迪士尼海洋
15
Aug 17
23:49
博客

東京迪士尼小心思!5項園區限定貼心設施、商品、服務!

雖然香港都有Disneyland,但日本嘅Disneyland俾人嘅感覺總係格外唔同,大家有冇同感呢?記者就認為,日本嘅Disneyland特別多「小心思」,不論係園內設施、商品同服務都經細心設計,令大家嘅遊園經歷更夢幻神奇! 日本人出名諗野夠多gimmick,喺Disneyland呢個咁夢幻嘅地方,當然會特地花心思去設計,打造出與別不同嘅日本Disneyland啦!今次為大家整理東京迪士尼樂園同東京迪士尼海洋,兩個園區嘅「小心思」。其中有幾樣真係唔講都唔知,值得去親身經歷一下! 園內設施/服務 1. 米奇泡泡洗手台 每個米奇迷去到Disneyland,都一定會落足眼力搵hidden Mickey!東京迪士尼就同花王合作,喺園區入面放置左「米奇泡泡洗手台」,只要輕輕按壓,就會擠出白色米奇頭造型嘅泡泡,洗手果陣一定好有驚喜!特殊設計嘅洗手台喺迪士尼樂園嘅動物天地區,以及迪士尼海洋嘅Toy Story區都搵到。 特殊設計嘅洗手台,可以擠出白色米奇頭造型嘅泡泡,好可愛呀! 迪士尼樂園動物天地區嘅米奇泡泡洗手台係金屬風設計,有傳平時都唔少人特登嚟排隊洗手,企足幾分鐘影相留念㗎!
12
Aug 17
02:32
新聞

東京迪士尼人氣小兔StellaLou 登陸香港迪士尼!

之前於東京迪士尼海洋才見到的迪士尼小熊Duffy最新好友― StellaLou終於來到香港啦!夢想成為舞蹈家的粉紫色小兔StellaLou即將進駐香港迪士尼樂園度假區,並推出一系列主題精品及美食,大家仲可以同StellaLou影相添! 8月11日起,各位就可以於樂園搶先同StellaLou近距離會面!StellaLou會長駐商店「小鎮影院:『我與DUFFY遊歷之旅』― 由Fujifilm呈獻」內的特色拍照區,等大家都可以搵佢合照~有日本粉絲專程黎香港,話得香港先可以同Duffy、ShellieMay及Gelatoni近距離會面! 香港迪士尼內商店仲有超過150件於今年內陸續推出的獨家Duffy與好友商品,當中更會推出近40款全新StellaLou主題商品,包括:毛公仔、文具、生活用品、手機配件、手袋、首飾配件、服裝及徽章等,大部份都是香港迪士尼獨家款式。 樂園餐廳都會有富夏日色彩的Duffy與好友主題美點,「大街餐廳由Coca-Cola®呈獻」將全新推出的StellaLou The Ballerina特飲及Duffy and StellaLou紀念杯配藍莓蛋糕!此外,「小熊友愛蘋果批配雲尼拿雪糕」、「小熊戀曲」及「七彩小畫板」等透心涼美食更是夏日的最佳選擇。香港迪士尼樂園酒店晶荷軒亦將於8月底推出「StellaLou紫薯甜包」,為粉絲帶來無限驚喜!
14
Jul 17
00:10
博客

【今期流行】迪士尼 和風夏慶 X 加勒比海盜 濕身派對

由即日起至8月31號,東京迪士尼會舉行 和風夏慶活動,迪士尼海洋就會舉行夏日海盜世界~ 一直以嚟對迪士尼夏祭巡遊嘅印象都係普普通通有啲水花仔咁,結果… 著咗雨褸實在係太明智啦!!!!!(迪士尼夏祭雨褸1500円)   城堡前面有好多水柱噴出嚟,成個噴水池咁!   迪士尼人物們個個都拎住個「花灑」係咁噴水~ 難怪迪士尼官方都話:「和風夏慶巡遊表演會比你想像中濕身!」   迪士尼海洋依邊嘅特別節目更加誇張,將成個加勒比海盜入面嘅海盜船都還原晒出嚟!   啲水直程好似淋雨落嚟咁!!!!成個show大家係咁打拍子、叫口號,好high啊~   如果冇雨褸一定由頭濕到落腳趾尾!   除咗巡遊表演之外,仲有好多期間限定好嘢玩~ 例如迪士尼樂園依邊有夏祭特別大抽獎,500円抽一次,一人限抽3次,有機會贏走咁大個cushion㗎!
20
Jun 17
02:13
博客

【今期流行】日本 七夕限定 著浴衣 去 迪士尼

由即日起至7月7 日,東京迪士尼同東京迪士尼海洋都會搞七夕活動「七夕Days」, 迪士尼角色們會著到牛郎織女咁,樂園仲叫大家著住浴衣去玩,感受吓和風嘅迪士尼^^     日本人七夕時會放棵願望樹出嚟許願,迪士尼就依住依個傳統,整咗一棵好大嘅願望樹! 願望樹附近有好多著住浴衣嘅員工會派願望紙比大家,好似神社啲繪馬咁比大家寫低自己嘅願望~   東京迪士尼同東京迪士尼海洋都分別會搞七夕特別版巡遊,咁和風嘅迪士尼真係好少見^^   另外,七夕特別版商品都吸引咗好多人入貨!例如依條毛巾係識得夜光㗎!(1400円)   Duffy匙扣係咪好得意呢~(1800円)   每日六點之後,每十分鐘就會有一場迷你燈光匯演~ 希望大家會願望成真^^   迪士尼七夕Days 日期:6月15日~7 月7 日
28
Mar 17
01:38
新聞

東京迪士尼海洋「Nemo & Friends SeaRider」 5月12日正式登場!

