話題
26
Aug 16
23:28
博客

賴床大懲罰:阿妹啲頭髮咁樣玩!

唔知大家有冇試過對住啲成日賴床嘅親朋戚友,叫極都叫唔醒,非常頭痛呢?   古語有云:人類瞓覺嘅時候就係最無防備嘅時候。呢啲時候唔玩佢等幾時!?有位日本網友哥哥就完美地示範咗點樣輕鬆搞笑咁玩愛賴床嘅妹妹喇!佢影低嘅罪證仲係Twitter瘋傳,呃到20萬個like呀!   介紹衝擊照之前,同大家介紹返先,其實呢股風氣都唔係最近嘅事。日本有一堆媽媽網友之前好興趁自己個B訓覺嘅時候玩佢哋啲頭髮,將佢哋砌成唔同嘅形狀~   ▲係咪巧治癒~巧打耳呢~   不過當你俾個呀哥玩呀妹,效果就會變成咁... . . . . . . . . . . . . . ▲是髮量問題嗎wwwwww 為什麼心心粗了後感覺一點都不治癒了wwww  
23
Dec 16
09:15
新聞

【唔係啩】韓國化妝品涉嫌侵權 反告日本名藝術家奈良美智

似曾相識嘅故事...尋日日本著名當代藝術家奈良美智就喺自己Twitter上公告,話因為發現有韓國嘅化妝品牌子W.Lab嘅商品使用嘅插畫實在太似自己嘅作品,所以發咗個警告俾佢哋。點知呢個韓國法院竟然對佢作出起訴。呢件事已經引起大量網民熱烈討論。     奈良美智之後繼續交代事件,聲稱原本都冇諗住控告呢個牌子,只希望佢哋可以改善,點知收到對方嘅主張話「製作者係我哋公司嘅人」、「奈良美智並冇申請損害賠償嘅權利」等。奈良美智話佢已經同處理開版權訴訟嘅資深律師商量緊下一步應該點做,仲話本身其實都唔係想怪間公司,只係想追究返商品設計師同有關負責人。   奈良美智嘅藝術品風格:   因為呢件事,已經有唔少韓國人去奈良美智嘅Twitter度道歉,話真係覺得好羞家、同埋想代韓國人向佢道歉。另外有唔少買開韓國化妝品嘅日本人都留言話真心以為個商品係同奈良美智合作推出嘅商品,所以感到非常意外,話為咗支持奈良老師將會罷買呢個牌子嘅商品!奈良老師就好冷靜地開玩笑話「でも、展覧会はまたやりたい in 韓国」(但係,我仲希望有機會喺韓國開展覽架)。   無論點都好,明眼人一睇都會覺得件商品嘅話真係好相似嘅...仲以為呢種反告人侵權嘅案件(國際笑話)只會喺某大國出現,睇嚟少年我真係太年輕了~~~ Source:奈良美智
10
Oct 16
08:28
新聞

日本大人氣賤熊Ted限定Cafe登場!

唔知大家有冇睇過呢隻賤熊Ted嘅電影呢?   講真,小編就覺得套戲係好一般嘅美國爛笑片:賣粗口梗、大麻梗、黃腔...等,當時亦唔覺得Ted特別得意... 不過可能日文無粗口,所以Ted日文版極其量都係一隻講野man少少粗俗少少嘅得意小熊,正中鍾意反差萌嘅日本觀眾下懷~聽講日文版Ted 2仲要特登改曬啲爛口對白成為一套老少咸宜嘅電影添啊!唔怪之得喺日本連一般家庭都好buy Ted啦!   啱啱9月尾,東京涉谷就開咗全世界第一間Ted Cafe & Bar,雖然係期間限定,但就會連續開兩個月開到11月21日。   睇下個menu先!   雖然我唔係特別鍾意Ted,但都不能否認啲菜式真係幾kawaii~絕對值得用嚟呃like啊!   除咗嘢食,呢度仲有其他Ted嘅goods賣,由T-shirt到電話殼、水樽、布袋等,Ted迷千其唔好錯過呀~   Bar嘅話仲會開到凌晨3點,大家鍾意幾時嚟都得! 如果想
14
Nov 16
20:20
博客

