膽量挑機
24
Aug 16
01:47
新聞

【膽量挑機】日本十大恐怖電影

每逢農曆七月,就特別鍾意睇鬼片,應下節嘛! 唔知日本十大恐怖電影,你又睇過晒未呢? 我就搵咗預告片同大家重溫,不過有啲片太舊,只係搵到成套!!! 唔講咁多,去片!!!!!   第1位 《午夜凶鈴》 1998年 主演:松嶋菜菜子、真田廣之 由於太恐怖,怕嚇親大家,畀個搞笑版本大家睇~   第2位 《咒怨》 2003年 主演:奥菜惠   第3位 《黑暗之家》  1999年 主演:内野聖陽、大竹忍 預告片就搵唔到喇,但畀我搵到成套……   第4位 《鬼水凶靈》 2002年 主演:黒木瞳  
17
Jun 16
20:02
博客

膽量挑機23之日本恐怖殺人電郵

又到咗星期六晚嘅膽量挑機時間。   今晚唔講鬼故,講個日本都市傳說俾大家聽。   即使Whatsapp同Line再普及,但仍然會有用email嘅時侯。 垃圾電郵,相信大家都收唔少。 但係,如果你收到以下呢個電郵,你會點做呢?     「因為一次交通意外,我無咗對腳。 我本身就好少朋友,真係好少。 りんちゃん(Rin-chan)係我嘅好朋友,但佢係我休養期間, 同第二個人做咗好朋友,之後仲同我鍾意嘅男仔拍拖。 我唔會原諒佢! 我唔會原諒佢! 我唔會原諒佢! 我憎死りんちゃん(Rin-chan)!我要殺死佢!!! 不過,無可能……因為我無腳行路……   我好想要對腳! 如果喺10個鐘頭內,無轉發俾20個人嘅話,我就斬咗你對腳落嚟! 所以,你明白點做未? 我相信你,你會做我嘅朋友㗎嘛?你會幫我㗎嘛?   如果無轉發俾10個人嘅話,搭正夜晚12點,我就會嚟斬你對腳! 當我出現喺你面前時,唔洗驚呀! 我知道你而家驚到眼濕濕想喊㗎! 邊個阻止我,我就殺邊個!!! 殺死你! 殺死你! 殺死你!     曾經有人回覆我,要阻止我,結
03
Jun 16
22:49
博客

膽量挑機21之多摩湖陰魂不散池塘

又到咗星期六晚嘅膽量挑機時間喇~   上次我貼咗我一個人去吉祥寺猛鬼公園靈探嘅相,有網友話發現張相有d嘢。     初時,我以為網友整蠱我,想嚇吓我。 但網友好認真話張相,我個頭同手指之間,見到嘢!!! 咁我就再仔細咁睇張相,當堂嚇咗一跳!等我圈俾大家睇睇!!!     大家見唔見到呀?係個細路仔嘅樣! 見到係齊蔭嘅細路仔,兩隻眼望住我,面向我嘅方向,之後掹大個口。 我諗起咒怨入面個俊雄!!你睇吓!!     放咗俊雄張相係隔離,而家係咪好清楚見到個男仔樣呀? 我喺上一篇膽量挑機都講「我一直都不自覺咁望向湖中間,硬係感覺有人望住我咁,想我望過去咁。於是,我就即刻影返張自拍!睇吓影唔影到咩嘢~」 我而家終於明白點解喇!嘛…明明傳聞話呢到係見到無頭嘅女鬼,但點解而家……=.="   睇嚟我呢一次嘅一人靈探成功咗! 喇!張相我真係無做過任何改圖執相!美圖秀秀都無呀!張相係100%堅過石堅!   呢單嘢,我同咗LikeJapan車神講,之後車神就同我講咗個關於池塘
28
May 16
19:19
博客

