試食報告
28
Mar 16
18:23
博客

[新鮮出爐]《蠟筆小新》期間限定cafe 試食報告

各位「忽必烈」嘅子民啊!來自屁屁星嘅蠟筆小新25周年期間限定cafe已經係前兩日開左幕啦(做到5月29號),你地仲唔快d著返條褲,呀唔係,係除左條褲嚟朝聖!(大誤)   一抬起頭,見到勁大個「2.5 SPINNS」logo就岩啦!因為今次個期間限定cafe係由原宿「2.5 SPINNS」同蠟筆小新合作搞㗎~ 唔通係因為要慶祝《蠟筆小新》25周年,所以專登同同樣都係2+5嘅「2.5 SPINNS」合作?~~(不負責任聯想kk)   開幕第一日,我12點半黎到cafe樓下,以為實有好多人排隊啦,點知條龍都唔係好長咋喎,LUCKY!!!   一入到去,嘩嘩嘩D枱布好靚呀,小新們仲要著到成個潮童咁,好搞鬼!   睇下個menu先~ 主食有6款,不過最底個三款就咁插枝小新旗仔係到就算數,好似冇咩誠意咁喎!所以我都係叫咗個「不理不理左衛門吉列豬扒定食」,再加個「整我出黎啦!有得玩又有得食奄列飯」(不負責任菜鳥翻譯) 大家見唔見到依兩個餐各自有兩個價錢?貴d個個就係連埋一個期間限定小新cafe杯比你,咁我就整係要埋個杯啦
16
Jan 16
02:00
博客

【超有愛】全世界首間吉野家任食火鍋!$138食足120分鐘放題!!!!

吉野家為咗慶祝25週年,係西環豐業大廈分店攪咗個120分鐘火鍋放題,店長話俾我知,原來呢到係全世界第一間吉野家攪火鍋放題啊!我居然有機會參與,感到好榮幸啊!(hahaha...超誇張的)呢個放題只係做一個星期(13-19/1/2016),想食就要快喇! 平時吉野家個火鍋細細,食完都唔飽,所以有好多人會偷偷地自己買嘢入去加料(唔洗唔認...我知你都有份haha)但今次終於唔洗鬼鬼崇崇喇!就算你想食1000嚿芝士竹輪都唔會有人阻止你! 俾你哋睇下吉野家張宣傳單張了解下~細路仔唔夠140cm收$98~ 吉野家放題一共三款湯底同五種火鍋醬料俾大家選擇,湯底有番茄湯、日式雪濃湯和野菜清湯,牛肉、雞腿肉、豚肉無限量供應,仲有我嘅最愛芝士竹輪、黑白墨魚包、響鈴.....多到講唔哂!自己睇喇!仲有仲有....呢度飲野唔洗加$3,汽水、茶、麵豉湯任飲,仲唔收加一。 總共有兩段時段可以揀18:00-20:00、20:15-22:15,不過我建
13
Jan 16
07:16
博客

【集體回憶】元綠$48迴轉壽司任食!全港執淨一間!

(起歌)我最初面紅...現在雙眼通紅...再幼稚還是覺得戀愛如夢.... 集體回憶呢啲,到咗某個年紀就會明㗎喇...8、90後由細食到大嘅元綠,由以前同元氣鬥到你死我活,連Twins都係佢地代言人,到今日執下執下淨返最後一間!聽講水準已經大不如前,更被冠以「新。明將」嘅稱號。正所謂新年新開始,元綠決定攪個[$48任食迴轉壽司]睇下可唔可以起死回生,但網上就有前員工勸籲各位為身體著想千祈唔好去,既然係咁,就等我入天水圍做死士,幫大家探下路喇。 點知去到發現有超多人係門口等緊,由於好多人放棄唔等,加上我係1個人去,所以大約等咗2個鐘左右就入得喇!(我在場聽到3-4個人去嘅,由12:00等到4:00先有得入啊) 5點前入座$48(60分鐘)/5點後入座$68(90分鐘) 以前我好鍾意Twins㗎!有佢哋代言嘅產品就會試!你鍾意阿Sa定阿嬌啊? 今次呢個優惠打響旗號,$48食到飽!咦?啲壽司呢? 有啦!煙鴨胸、鴨煙胸、胸煙鴨? 等咗足足差唔多成分鐘先有下一碟壽司!咁計法,1分鐘一碟,如果你食得快嘅....都真係可以食60碟嘅!
26
Jan 16
01:10
博客

【試食報告】唔係呱!去到日本仲食薩莉亞?

窮人恩物【薩莉亞】你冇理由冇食過!如果你遇到一個願意陪你食薩莉亞嘅女仔就記得唔好放手喇!事關香港嘅薩莉亞好食就好食,但個衛生情況就...大家心裡有數喇... 唔講你唔知(可能你知)...薩莉亞係日商公司開嘅,後來擴展業務先去到新加坡、香港、上海、北京、廣州同台灣開分店,賣點係平、靚、正! 而我最鍾意薩莉亞嘅地方就係佢所有嘢都細細碟,咁就可以嗌多幾款唔同嘅嘢食,啱哂貪心嘅我!但另一方面,我曾經係薩莉亞一路食,一路聞到啲奇怪氣味,直頭想反胃,自此之後我就冇再去食過喇。 今次嚟到日本廣島,我就應大家嘅要求,一嚐日本薩莉亞喇!點解佢哋想我試食?好簡單姐!大家去到日本自自然然會食啲地道嘢,點會想試薩莉亞吖?!就算你想,你同行嘅另一半都唔會俾喇!係咪先?哈哈 裝潢同香港薩莉亞基本上冇咩分別 飲品吧有好多選擇(190Yen任飲唔嬲) 我揀咗野菜果汁,感覺上幾健康,100%果汁(佢話) 薩莉亞Menu,同香港