【奈良話題之作!】「暖」上凍刨冰

最近嘅天氣真係好難搞,早兩日凍到好似突然步入冬天,但今日又話回暖,原本仲諗住可以喺凍冰冰嘅天氣下喺街頭食返個熱辣辣火鍋暖吓個胃,而家又要將計劃推遲啦......   不過講到暖胃,奈良都有一間老舖「柿の葉ずし総本家 平宗」可以食到個好特別嘅暖笠笠甜品,並唔係大家可以想像得到嘅紅豆湯嗰啲咁普通,而係可以令你食完好暖笠笠嘅巨型刨冰。     平宗係一間一年四季都可以食到刨冰嘅老舖,已經有超過150年歷史,因為店家覺得冬天都有好多人鍾意食刨冰,所以就研發咗幾款連冬天都好適合食嘅暖刨冰,等客人一年四季都可以享受到刨冰軟綿綿嘅口感。     店入面一共有大概6款刨冰,當中嘅南瓜刨冰「かぼちゃ氷」、番薯刨冰「さつまいも氷」、甜酒刨冰「甘酒氷」就係傳說中嘅暖刨冰喇!     個刨冰一上枱嘅一刻都幾震撼,個冰勁大兜!南瓜同番薯係比較大路同多人點,如果對酒唔抗拒的話亦可以試吓個甜酒刨冰,因為喺第二啲地方基本上係搵唔到嘅。   除咗個冰之外,一齊上枱嘅仲有一碗暖笠笠嘅泥狀配料同一杯冒緊煙嘅透明不明液體,千祈唔好以為嗰杯係清水就咁飲咗佢
10
Mar 17
00:55
新聞

邊個日文名最型英帥靚正?日本最受歡迎「靚仔名」漢字!

「唔怕生壞命,最怕改壞名」,我深信呢句俗語係世界通用嘅。有日本網站就訪問咗500個女性讀者叫佢哋揀出直覺「聽落最靚仔」嘅日文漢字,想改返個型仔日文名嘅Ching們都可以參考下。 今次就叫咗班櫻花妹喺「一、郎、朗、太、矢、也、治、士、史、亮、介、司、男、之、平」等日本男仔名老是常出現嘅漢字入面揀「通常個名有呢個字嘅男仔都係靚仔」,以下就係佢哋揀嘅Top 3! 第三位:士 咁多個漢字入面有成8.4%支持率!前男子組合WaT嘅成員兼混血男星Wentz瑛士個名都有呢個漢字!剛士、瑛士、雅士,原來櫻花妹們覺得呢個士字帶有少少陽剛氣息,因為其實「士」仲有「武士」嘅意思添!係咪會令佢哋覺得特別man呢?(雖然福士蒼汰個「士」係姓氏唔係「名前」,但我都覺得個名好特別,所以擺埋上去:P)   第二位:亮 排第二位嘅有11.2%支持率,係「亮」!呢個漢字象徵住「明亮」、「光明」、「清晰」、「光明磊落」等意思。藝人方面就有錦戶亮、或者演員池松壯亮、小鮮肉吉澤亮、搞笑藝人London Boots嘅田村亮等,雖然小編第一個係諗起塔矢亮(笑)。櫻花妹話覺得通常叫得亮嘅都五官端正,樣貌同名一樣咁「見得光」!大
16
Nov 16
00:28
新聞

東大為吸引女學生 提供每月3萬Yen資助

東京大學尋日發表聲明指,將會向下年春天入學、背井離鄉嚟東京讀書嘅女學生提供每月3萬yen嘅補助費。東大表示該校女學生嘅比率得番整體嘅20%,所以想用呢招去吸引更多女學生報考該校。   今次呢個「優惠」嘅對象係就由住所起去到駒場校園(東京目黑區)需要花90分鐘以上時間嘅女學生。學生需要入學後入住大學宿舍,而補助費將會提供最長兩年。   大學今次就講到明話希望增加女大學生比率,不過都預料會有好多人話唔公平架喇。有網民仲睇得好開咁笑稱「係咁架啦」,因為一個東大畢業嘅美女自殺而令到無論幾千個男性自殺都無動於衷嘅政府開始行動(講緊電通因年輕女性員工自殺而涉違反日本勞動法例一案),可見東京大學嘅女仔幾咁有價值啦!亦有網民話接受唔到大學咁高調地去進行性別歧視。大家又點睇呢?   資料來源:Huffington Post、Twitter
10
Mar 17
02:38
新聞

長澤雅美超型運動廣告曝光 運動世家背景功不可沒?!

