親子
24
May 17
00:42
博客

《胃食日本》:250年歷史元祖親子丼老鋪「玉ひで」〜

去日本旅行食野就緊係唔少得食丼飯啦~ 牛丼,天婦羅丼,三文魚子丼等等 今次就同大家去到東京人形町,食已經有250年歷史, 而且深受日本人愛戴嘅老鋪「玉ひで」食滑蛋親子丼! 「玉ひで」係1760年開業,係日本非常出名嘅親子丼老鋪, 位於人形町站行大約30秒嘅距離, 11:30分開始營業,只係開店10分鐘就已經有好多人排隊啦~ 不過因為Lunch時間係用「搭枱」去同時令更多客人可以入去, 所以唔需要等好耐就可以入得去㗎啦~   Lunch Menu主要係有4個單叫可以選擇, 分別係親子丼,三昧親子丼,上レバ親子丼同埋"極"親子丼, 另外亦都有豪華Lunch Set(親子昼膳3300Yen~)可以叫, 而叫Set仲唔洗排隊可以直接入去~   入到去之後其實仲要排多陣,佢哋會先叫你俾錢先希望可以縮短時間, 所以要記得排緊個陣就要諗定啦~ 因為係會有「搭枱」,所以2個人又或者係1個人去嘅朋友 就可以會有同唔識嘅人面對面坐架~
30
Sep 16
19:45
博客

【住邊好】東京親子酒店推介 - 東京灣東方酒店

同小朋友去東京點可以唔去迪士尼?除左住喺迪士尼入面,今次揾到間距離迪士尼大概15分鐘車程嘅親子酒店 -東京灣東方酒店,入面特設樓層專為小朋友設計,喺網上仲獲得一致好評添!睇完以下5大特點,有冇啲想book嚟同小朋友住返晚呢?不過房間好受日本人歡迎,而且數量唔算好多,要book就要預早少少啦!   1. 為親子樓層特設嘅Check-in Counter 小朋友冇咩耐性,有時check-in慢少少佢地都會唔耐煩。酒店超貼心設計之一就係親子房嘅check-in counter set咗喺11樓自成一角,有哂玩具啊、沙發啊咁,仲可以睇住迪士尼卡通慢慢等添!   一出電梯就見到MaMa Salon,入去就可以check-in啦   環境同氣氛都好舒服,又有卡通片睇,小朋友一定會乖乖等check-in啦~   2. 特設親子房間 酒店特登分開咗「Baby' s Sweet」同「Kiddy Sweet」兩種房,Baby's Sweet適合0~3歲小朋友,「Kiddy Sweet」就適合4~6歲小朋友。兩種房都有勁舒服嘅大床,床嘅高度比一般房間低,咁爸爸媽媽就唔怕小朋友玩玩下唔小心碌咗落地啦!   Baby's Sweet  
16
Jul 16
01:18
博客

【‪親子遊】台場Decks・暢遊Legoland

去台場除咗血拚Outlet之外,其實旁邊嘅「Decks Tokyo Beach」都有好多野玩㗎,啱晒一大家細。今日就同大家睇下其中一個親子遊熱點「Legoland Discovery Center」啦!   ▼Legoland同旁邊嘅蠟像館屬同一集團,可以優惠套票入晒兩個場。     ▼到處都係Lego造型嘅角色人物。     ▼沿路行第一個場館係一啲簡單嘅小遊戲。好似睇下你嘅體重等於幾多個Lego。     ▼小朋友會好鍾意嘅填色遊戲,可以選擇唔同嘅圖案。     ▼另外仲有一個好似迪士尼樂園巴士光年射擊遊戲嘅設施,佢都係射擊計分,只係全部都轉晒做Lego主題。呢個對大人黎講算係可以一玩嘅遊戲。