇過電影《我的機械人女友》就一定有聽過呢首插曲!   琴晚介紹咗機械男友,無理由唔介紹埋機械女友既~ 《我的機械人女友》由綾瀨遙同小出惠介主演。   故事係講孤獨男北村次郎係生日遇上一個好靚既女仔,仲要個女仔對自己笑~ 呢個笑容,有邊個頂得住?真係電死咗~   食霸王餐,一齊逃跑,順理成章拖手仔~~ 應該發展成情侶吧!?   做咩眼濕濕架?因為佢係由未來黎既人…… 下!?又話綾瀨遙係機械人黎既?   小出惠介演既北村次郎係一個心地善良既人,唔忍心見到好多天災人禍
26
Feb 16
19:56
博客

[那些年,我們一起聽過的日文歌]おかえり(歡迎回來)

[那些年,我們一起聽過的日文歌]   今晚,為大家介紹既歌係,絢香既《おかえり(歡迎回來)》。   那些年,曾經牽起一陣機械人熱潮,個個都話「我要有個機械情人!」 唔知大家記唔記特有邊個明星扮過機械人呢? 之前介紹《絆》呢首歌時,亦有提到當年日劇《我Miss係大佬2》除左有赤西仁、龜梨和也主演之外,仲有速水直道! 原來,速水直道係日劇《絕對彼氏》入面都扮演過機械人架!   女主角係相武紗季,仲有男二既水嶋寬!!! 唔係講笑,當年我睇呢套劇,見到速水直道既肌肉,即刻變成 之後我仲去左買速水直道既寫真集~真係好正呀~~   個故事大概係講,左手邊個博士老屈女主角梨衣子要咗機械人Night。 雖然Night高大英俊,四肢發達,但頭腦超簡單。 同梨衣子相處時,發生好多爆笑事。 例如……   嘩!真係不得了!每朝早都有個俊男咁樣叫起身,都唔知起唔起身返工好! 唔知有無絲打同感呢??哈哈哈  
25
Feb 16
19:31
博客

[那些年,我們一起聽過的日文歌]世界に一つだけの花(世界上唯一的花)

[那些年,我們一起聽過的日文歌]   今晚,為大家介紹既歌係,SMAP既<<世界に一つだけの花(世界上唯一的花)>>。   一直以黎介紹咗咁多J家組合既歌,今日都唔例外! 講到經典,當然唔少得日本國民組合SMAP啦! 即使你唔係SMAP既粉絲,都一定有聽過<<世界に一つだけの花(世界上唯一的花)>>。 但係,又知唔知呢首歌其實係一套日劇既主題曲黎呢?   由SMAP成員之一既草彅剛做男主角,而女主角就係矢田亞希子。日劇名係>。   故事大概係講男主角中村秀雄係一位男教師,好不幸地患上胃癌,得返一年命。 最初,因為接受唔到而自暴自棄,甚至自殺。 經主診醫生既鼓勵同勸告,中村老師振作起黎。   同深愛既女主角秋本老師終於拍拖,但係中村老師覺得自己時日無多,唔想害左愛人,決定要分手。 秋本老師並無因而另愛他人,幾經波折,佢地終於結婚。 幸福既時間過得特別快,最後,秋本老師係歡笑中離開……  
24
Feb 16
19:52
博客

[那些年,我們一起聽過的日文歌]First Love

[那些年,我們一起聽過的日文歌]   今晚,為大家介紹既歌係,宇多田光既<<First Love>>。   喇!巴打絲打們,今晚又一找數!你地點既歌,我係會播架! 最近有人留言俾我,話想我介紹下日劇、電影~ 其實,我而家介紹歌之餘,都有搵返劇照俾大家睇,簡介套日劇、電影講咩。 而且,段片都係揀完又揀,較多情節片段架~ 希望大家繼續支持呢個環節!繼續支持我!   入返正題,今晚介紹《First Love》,仲記唔記得係邊套日劇既主題曲呢? 係由90年代男神--瀧澤秀明同女神--松島菜菜子主演既日劇《魔女的條件》既主題曲黎架!     係1999年播,可能大家都唔太記得套日劇講咩,等我同大家重溫下啦~ 係講師生戀,女教師既廣瀨未知搭上男學生既黑澤光。 一講到師生戀,大家會即刻聯想到幾單新聞,男教師搞未成年少女,會覺得好變態,係咪有精神問題?係咪有戀童癖? 而呢套日劇,正正就係講緊呢個極具爭議性既話題。   其實,就咁睇相,覺得無咩問題。 即使女大過男,年齡並唔係一個障礙。 但係身份呢?老師與學生,不被社會接受……  
23
Feb 16
20:11
博客

[那些年,我們一起聽過的日文歌]絆

[那些年,我們一起聽過的日文歌]   今晚,為大家介紹既歌係,龜梨和也既<<絆>>。   就咁講歌名,可能大家唔知係咩歌。 但係一講《我Miss係大佬2》,又或者《極道鮮師2》,就會記得《絆》呢首歌!   再熟悉不過既班房~  曾幾何時,我班房既混亂情況同呢個有得揮(笑)   有熟悉既老師、同學仔,仲有公公!   好!等我東方不敗為大家介紹下人物先~ 至於劇情…自己煲劇啦~~   永遠既班主任--山口久美子! 仲間由紀惠做得好好,平時係傻更更既熱情教師,但學生一有事,佢即刻變成好打過成龍既打女! 但係咁多集入面,仍然未見到佢求愛成功,真係無陰公~~   頭大無腦既3年D班首領--矢吹隼人。 其實覺得同赤西仁真人無分別,一樣都係咁Baka! 但係,佢的確係有首領既氣場係到!