英國
18
Feb 17
07:07
新聞

甜蜜合照遭外國友人放上IG 三浦春馬戀情正式曝光

日本人氣年輕男演員三浦春馬(26歲)同國際知名舞者菅原小春嘅緋聞自2016年9月已經開始被傳。雖然二人一路無承認,不過2月14日情人節當日兩人著住情侶Tee甜蜜合照嘅相就被佢哋嘅外國友人up咗上IG story,當然畀粉絲發現添啦!雖然事後呢啲相已經被del,不過手快嘅網民已經即刻cap曬圖,令戀情正式曝光! 當日仲係菅原小春嘅生日,三浦春馬11日完成宣傳NHK大河劇《女城主直虎》嘅工作後即刻前往英國匯合女友。今次流出嘅相片相信係佢哋喺倫敦度過sweet爆情人節被拍低嘅。相片見到平時勁型嘅兩位面上都露出戀人感滿滿嘅表情,尤其平時工作關係個樣勁cool嘅菅原小春即刻成個少女咁! 個友人仲要唔放過任何一刻,連佢哋係張床度攬埋一齊嘅story都up埋! 雖然有粉絲撐兩位都幾襯,因為雙方都係非常事業有成嘅星,不過亦有人質疑係咪係咪其中一方刻意流出博宣傳。甚至有粉絲搵出呢個所謂嘅友人之前亦曾經up過佢哋其他合照,話唔明當事人點解可以咁無戒心喎~
11
Aug 16
00:36
新聞

日本網友熱捧!英國跳水王子戴利!

最近奧運,除咗欣賞體育比賽,當然一眾靚仔靚女運動員都唔會放過啦,日本網友就係twitter瘋傳呢位英國跳水小王子戴利(Thomas Robert Daley)嘅相片。 唔講咁多,即刻去相:         戴利唔單止靚仔有型,仲啱啱拎咗奧運雙人10米高台跳水銅牌,名乎其實睇得又跳得。 如果佢參加港男,我相信伍姑娘都要拎多次氧氣罩!   不過一眾姊妹冇行了,戴利已經訂咗婚,對像係大佢20歲嘅電影編劇達斯汀蘭斯布雷克(Dustin Lance Black)。