近鐵
12
Aug 17
00:30
博客

【奈良遊初心者必睇! 】近鐵旁「東向商店街」手信 × 美食攻略

去奈良除咗一定要去同鹿仔打個招呼之外,記得仲要預留時間俾「東向商店街」!   「東向商店街」就位於近鐵奈良站旁,係去搵鹿仔同東大寺嘅必經之地,相信即使冇認真行過都一定曾經經過過,下次趕住去奈良公園前或同鹿仔玩完之後不妨留多少少時間,參觀一下商店街內特色店舖,品嚐隱沒街中嘅美食。 今次就由街頭直掃落街尾睇足12間店,當中食店唔算太多,可以輕輕鬆鬆食完一間之後買吓手信消化吓,再去第二間再食過,行完包你驚訝原來呢條商店街都有幾多野睇!   第一站 ➡︎「中谷堂」 「中谷堂」位於商店街入口旁邊,嚴格嚟講並唔算係商店街內嘅店舖,但一場嚟到當然唔可以唔試!店內最出名嘅就係大大粒嘅即製麻薯,好彩的話更加會見到工作人員即場用木槌揼麻糬。   打糕嘅過程超高速,睇吓工作人員嘅面部表情就知氣氛有幾緊張,少啲默契隨時會打中對方。   麻糬軟綿到幾乎揸都揸唔住,外皮竟然仲係暖暖地,入面嘅紅豆餡粒粒分明得嚟輕輕一咬就化開,唔怪得個個都爭住買。
05
Apr 17
19:12
博客

三重縣喪玩鈴鹿賽車場MOTOPIA

三重縣位於名古屋所屬嘅愛知縣隔離,其中伊勢神宮和鈴鹿賽車場係非常出名嘅景點,其他著名旅遊聖地仲有世界文化遺產熊野古道、伊勢志摩國立公園、忍者發源地伊賀上野等,而三重縣有三個大型主題公園:鈴鹿賽車場嘅MOTOPIA,長島渡假村嘅遊樂園同志摩西班牙村,仲有珍珠、龍蝦、松阪牛等特產。今次帶大家去嘅,就係鈴鹿賽車場嘅MOTOPIA!! 坐特急由名古屋去到三重縣最南面嘅志摩都係2個多小時車程。 由名古屋站出發,去近鐵名古屋站坐特急/急行前往白子站,再轉三重交通路線巴士03號「東旭が丘経由,鈴鹿サ-キット行」(經東旭山丘,去鈴鹿賽車場)去鈴鹿賽車場嘅遊樂場MOTOPIA。 去完MOTOPIA後再坐03號「東旭が丘経由,近鉄白子駅行」(經東旭山丘,去近鐵白子站)去到近鐵白子站轉特急去鳥羽,最好喺鳥羽站附近連住2晩。 MOTOPIA 位於鈴鹿市嘅MOTOPIA,係世界一級方程式日本賽道鈴鹿賽車場嘅附屬主題公園,呢度被稱為最主導嘅遊樂場,因為場内大部份遊樂設施都可以自己控制方向同速度。園内分為6個小區: 1.酷奇拉的噗噗遊樂城(Kochira’s Putti Town) 2.綺拉拉的哈囉花園(Chirara’s HELLO GARDEN) 3.