自遊行
11
Jan 17
05:07
新聞

【遊日注意】最強冷鋒明襲北日本

隨住最強冷鋒影響,日本北部(北海道,東北,北陸,関西北部)於10~17日將受影響,明朝開始有特大風雪,喺明日10號中午札幌天氣會跌至負10度以下,市面更會出現時速每秒30米嘅強風雪,海面亦會有大浪,預計10號朝早北海道積雪會厚達40厘米,北陸厚達60厘米、東北厚達50厘米,各位喺北日本玩嘅香港人記得注意安全!   今個冷鋒會長時間影響日本,大家要留意天氣報告。
28
Mar 17
00:37
博客

【旅行App推介】地膽教你玩日本,你問佢答!

去旅行通常都係得嗰短短幾日,想爭取每分每秒玩到盡,除咗睇多幾本旅遊天書之外,小編靜靜雞話畀大家知最近發現咗個幾方便好用嘅app,叫做「LocoBee」! 就係呢個Logo喇!喺App Store同Goole Play  搜尋「LocoBee」就會搵到!又或者可以直接去呢兩條link download: iOS:https://www.likejapan.com/locobeeiosblog Android:https://www.likejapan.com/locobeeanblog 呢個app雖然唔係咩旅遊資訊資料庫,但勝在網友答得夠快又回覆率高,有咩疑難雜症上去一開個post,隔一陣就會有人解答,唔使自己做一堆research之餘仲要唔知啱唔啱,有心嘅話仲可以識到唔少朋友,夠哂方便! 裝完之後只要reg埋account就可以使用,可以用facebook acoount或者Email註冊,之後就可以出post發問或者推介旅遊資訊俾其他人喇!   LocoBee 4大必用功能:   1. 掌握最新在地人推介、好玩資訊!
31
Aug 16
02:06
新聞

新市場地下水質測唔切 築地市場延遲搬遷

築地市場原定於11月7日搬遷至位於東京江東區嘅豊洲市場。據日媒報道,基於檢測新市場地下水是否含有害物質嘅水質檢測報告將未能如期於11月7日出爐,以及有店家投訴新市場店舖之間相隔嘅空間狹窄,因此東京都知事小池女士確定將會延遲搬遷日期以作出改善。另外,新市場使用嘅建設費用由當初預計嘅4300億日元狂升至5800億日元,令人質問龐大嘅工程費用係咪真係獲得東京都民嘅理解及同意。   建於1935年嘅築地市場早在30年前已經出現老化跡象。因實在改建工程困難,當局15年前已經調整港灣及物流建設,決定將市場搬至豊洲。可惜,豊洲市場嘅原址係瓦斯工廠,自2001年起逐漸檢測出土地有高濃度有害物質,環境狀況令人憂心。東京都政府承諾進行除去有害物質嘅土壤優化工程,並於前年確認土地安全性。   豊洲市場原定10月21日舉行開幕紀念儀式; 築地市場亦原定營業至11月2日,而11月3日至11月7日將會進行大型搬遷工程。雖然官方未正式公佈延遲至幾時,但唯一確定嘅係,因為年尾同新年初屬於魚市場嘅超級繁忙期,所以如果計劃有變都會盡量避開呢段時期。小池女士表示水質調查與將於11月18日至11月29日進行,大家都猜測正式搬遷日期將會推遲至明年1月甚至2月。睇嚟各位去日本嘅朋友都仲可以去多排築地喎!
08
Nov 16
02:32
博客

【日本郵輪假期vol.5】金澤站:兼六園!