唔使濕身都可以潛入深海進行大冒險,係噤咪覺得好正呢!唔止細路哥,呢個令唔少大人都萬分期待嘅「Nemo & Friends SeaRider」喺今年5月12日開始終於有得玩喇!   「Nemo & Friends SeaRider」以海洋嘅藍色作為設計主調,一行入範圍之內就感受到澎湃嘅海洋氣息!   呢個全新嘅遊樂設施以海底奇兵作為主題,入場之後大家就會坐住Sea Rider走入海底同Nemo及佢嘅朋友仔嚟個全接觸,齊齊嚟個深海大冒險!   到時場內將會有2台SeaRider,每台都可以載到120個人,排隊時間短咗,玩都玩得開心啲!   必掃精品! 潛望太陽眼鏡 ¥2,300 造型勁搞鬼,戴住喺頭已經可以成為全場焦點。   Nemo Ear Hat ¥2,000
09
Nov 16
00:07
博客

又到聖誕~東京迪士尼+迪士尼海洋率先試玩!

  柔道姓誕~又到聖誕~雖然仲有成個幾月先到聖誕節,但東京迪士尼同迪士尼海洋已經率先響起咗聖誕嘅鐘聲、亮起晒聖誕嘅燈飾…好靚好浪漫!   到東京迪士尼個門口已經見到啲人物着晒聖誕服裝,一入到去更加不得了,勁勁勁大棵聖誕樹!唔講真係以為今日係聖誕啊~~好多人係依到影相打卡(我都係haha),美中不足嘅係其實就咁睇依個位唔係太睇得出係迪迪尼~,~   嚟到重頭戲花車巡遊,真係好有氣氛啊~~~ 未開始之前表演藝人們會教大家跳吓舞,聽唔明日文唔緊要,跟住隔離跳就冇問題~ 好快好快迪士尼人物就會出場啦~全部花車都鋪晒雪(雖然Frozen就同本身一模一樣冇咩特別);公主啊、米奇等等公仔都着晒聖誕裝,好華麗!     睇完遊行,痴線我睇新聞睇上腦,係巡遊!就去醫肚啦~我地去咗キャプテンフックス.ギャレー到叫咗依個special set(730yen) 依個聖誕樹咁款嘅烤雞pizza係咪好靚!而且仲好有日本風情㖭(入面加咗山芋㗎我真係見識少冇食過)~味道都唔差㗎!
25
Jun 16
01:42
新聞

東京迪士尼海洋15週年 超靚紀念商品

東京迪士尼海洋15週年,必買嘅係15週年紀念商品,咁特別因為一定要喺園區內嘅迪士尼商店先買到,其他DISNEY STORE同舞濱站外嘅DISNEY STORE都無得賣㗎。云云15週年紀念商之中「Wish ornament」應該係最靚 (我覺得)。   「Wish ornament」以米奇加地球儀為造型,有金色、銀色。左邊耳仔寫住「15」,右邊耳你寫住迪士尼朋友各自代表嘅願望,除咗右邊耳仔顏色有唔同,中間粒水晶都係唔同色㗎。   七位迪士尼朋友都有各自代表顏色,代表唔同願望。 最外層個圈可砌你想要嘅英文字同符號,最多8個字。   呢個「Wish ornament」係要預約,無得walk-in買。7月13日起,去呢到預約,要講定想要砌咩字,普通款2600円(含稅)。 吊牌另加500円(含稅);鏈另加300円(含稅)
21
Jun 16
23:17
新聞

東京迪士尼樂園&迪士尼海洋 夏季限定夜間門票現正發售

東京迪士尼樂園同東京迪士尼海洋,依家推出夏季限定平日夜間門票「夏5 Week Day Passport」。   其實東京迪士尼一直都有平日夜間門票「After 6 Passport」發售,只限星期一至星期五,下午6時後入場;而夏季限定嘅「夏5 Week Day Passport」就提早至下午5時後入場。樂園營業時間則維持08:00至22:00。   夜間時分,迪士尼樂園會「東京迪士尼樂園電子大遊行~夢之光」,仲有3D投影「Once Upon A Time」節目,雖然呢兩個節目唔係期間限定,不過好值得一睇㗎!   另外,依家至2016年7月7日,東京迪士尼樂園同東京迪士尼海洋舉行緊「Disney 七夕Days」,米奇同米妮會化身牛郎織女,喺遊行節目同大家見面。仲會喺園區設置Wishing Place,俾大家寫短冊許願。   最後唔少得嘅係七夕特別版週邊商品。