蛋包飯
05
Sep 17
01:19
博客

【先斗町美食懶人包】京都鴨川激推6店!

位於京都嘅「先斗町」可能大家聽過未聽過,但其實喺呢條只有短短幾百米嘅小巷之中,隱藏住多間極具京都色彩嘅食店,夜晚過嚟極之熱鬧,居酒屋、串炸店、壽司店、麵店,燒肉店、川床料理店通通都有,可以話係京都人嘅搵食重地之一,想一試地道美食,嚟呢度一定冇錯!   今次介紹嘅6間店舖係先斗町不能錯過嘅美食名店,就連當地人食過都大叫好味,有機會一定要試!   ①地道手打蕎麥麵店:有喜屋 先斗町有唔少經典老店,「有喜屋」就係其中一間,創業於1929年,喺京都同大阪已經有多達7間分店!呢間老舖主打手打蕎麥麵,蕎麥麵偏幼身,浸喺自家製高湯中一段時間仍然可以保持彈牙口感,職人手作嘅蕎麥麵果然高水準!有喜屋嘅蕎麥麵有多種唔同食法,如果想試特別啲,「有喜そば」都係唔錯嘅選擇,試過一次包保會顛覆對蕎麥麵一貫嘅印象!   「有喜そば」面頭嘅泡沫以全蛋打成,細綿到任你點撈都唔會消失!蕎麥麵入面仲有蔥同納豆等配料,食嘅時候要將碗底甜甜地嘅醬汁同所有食材徹底撈勻,納豆味道唔算重,平時唔特別愛食納豆嘅人都可以一試。   蕎麥麵好有咬口,即使浸住熱湯,都唔會好快就腍哂。  
04
Aug 17
00:44
博客

福岡超有名明太子蛋包飯-五穀

講起福岡食物就會諗起明太子,咁明太子蛋包飯你又食過未呢?   位於福岡呢間叫「五穀」嘅蛋包飯店,從六本松駅徒步1分鍾就到達,自1999年創業以嚟,非常受當地人歡迎,有時後更要排隊先食到~到底呢個蛋包飯有幾咁好味呢? Lunch set完全唔貴,900有一個明太子蛋包飯、沙律、甜品同野飲~ 飯混入明太子,明太子份量都非常足夠,飯都變成粉紅色~(๑´ڡ`๑) 蛋一割開,軟綿綿嘅蛋湧出來,蛋汁好多!(´///☁///`) 食落超香滑~入口即溶,份量足夠~   去福岡嘅朋友記得去呢間福岡無人不知嘅蛋包飯「五穀」啦!   五穀 地址:福岡県福岡市中央区六本松4-2-6 MJR六本松 1F 營業時間:11:00~22:00 逢星期一休息,每月第一個星期二休息
14
Jul 17
23:07
博客

3HK漫遊數據儲值咭特約《胃食日本》:入口即溶超濃滑傳統日式茄汁蛋包飯「YOU」!

蛋包飯係受盡日本國民喜愛嘅平民美食,當然市面上有好多專門食蛋包飯嘅餐廳啦! 隨著年代變遷,最近仲多咗好多創新嘅蛋包飯出現, 不過要食就梗係食傳統又好味㗎啦~ 今期《胃食日本》就帶大家去到東京「東銀座」, 一間1970創業嘅懷舊咖啡店 食非常濃滑嘅蛋包飯~「YOU」! YOU係位於東京東銀座大約1分鐘嘅位置, 店入面唔大,裝潢非常有嘅日式咖啡店嘅氣氛~ MENU有好多唔同西餐可以揀, 但難得嚟到就梗係食佢哋最出名嘅蛋包飯啦! Lunch時段去可以選揀Lunch Set(¥1100),有蛋包飯之外仲可以加多杯野飲! 蛋包飯用料非常簡單,主要材料只係用咗蛋、茄汁飯同茄汁, 但已經可以做出非常美味嘅蛋包飯㗎啦!   口感入口即溶,加左牛油嘅半熟奄列蛋味同牛油香超濃郁, 加上酸酸地嘅茄汁同茄汁飯非常夾,一試難忘㗎! 另外仲有第二人氣Menu 奄列蛋治Lunch Set(¥1100)
06
Jan 17
01:26
博客

【教你「踩單車」輕鬆漫遊京都】邊踩.邊玩.邊睇景!