上一集郵輪假期介紹完船上嘅設施同節目,又講返船下唔同口岸嘅景點先,今次我地就去咗金澤!   今日嘅天氣好好,我地一訓醒就已經嚟到出名古色古香嘅目的地--金澤Kanazawa!一落船就見到金澤嘅吉祥物     好多加賀友禪大使歡迎我地❁´▽`❁     如果你去過京都體驗著和服,應該都會聽過「京友禪」,而「加賀友禪」,其實都係金澤一種和服上嘅染色技術。「加賀友禪」傳統歷史悠久,想完成一匹華麗細膩嘅友禪絲料,要經過畫圖、上糊、上色、蒸製、洗糊等繁複過程先可以完成,難怪會被指定為國家高級工藝品。當然,除咗和服之外,其實都仲有好多加賀友禪嘅相關製品,例如手巾、絲巾等...不過我地今日嘅主題並唔係「加賀友禪」,而係要親親大自然,出發去【兼六園】!     兼六園位於金澤市中心,是日本三大名園之一。之所以叫兼六園,全因佢備齊「六勝」,即六種景觀元素(宏大、幽邃、人力、蒼古、水泉、遠景),而且春夏秋冬各有特色。
12
Dec 16
19:47
博客

【九州之行vol.5】:「全世界最正」的冰咖啡!

九州的大分巿不是什麼旅遊景點,一般遊客會坐觀光列車「由布之森」到溫泉勝地由布巿玩半天,然後繞過大分,直接到別府的地獄溫泉。我們停留大分數天,主要是探訪相識十多年的老友。   大分人口有五十萬,但我們每次日間出街,都總覺這城市冷冷清清,就連巿內的商店街、府內城跡人流也不多。我們卻因為這個平靜,可以漫無無目在巿內遊蕩,因而愛上大分。   晚間的大分比較熱鬧,受歡迎的居酒屋和串燒店都要提前訂座。大分盛產的魚有竹筴魚、青花魚、鯛魚等,適合魚生和壽司兩食,配上柴蘇葉和大分柑橘汁,味道獨特。 飯後我們會蒲一蒲爵士吧或咖啡室,問問文青老友,哪間咖啡室有個性,咖啡又好。她說在巿政圖書館旁有間Bandiro (ばんぢろ)咖啡室,煮出「全世界最正」的冰咖啡。我開玩笑問她的世界有多大?其實老友跟我們都是經常周遊列國的旅人,當我們認真地說「全世界最正」的時候,總有一點份量和說服力。   Bandiro 咖啡室非常隱蔽,雖是地舖,但門口不在大馬路。在巿政圖書館後巷找到「ばんぢろ」的細小招牌後,沿著指示,走進像住家前園般的小路,才看到咖啡室正門。  
24
Dec 16
10:31
新聞

【遊日注意】半世紀最強暴風雪襲北海道 近三千遊客滯留機場

由前日(22日)起,北海道已經落起大雪,札幌於23日下午4點嘅時候已經錄得91厘米嘅積雪,亦都係自1966年以嚟時隔50年再次喺12月錄得超過90厘米嘅積雪記錄。   日本網民 (Twitter @Hek_GG) 上傳超誇張札幌積雪圖片:   圖片來源:Twitter @Daishi_Ke   呢兩日新千歲機場已經取消咗268班航班,創下歷來最多旅客滯留機場嘅紀錄(影響近3000多人)。呢個周末係日本嘅連假,交通情況混亂打斷唔少人士嘅出遊計劃。就連JR北海道都有約64班列車、近2150人受到影響。   受低氣壓影響,北海道多個地區出現大風大雪嘅情況。路面已經因誇張嘅雪量變得非常狹窄。另外,道南嘅函館等地區就落大雨。根據天氣預測,呢兩日大風大雪嘅情況呢兩日開始會稍為好轉。   再次呼籲大家,如果冇喺雪地開車嘅經驗就唔好係落雪嘅時候開車喇!(或者可以參考下車長寫嘅呢篇雪地開車需知文)另外行程上面都要小心安排,交通時間可能會俾平時需要更多嘅時間,亦都要向航空公司確認航班及機位問題!   資料來源:
18
Oct 16
03:12
博客

【日本郵輪假期vol.4】體驗郵輪意國風情!

