芭菲
27
Jul 17
22:24
博客

【用足2個水蜜桃!】30厘米「爆汁水蜜桃芭菲」

好多人都覺得食甜品好肥,即使去旅行都要就住就住食,但如果係以水果為主嘅芭菲大家又點睇?喺位於大阪府高石市嘅Cafe「Patisserie cafe ひかり」,就可以食到用足2個水蜜桃製作嘅芭菲,水蜜桃又甜又多汁,食完已經飽咗7成,好誇張!   Cafe位於JR東羽衣站或南海羽衣站步行3分鐘距離,以為人氣店實會大排長龍,點知門口竟然冇人!原來嚟得呢度食水蜜桃芭菲都要先預約,唔怪得大家都唔會傻更更走嚟掛隊,排完一輪先知冇得食。   呢度嘅水蜜桃芭菲總共有兩款,分別在於水蜜桃嘅份量,鍾意食水蜜桃的話就梗係要食用足兩個水蜜桃製作嘅「桃パフェ 桃マシマシ(¥1,350)」!   水蜜桃好有技巧地疊咗喺杯頂,而杯入面下至上分別係乳酪、麥片脆脆同雲喱拿雪糕。由於所有水蜜桃都會喺店內等到熟哂先會用嚟整甜品,所以水蜜桃100%包甜包多汁,一咬啲汁直情滴哂出嚟。   隨芭菲仲會附上一小杯Fuzzy navel sauce俾大家倒入芭菲內進食,建議大家可以先試試原味,試多幾啖再加少少sauce,會好明顯地食得出加咗sauce之後嘅水蜜桃會變得更甜。   反正有
09
Jun 17
22:44
博客

相機食先!東京best 4如藝術品芭菲

今次介紹大家喺東京食到嘅4個超正芭菲,唔止好味足料,仲靚到好似一件藝術品咁!   首先介紹係表參道GLACIEL OMOTESANDO 製作嘅甜品師從小就好鐘意芭菲,夢想希望能做到佢心目中最理想嘅芭菲。 呢個芭菲嚴選日本當造水果,放上特製布甸,充滿童心味道卻又非常講究!~1,500yen GLACIEL OMOTESANDO 表参道 地址:東京都渋谷区神宮前5-2-23 營業時間: 11:00~18:00(L.O.) http://www.glaciel.jp   PÂTISSERIE ASAKO IWAYANAGI 呢間店有紅酒供應,芭菲配合紅酒,大人嘅味道~ 呢間店嘅芭菲每個月都會轉該月當造嘅水果,剛剛過去嘅5月佢地用咗超香甜嘅蜜瓜,加上食落口非常清爽嘅梳打啫喱,有種蜜瓜梳打嘅清新感覺!~2,800yen PÂTISSERIE ASAKO IWAYANAGI 地址:東京都世田谷区等々力4-4-5 營業時間:10:00~18:30 逢星期一休息、日本公眾假期翌日休息 http://www.a-patisserie.com/   ATELIER KOHTA 能夠近距離望到製作過程一間內裝純白食店~
26
Oct 16
23:23
新聞

視覺衝擊!到底呢度有幾多粒M&M's!?

朱古力甜品食就食得多,真係未試過食M&M甜品,仲要係癡滿哂M&M嘅芭菲,真係睇見都覺得好過份啊!   想食咁誇張嘅甜品就要記住11月3日至11月16日呢段咁重要嘅日子,因為呢間位於原宿嘅「M&M’S(R) My Bottle Café」只會開兩個星期,錯過咗真係唔知要等到幾時先再食到。     到時店內可以食到朱古力味同士多啤梨味兩種芭菲,由上至下到成個碟面都癡滿同放滿19種顏色嘅M&M朱古力豆,當中嘅淺藍色、白色、粉紅色等等,都係店內先見到嘅限定顏色,出面想買都買唔到!   朱古力芭菲 ¥1,800   士多啤梨芭菲 ¥1,800   除咗可以食甜品,大家記得玩埋個「M&M's My Bottle」喎!店入面將會擺放一棟棟裝滿哂朱古力豆嘅扭朱古力機,大家只要畀¥500就可以揸住個M&M樽去扭唔同顏色嘅朱古力,製作一個全世界只得一個,獨一無二嘅樽裝M&M㗎啦!     咁難得嘅機會,如果身在日本就千祈千祈千祈唔好錯過啊!!    
06
Apr 16
23:13
新聞

新宿美食・特大芭菲!!!

大家鍾唔鍾意食芭菲呢?我就勁鍾意啦!尤其係大大個果D呀,食到飽哂會好滿足!我就知道喺新宿有一間cafe,有好多唔同種類嘅芭菲揀嫁!而且!!有幾款仲好大杯添!岩哂我呢D對甜品極貪心嘅女人哈哈!   佢就係カフェ・エストエスト(Cafe Est! Est!),位於新宿區,距離車站只係1分鍾咋! 係超方便嘅一間Cafe。環境以白色為主調,簡潔乾淨。 而佢除左芭菲之外,都有其他正餐嘅,Lunch Set 780円起,價錢正常唔算貴。   好啦,咁佢個重點就梗係果D又大賣相又靚望落又勁想食嘅大大芭菲啦! 佢地個芭菲除左有雪糕,cream之外,仲會有海棉蛋糕,朱古力蛋糕之類唔同料喺入面,超級豐富嫁!至於有幾大?比相你地睇下啦!   呢D係普通芭菲,不過都有好多種類,有選擇困難症嘅恭喜你,應該要揀到夜晚。 望到都肚餓啦!雖然岩岩食完飯。。   到大芭菲黎啦!我諗要2個人share先食得哂囉!