追星
09
Mar 16
01:40
新聞

突發追星報告!池袋Nico見到男神!

今日真係超Lucky呀!!!去完原宿既明治神宮,就搭JR返池袋行街街。 點知,俾我發現今日既Nico生放送有Reno!!! Reno係前ViViD既Leader兼上手結他!超中意佢呀!!!     我真係無諗過今日會見到佢架!仲要係超近!!!     今日既嘉賓(由左至右)︰レン(レイヴ)!幸樹(ダウト)!猟牙(WK)!靖乃(WK)!RENO(WK)!     我就係企呢到睇生放送!見唔見到紅色頭髮既我呢??? 同Reno超近呀!真係超ドキドキ!(心卜卜跳) Reno望到我,同我揮手呀!開心死我喇!!!     開心時間過得特別快,好快就同佢地講byebye~(淚) 佢地係完左生放送之後,就係休息室到自拍~     Reno又一自我形象毀滅(笑) 今日Reno宣佈左,係黎緊6月4日,佢既29歲生日,會係TUSTAYA O-WEST舉行ONE MAN LIVE! 恭喜哂!恭喜哂
19
Jan 16
01:53
博客

窮遊必瞓:網吧$100蚊一晚有找!

成日都聽到d朋友話好想去日本睇演唱會、去握手會、去簽名會,但就係驚唔夠錢,結果都係得個「諗」字。 大家係咪身同感受呢?係咪好想去日本睇AKB,睇ARASHI呢? 喇喇喇!好多野唔試過係唔知嘅,凡事都有第一次架嘛! 所以呢,等我分享下我一條友仔孭背囊去日本既經驗俾大家啦~ 機票,真係上廉航到搶機票啦!唔好即刻彈句「這些機會不是屬於我的」俾我呀你! 因為我真係試過搶到$1蚊機票架,計埋行李費同燃油附加費,都係$500咋! 好喇,KO咗機票方面,就到住宿問題喇。D錢梗係留返黎買周邊啦! 住宿方面,有地方俾我訓同沖涼就「大丈夫」架喇。 所以呢,我選擇咗訓!網!吧! 唔好以為訓網吧係咩奇怪既事呀,因為有唔少日本人唔想交貴租而長居網吧架! 究竟日本網吧有咩咁好呢?同香港網吧又有咩分別呢? 你睇,網吧包你上網睇漫畫之餘,仲要有得沖涼,汽水咖啡任飲, 仲要有得整埋Gel甲!問你服未?哈哈哈! 呢間網吧就同7仔一樣,總有一間係你附近,隣近車站,好易搵。 我第一次去呢,就係去位於新宿區歌舞伎町既分店。 一個女仔去網吧過夜唔驚咩?唔洗驚喎,有得揀特設女性專用區,仲要係獨立房! 由於我唔食煙同埋