  上集講到去完舞鶴尋找天橋立,今次又再講返郵輪有咩玩先!   溫馨提示:上船之前要做好節食準備,因為上得條船,預咗會肥10磅!皆因船上總共有4間免費餐廳,分別係5樓嘅Fantasia Restaurant同埋Sinfonia Restaurant﹑11樓嘅Bolero Buffet Restaurant同埋12樓嘅La Tavernetta Pizzeria喺唔同時間開放,確保我哋24小時都有野食,再也不知何謂餓。     早餐通常會喺11樓嘅Bolero Buffet Restaurant食,任你食到飽。     老老豆豆,質素相當唔錯,搞到我成日一開波就食勁飽。     晚餐就係「Fantasia」食,毎位乘客都會被分配到指定嘅位同時間用餐,咁就唔怕去到會無位坐。Menu每日都唔同,每款前菜、湯、salad、主菜﹑甜品都有幾款選擇比你揀,好適合同人share,重點係唔夠食的話仲可以嗌多幾份,唔會額外收費!  
11
Nov 16
20:46
博客

【初心者東京自遊行秘笈】LikeJapan4日3夜建議行程(DAY 2)

【初心者東京自遊行秘笈】LikeJapan4日3夜建議行程(DAY 2) 想睇返第1日行程的話,可以去呢度   第2日嘅推介行程當然係遊東京必去嘅以迪士尼樂園! 不過有啲團友可能對機動遊戲嘅興趣不大,而純粹想入去行個圈感,睇下巡遊感受氣氛嘅,咁就可以考慮日頭去台場,夜晚去迪士尼嘅組合。   Plan A~全日喪玩迪士尼樂園!~ 品川➡︎東京廸士尼樂園➡︎品川(回程)   前往廸士尼樂園,可以跟循以下路線 (310日圚/車程約26分鐘): 1 於JR品川站乘坐東海道本線/山手線/京濱東北線(東京方向)前往東京站 2 於東京站轉往京葉線月台乘坐紅色京葉線火車,於舞濱站(舞浜駅)落車,出南口,左邊就會見到廸士尼售票處。 接駁廸士尼樂園、廸士尼海洋世界之交通 舞濱站右邊就有前往樂園嘅轉車站「渡假區總站」(リゾートゲートウェイ・ステーション駅)
23
Apr 17
10:11
博客

在懷舊洋菓子Cafe BonBon食名古屋風早餐~

嚟名古屋好多人都會話必試名古屋風早餐=紅豆toast!不過10個人有11個都係叫你去食名古屋某連鎖cafe,我就決定試下當地人推薦嘅極懷舊、電影味濃厚,有接近70年歷史嘅Cafe BonBon! 從榮嘅綠洲Oasis附近行過黎都要差唔多10-15分鐘。唔算近,但沿途經過嘅街景唔錯,會見到日本嘅學校同埋附近有個公園! 見到屋頂個大招牌就知道你行到喇!見到佢嘅外面有啲似香港啲懷舊西餐廳(皇X餅店個種)。 Cafe出面其實係西餅店,有好多好靚同精緻嘅西餅,喺cafe入面都可以叫嘅~不過今日我哋就嚟試佢個早餐啦! 我哋到嘅時候已經完咗個早餐時段,所以就散叫紅豆toast(360Yen)同埋一杯春季限定櫻花Tea Latte(400Yen)~ 櫻花Tea Latte嘅櫻花味唔會話好重,輕輕一陣花味,連有茶味嘅Latte一齊送入口,簡直係幸福嘅感覺!
08
Nov 16
00:43
博客

【初心者東京自遊行秘笈】LikeJapan4日3夜建議行程「機場、市內交通、住宿及第1日行程篇」

【初心者東京自遊行秘笈】LikeJapan4日3夜建議行程     「機場篇」   喺開始行程之前,大家要先對東京機場有簡單概念,所以就等車長簡單講吓我地最常用到嘅兩個機場「羽田機場」同「成田機場」先啦。   羽田機場: 羽田機場由3個機場大樓組成,以前主力飛日本國内線,2014年起開始開放畀國際線航班停泊升降。 國際線航班只會使用國際線機場大樓,   而機場第1及第2大樓則屬國内線専用,目前由香港飛羽田嘅航空公司有快運、全日空、國泰、日航同港龍,每日有超過6班航班前往羽田。要留意係羽田機場正式名稱係叫「東京国際空港」,英文係叫「Tokyo International Airport」,機場代碼為「HND」。     成田機場: 成田機場正式名稱為