船梨精
05
Jul 17
01:53
博客

船梨精1879歲生日快樂!!

船梨精生日快樂!! 原來今日係船梨精嘅嘅1879歲生日! 根據設定,原名福納迪烏斯四世嘅船梨精、出生於公元138年7月4日,父母只係普通梨樹,不過因為2000年一度嘅奇蹟,船梨精終於以「梨之妖精」嘅姿態誕生。於274個兄弟(包括佢自己)中排行第4嘅船梨精身高90公分,體重約7顆梨子重,血型為鱟梨汁型。 同其他日本主流嘅官方當地吉祥物唔同,佢冇其他吉祥物嗰種又大又圓嘅可愛身材,而係較接近普通人,因此比較敏捷。另外船梨精亦係少數識說話嘅當地吉祥物,而且仲好多野講同大叫嘅角色。 船梨精呢個角色其實可以追回溯到2011年11月,當時熊本熊贏得全國當地吉祥物大賽冠軍,住喺船橋市嘅原作者覺得當地吉祥物嘅熱潮而決定自己設計一個能夠將炒熱船橋嘅角色。話說嗰位作者之後仲自費4萬日圓整咗件布偶服。不過件衫由於經費不足嘅關係,船梨精手工自然比較簡陋,到而家都時不時會於各大節目上畀人「恥笑」。 其實作者有曾經向船橋市役所同在地嘅商業機構推薦船梨精呢個角色,不過就冇咩人理佢啦。冇人BUY就唯有自己上啦,船梨精開始自己去船橋市唔同觀光點拍宣傳片,又自己去到唔同活動現場宣傳,開始喺網上累積人氣。   要去到爆紅嘅契機,就係2013年2月去日本電視台嘅早晨節目『爽快!!』時,同主持人加藤浩次相撲因為輸得太好笑,影片於網上瘋傳(即係下面套