自學日語
24
Mar 16
00:47
博客

[日語掃盲]唔識唔得!針對日語說話及寫作能力既「自救」方法

相信有考過JLPT(日本語能力試験)既讀者都知道考試內容大致分為「言語知識」,「讀解」同「聽解」;而當中「言語知識」又會再細分為文字、語彙、文法。換言之,寫作以及說話能力既部分係未能夠被考核,而唔少考生正正就係忽視左呢兩個方面,又或者坊間既書藉又比較少涉獵唔會被考核既呢兩部分,間接導致左唔少既考生既寫作及說話能力比較低弱既問題。   筆者上一篇文章就講述有關五十音、發音以及生字既溫習心得,而今日呢一篇就係會針對以上提及到既寫作以及說話能力部分。   寫作: 閱讀日文文章可能難唔到大家,但當要大家自己執筆寫一篇文章既時侯就好難講啦。筆者以前學日文都經常忽視寫作能力,以為寫作能力比較少派得上用埸,但原來當時既我太年輕了!如果係網上同日本人交流,又或者男士們想上網結識既日本妹的話,就需要睇下大家識唔識將學識既日文還原返做自己既文字;而有時上日本網站買野既時侯,有野想詢問既時侯亦都好講求大家既寫作能力!   有語言學家會將大家學過既字彙分為兩大種:被動字彙同主動字彙。前者主要係講緊一啲大家只係能夠聽得出又或者睇得明白既字詞
03
Mar 16
22:46
博客

[自學日文(2)]五十音/助詞仲係記唔入腦?日劇動畫幫到你!(附各種自學資源)

距離上一篇自學日文既文章已經時隔一個星期,各位讀者有無踏出第一步,用筆者介紹既方法學習五十音呢?   好!相信答案係無既~身為過來人既筆者都明白學習新語言既開頭總係困難無比。不過其實對於香港人黎講,學習日文其實好簡單架咋!點解?   對於香港人黎講,平時最常接觸既相信就係中文同英文啦!其實大家睇得既日常英語既話,你只要識讀片假名,就已經識睇大部分由片假名所組成既生字!因為大部分既只要讀到出聲,自己就好自然對應得返係邊隻英文,例如トイレ只要識讀TOIRE就會對應得返係解toilet(而事實上筆者亦都無乜點花過時間去溫由平假名組成既外來語XD)   而睇緊呢一篇由密麻麻既漢字打成既文章既你其實已經贏在起跑線上!因為我地已經克服左一大堆唔單止連母語為英文既人,什至連日本人都會怕怕既漢字!唔信?一齊黎睇下外國人對漢字既感想啦~(雖然呢個有啲誇張…)     識漢字對學日文仲有咩好處?緊係有啦!如果大家有睇上一篇文章所介紹既影片,都發覺五十音唔使真係「死背」架,事實上好多假名都可以借漢字黎幫助自己記憶!而家就將呢兩張圖影印出黎時不時望下佢啦~  
25
Feb 16
19:26
博客

想自學日文?懶人教你安在家中用日劇動畫學日文!

喜愛去日本旅遊,睇日劇又或者動畫的你沒有曾經諗過學日文呢? 作為一個日本文化愛好者,試想一下去日本不使靠Google翻譯就可以跟當地人交流,看日劇/動畫不用分心看字幕,還有能力留意最新的日本娛樂新聞,你說多好呢!   相信大家都試過下定決心,打算學好日文!可惜事與願違,在學習日文的路途上總是諸多阻滯…也可能會因為坊間日語學校學費而卻步;而各位社會人又可能總是抽不到時間學日文。     You are not alone!四年前筆者跟大家原全一模一樣,最後選擇左以自學的形式學習日文,到左今日雖然不可以自稱一位達人,但都總算有能力去到日本順利同當地人溝通,又或者可以「食生肉」,玩遊戲亦不用等中文翻譯版…   今篇開始,筆者就會以個人經驗同各位分享返自己點樣由零開始學日文!還是用睇日劇動畫的方式輕輕鬆鬆令自己不知不覺間進步!     傳說中學習日文的難關有三大個,而其中一個就是初學者學習文必定會遇到的「五十音」!有接觸過日文的相信都對佢不會陌生。雖說萬事起頭難,但是背五十音其實又無大家想像中咁困難的…筆者當年用死記硬背的方法,用左大約一個星期就背好;但而家自學日文資源咁豐富,筆者都在此分享幾個個人推介的網站等大家在「五十音」的學習能夠事半功倍啦!