膽量挑機20之吉祥寺冤魂搵替身公園

又到咗星期六晚嘅膽量挑機時間喇! 前幾日因為做嘢關係,去咗吉祥寺。     講到吉祥寺,不得不提井之頭恩賜公園,有個大大嘅湖俾大家坐船仔玩吓遊船河,又有個動物園可以睇吓動物,仲有個龍貓美術館感受吓藝術氣息。 我真係好鍾意一個人行公園,貪空氣夠清新,又可以靜靜地一個人諗吓嘢。 平時都係日頭去行公園,但由於當日做完嘢已經入黑喇,就諗唔知井之頭公園有無靈異事件發生過呢? 上網一睇,嘩!原來都幾猛㗎喎!   喺1994年,清潔工人於公園內發現屍體,但係只得零碎肢體。 警察喺公園內進行搜索,於多處地方搵到其餘嘅肢體部分。 但係直至而家,仍然未搵得返屍體嘅頭部…… 之後,公園就經常傳出鬧鬼事件……   當時,我心諗,不如一條友仔行入公園靈探啦! 於是,我就即刻GOGOGO!   公園嘅入口位,要行樓梯落去,由燈火明亮又人氣旺盛嘅街道瞬間變成昏暗陰森又人煙單薄嘅公園,反差極大。 一落到公園,右手邊就有條小路,但係極之陰森,望落就好似電影入面,行入去就去咗異空間咁。     無視呢條小路,繼續一路直行,就會見到公園嘅告示牌。  
13
May 16
01:30
博客

膽量挑機18之預告死亡嘅水井

又到咗星期六晚嘅膽量挑機時間喇!   哈哈哈!我個鬼樣嚇死你未?XDDD   上星期就去咗原宿附近嘅千駄ヶ谷トンネル到靈探!唔恐怖~~~ 雖然有好多人係到嚇我,留言叫我望向後面,又話見到我身後有白影甚麼的!!!   你地真係好鬼衰,成日嚇鬼我!我唔驚lo!!! 大不了死!死咪死!死咗返嚟搵你地之嘛!!!   不過,都好多謝有巴打絲打留言俾我,叫我小心d~ 其實,當我第一次行隧道時,我無太大強烈感覺,可能因為當時行緊嘅路上,有露宿者係到,陽氣旺盛。   你睇!我地個時笑住咁唱歌,就知完全唔驚啦!   但係,當我第二次行,我行另一邊,無露宿者,氣氛有所不同。 我抬頭望隧道頂部時,見到有不少樹藤由上面墓地伸延到隧道天花,再有一條又一條嘅絲吊落嚟。     當夜風吹過時,d絲隨風搖擺,多一份陰森感覺。   然後,係我行出隧道無耐,我見到大家留言叫我回頭望,咁
07
May 16
23:12
博客

膽量挑機17之怨魂不散公園

又到咗星期六晚嘅膽量挑機時間。   相信有唔少人都鍾意去行公園,享受果一份寧靜、安逸。 但係又有無人知道,一入黑,公園就係另一個世界呢? 愈安全嘅地方就愈危險!   今晚,就同大家講有關公園撞鬼嘅事件。 當然,主角並唔係我,而係4個日本高中生…… 撞鬼嘅公園就係……   夏の雲公園   呢個公園,曾經係好受歡迎好多人去玩嘅地方。 但係有一年,一個5歲男仔為咗要執返自己嘅膠波而衝出馬路俾車車死。 自此,呢個公園就開始傳出鬼故,變得愈嚟愈少人去玩。     話說,係幾年前,有4個高中生去呢個公園到靈探。 佢地分成兩組,A君同B君一組,C君同D君一組。 咁A君同B君就覺得有d口渴,就一齊行開咗,去便利店買嘢飲。 得返C君同D君喺公園到等,由於已經夜深,唔好話公園,就連附近,人影都無隻! 咁C君就開始淆底,同D君講︰「好靜呀,不如我地講吓嘢吖,好驚呀!」 就係呢個時侯,突然聽到一把細路仔聲︰「我個波飛咗出去呀!」 C君同D君都嚇咗一跳,你眼望我眼。 C君︰「你聽唔聽到呀?」 D君︰「聽到呀!」 之後,又再傳出果
01
May 16
05:21
博客