世界知名嘅運動品牌UNDER ARMOUR邀請咗女神級嘅日本女演員長澤雅美擔任最新代言人,仲拍咗條廣告片,裡面充分展現長澤嘅「堅強美麗(Strong and Beautiful)」嘅一面! 據說UNDER ARMOUR想帶出「通過做運動可以令女性更充實」,而廣告入面長澤完美地做到呢個效果。正所謂女神不是一日練成的,見到廣告入面雖然影住佢好似平時咁甜美嘅鏡頭,但其實鏡頭背後佢係付出好多汗水同努力地做各種運動。 要擁有好身材並唔係必然~長澤平時都中意做gym去keep fit。另外,佢爸爸長澤和明係日本J1足球隊磐田喜悅嘅初代監督,相信品牌都係睇中佢同運動嘅淵源所以搵佢擔任代言人! 最後長澤希望可以打破日本人嘅古舊思想,令佢哋明白「即使係令自己失去信心嘅身材都可以靠運動去改變,唔好用因為自己係日本人呢個藉口就去逃避,要珍惜同重視跟住自己一世嘅身體。」 多謝呀女神,我而家充滿動力減肥喇! 資料來源:Sankei News 
09
Mar 17
20:28
新聞

澤尻英龍華超短髮廣告流出電話號碼 真係可以打俾女神!

澤尻英龍華擔任Suntory嘅「ほろよい(微醉)」系列代言人,前幾日又推出新廣告!廣告中澤尻以一頭超爽利短髮look登場示人,原來係為咗配合產品「清爽微醉檸檬」同「清爽微醉青蘋果」~見佢喺間房度好舒服咁傾住電話好relax咁飲住酒,喺office寫緊呢篇文嘅小編表示好羨慕呀T_T 不過重點係廣告入面女神部手機竟然show咗個電話號碼出黎: 「erika 自分の番号:05-7000-4641」 搞咩咁大整蠱?!流出私人電話?   當大家都喺度考究緊呢個電話號碼嘅真偽,有勇者就試下親身打去,結果... 「沢尻エリカです。ただいま電話に出ることができません」 (你好,我係澤尻英龍華,而家唔方便接聽你嘅電話...) 真係女神把聲呀!! 之後女神仲會叫你留低令你「最近すっきりしないこと」(最近令你心裏感到不暢快)嘅事,而且仲可以比你用電話揀 1)最近不夠自信
12
May 16
02:21
博客

[5招成為人氣王]日本最紅話題人物-糖果系男孩Ryuchell りゅうちぇる

要數日本最近最熱門嘅話題人物,就係呢個風靡日本綜藝節目,最近係電視見佢分分鐘多過你見啊媽嘅Ryuchell!     可能你都會好似我咁,第一眼睇完全唔明佢到底紅啲乜...驟眼睇根本只係個會化妝(仲要係宿醉妝)同埋着得好鮮艷好原宿嘅男仔。但點解Ryuchell會深得日本上下妹妹仔歡心(佢仲要有女朋友架喎),紅到最近瘋狂上綜藝節目成為家傳戶曉嘅人呢?等我同大家分析吓啦!   《Ryuchell 小百科》 真名:比嘉龍二(Higa Ryuji) 血統:1/4美國血統(爸爸是美日混血兒,媽媽是日本人) 生日:1995年9月29日(20歲) 出身地:日本南部一個非「都道府縣」嘅地方:Chel Chel Landちぇるちぇるランド (What?) 身高:172cm 喜好:卡拉OK 特技:服飾配搭、滾軸溜冰 職業:服飾店店員、模特兒   爆紅原因大解構!人氣高企原因係...   1)鮮明同印象深刻嘅人物設定 Ryuchell頭頂金毛帶80年代運動型毛巾hairband、愛穿美式復古但顏色鮮豔嘅衫同鍾意化妝,咁鮮明嘅style梗係出眾過螢火蟲啦!之前KAT-TUN嘅上田龍也仲搵Ryuchell過兩招改變其兇神惡煞嘅形象,雖然我唔係好接受到,但得到一致好評呀~