京都景靚係人都知,除咗靠對腳,大家又有冇試過踩單車四圍遊呢?以單車代步,可以慳返唔少時間同體力,時間多咗自然可以去更遠,鍾意踩去邊就去邊,喺香港,邊有呢啲機會!   為咗令一眾Like Japan讀者一睇就明今次單車遊係咩玩法,我地就由最重要嘅租車開始講起!   1. Rent a cycle EMUSICA     呢間叫做「EMUSICA」嘅租車店喺巷仔入面,不過交通就好方便,由阪急河原町站或京阪祇園四条站行過去都只係5分鐘倒路程,勁近!唔好睇呢間店好似舖仔細細,店內外加埋有成50架車。   小編當日朝早10點半左右去到,見到除咗店外嗰幾架單車,店入面仲掛住幾十部單車,好誇張!最重要係呢度店主識講英文同勁Nice,全程用英文解釋踩單車嗰陣有咩要注意,好貼心!   間舖好易認,就算唔記得個名,遠遠都會見到啲單車。成條巷都係得呢度有單車,實係呢度啦!   門口有塊黑板,所有價錢都好清晰咁用日文同英文寫哂出嚟,如果係一日遊,租朝早9點到夜晚8點個時段都已經夠哂,玩足成日都只係¥500,兌返港幣$35都唔使,係咪勁抵呢!
11
Nov 16
21:58
博客

日本人話「蛋包飯原來好難整=o=」

整野食好講天份,有天份嘅真係是但喺個穫撩幾吓都可以整到一道美食出嚟,冇天份的話就算準備幾周全都好,一個唔小心就會燒咗個廚房。   而以下嘅日本人,相信都係屬於地獄廚神嗰批,蛋包飯對佢地嚟講簡直係神級料理,可以安全咁離開廚房我地應該要為佢地鼓掌!   1. 「稍為」失敗之作 圖片來源:twitter.com/pattulaaaa   呢位人兄點解可以整到個蛋包飯又扁又平又黑又乾,到底佢進行緊邊個步驟?真係一個迷......   2. 值得原諒之作 圖片來源:twitter.com/0912Ayato   其實都明要好完美咁將個雞蛋包住啲飯係好高難度嘅,所以呢個已經算係好小兒科,最主要都只係掌握唔到飯嘅份量同蛋嘅厚度,結果蛋厚到包唔到啲飯,飯多到雞蛋完全包唔哂。   3. 偽裝成漢堡扒之作 圖片來源:twitter.com/bc199673bc   唔講真係一世都唔會知呢個原來唔係一個漢堡扒而係一客蛋包飯
29
Jul 16
19:55
博客

[胃食日本] 43年名店手掌大夢幻厚切牛舌蛋包飯!

日本蛋包飯不嬲都好好食,仲有好多各色各樣唔同口味, 而且越出越多,所以蛋包飯對大家已經喺心入面有一定位置~   新野係新鮮,但係舊野當然唔會輸蝕, 今日就帶大家去東京恵比寿 一間43年老鋪「チャモロ(CHAMORO)」嘅招牌 有手掌咁大嘅厚切牛舌蛋包飯!     由JR恵比寿西口,行大約3分鐘左右 就可以去到喺B1嘅「チャモロ」~   佢LUNCH時間係星期一至六12點至14點半, 因為佢店面比較細,只有5張枱, 所以有機會要等, 想去嘅朋友記得預早小小~ 我就等左大約20分鐘左右   落去睇睇有無位, 無嘅話就寫低名,之前就上去等, 有位就會叫你架啦~   佢嘅招牌牛舌蛋包飯SET 1500yen,(下面數上黎第4個) 有一個
22
Mar 16
00:01
博客

最多口味嘅蛋包飯店-ポムの樹

去日本除左拉麵同燒肉之外,仲有一樣食物都係好好食! 今次推介一間蛋包飯連鎖店- ポムの樹(蘋果樹)。 呢度最出名喺有超多蛋包飯選擇~ 如果大家都好似我咁有選擇困難症… 就要心理準備揀返半個鐘以上喇   ポムの樹 地扯:東京都港区台場1-7-1 AQUA CiTY台場5F 營業時間:11:00 - 23:00(L.O 22:00) 電話:03-3599-5510 ポムの樹喺日本唔同地方都有分店,東京都有幾間。 我今次就去咗台場果間,點解?因為喺台場行完街囉~ 好彩台場開得夜,最好就係行完街去食喇~   成日都有唔同期間限定   蛋包飯分咗四大類:「茄汁類」、「咖哩類」、「混合類」、「焗製類」 個 Menu 我都無影晒出嚟… 超多選擇