膽量挑機16之澀谷猛鬼隧道

又到咗星期六晚嘅膽量挑機時間喇~   今晚講嘅地方係澀谷! 可能你第一個反應係「唔L係啩!?澀谷都猛鬼!?」 哈哈哈,我唔係專登想嚇你㗎!只係想你知道咩地方猛鬼,你驚既話就可以避開唔去果d地方~ 之前已經講咗大阪、池袋、新宿等等…… 開始換季,又係時候去日本買夏天衫,由其是去澀谷109到「濕平」! 好多時都鍾意周圍行,但原來以下呢個地方好猛鬼…唔可以亂去㗎……   千駄ヶ谷トンネル(せんだがやトンネル)     由「国立競技場」向南行去「外苑西通り」,左邊會見到「明治公園」,喺「仙寿院」位置向右轉就到呢個猛鬼隧道。     話說,唔少人喺深夜時份揸車,喺出入口頂部位置,會見到長髮女鬼倒吊咁望住你。 唔知點解,我聽到嘅第一反應係「點解又係長髮女鬼!?d男鬼去哂邊?」 同埋,我又諗,揸車d人見到前面有鬼,點解仲可以揸車入去!? 俾著係你,你都應該停車,即刻調頭走啦!係咪!?     又有人話試過揸車瞌眼訓,突然聽到敲窗聲,本能反應望過去,原來係長髮女鬼
24
Apr 16
03:35
博客

膽量挑機15之去日本靈探做足準備

又到咗星期六晚嘅膽量挑機時間喇! 嚟緊下個月呢,我又去日本喇! 我在此宣佈,我!將!會!再!次!去!靈!探!   上次去池袋猛鬼酒店,完全無心理準備=0= 所以,今次我就搵咗好多資料,做足準備!!!   1‧保命聖經     首先,向大家推介一本被日本人稱為「保命聖經」嘅靈探手冊《命を守るバイブル》! 未去過靈探嘅朋友,可以睇呢本書了解一吓先。 書入面都有再三提大家,如果只係得一半興趣或玩玩吓咁去靈探就放棄吧啦! 因為真係好易出事㗎!真係要三思而後行!後果自負! 另外,大家可以考慮吓去書入面推介嘅靈探熱點。 但係,書無提嘅地方就勸大家唔好去喇! 因為果d地方多數都係偏僻地方,有機會有熊出沒,亦有可能有不法分子進行非法活動等等。 所以,去靈探之前,一定要了解清楚目的地嘅背景資料。   2‧地圖     決定好靈探地點,就要查清楚附近交通!點解呢? 因為好可能你係靈探途中唔知發生咩事,係咁跑跑跑逃走。 所以,一定要查清楚唔
14
Apr 16
19:21
博客

膽量挑機14之猛鬼尾班車

又到咗星期六晚嘅膽量挑機時間!   上星期同大家講山手線月台撞鬼事件,有巴打留言話親眼目擊過有人跳軌自殺! 真係不得不佩服果位巴打夠膽講返出嚟!   有時候,玩夜咗,無論幾迫都要迫上架電車,趕尾班車返屋企。 真係迫到阿媽都唔認得! 但係,又點會諗到,咁多人,咁重陽氣,都會撞鬼呢?   今晚我就同大家講喺電車撞鬼嘅靈異事件~     話說7年前……   有個日本男仔佢開OT開到好夜,唔知算係好彩定唔好彩,俾佢趕到山手線尾班車。 當時,車廂已經好多人,佢只好企喺座位前,希望有人落車時,佢可以有位坐。 坐係佢前面嘅喺一個年約30歲嘅媽媽,手抱住個BB,而隔離仲有個5歲左右嘅細路女。   電車由品川開始行,經過五反田、目黑、惠比壽…… 期間,個媽媽一直同懷中嘅BB係到玩。 細路女望望個媽媽,再同個BB對望咗一陣,之後BB就開始喊。 細路女好細聲咁講 「做咩喊呀?」 「係咪肚餓喇?」 媽媽好似聽唔到細路女講野,搖搖個BB,然後又講返同一句「係咪肚餓喇?」 無耐,個BB就無再喊,媽媽又繼續同BB玩。   當電車去到澀谷站時,上落車嘅人都好多。 個男仔見到有空位,即刻坐落去,當覺得
14
Apr 16
00:15
新聞

安已不!日本十大恐怖寫真!

喇!講明!驚就唔好睇喇!後果自負!   決定好啦嘛!?唔後悔吖嘛!?   好!即刻睇!最近由日本網民選出嘅日本十大恐怖寫真!       第10位!       第9位!       第8位!       第7位!       第6位!       第5位!       第4位!       第3位!