結婚
02
Sep 17
01:51
新聞

武井咲與EXILE主唱TAKAHIRO今日入籍結婚!

9月1日-6:12PM更新 雙方事務所已經證實消息喇!武井咲同TAKAHIRO今日入籍,而武井咲依家已經懷孕3個月,預產期為下年春天!暫時都未定會唔會舉行婚禮或擺酒,亦未有開記者會嘅打算。 --------------------------- 根據日本娛樂雜誌《週刊女性PRIME》報導,今日(9月1日)人氣女演員武井咲(23歲)已經與EXILE俊男主唱TAKAHIRO(32歲)於東京都入籍結婚。 2人首次合作是2014年拍攝日劇《戰力外搜查官》(港譯:咪阻住Madam),而於翌年拍攝的SP時候兩人感情直線上升,開始傳出緋聞。兩人首次被目擊約會是於2015年4月八卦雜誌拍攝到TAKAHIRO進出武井的公寓。不過當時雙方事務所均否認戀情。去年武井咲生日,被發現左手無名指帶上戒指,雙方粉絲均推測是TAKAHIRO所贈的訂情戒指。 據日媒報導,有藝能界知情人士聲稱武井已經懷孕,並將於明年春天成為準媽媽。二人的前輩、EXILE的大哥HIRO與上戶彩亦有為二人送上祝福。 雖然二人未發表聲明,不過日本已經傳到真有其事!如果係真嘅就真係恭喜曬啦!! 資料來源:《週刊女性PRIME》
26
Jul 17
02:08
新聞

日本婚禮 教堂係佈景 神父係COSPLAY!?

步入教堂,向神父或者牧師發誓兩夫妻要永遠相愛,喺香港可謂非常普遍嘅婚禮,換著喺日本,由教堂到神職人員竟然有可能都是假的? 島田裕巳4月推出嘅新書 日本嘅宗教學者島田裕巳,最近就接受Business Journal訪問時,就指出原來好多時候主持儀式嗰位「外國朋友」,並實唔係真正嘅神父或者牧師! 「由於喺日本,結婚場地往往都係商業經營,舉辦單位由於唔係正式教會,所以一般係提供唔到真正嘅神父或者牧師等嘅神職人員主持婚禮。當然有部分場地係會透過『新娘宣教團(ブライダル宣教団,日本嘅牧師、詩班派遣團體)』向教會尋求派遣『真貨』嘅神職人員,不過由於佢哋多數都係因年齡而已經退役嘅牧師,所以人數一般較少。因此大部分主持儀式嘅,都只不過係由場地方請返嚟『cosplay』神父嘅外國人而已。」 當然,由於日本有好一部分人係「無宗教人士」,追求嘅只係氣氛,對於主持婚禮嘅嗰位仁兄係咪神職人員,或者係咪「教會」根據「教會法」認可可主持婚禮嘅教徒其實就唔係咁介意嘅。不過如果睇緊呢篇文章嘅你預備會喺日本搞婚禮,而又好執著呢樣野嘅話,記得一開始就同婚禮公司講清楚喎!資料來源:http://biz-journal.jp (日本の結婚式にいる神父は「本物」なのか? 知られざる日本の結婚事情)
21
Jun 17
02:20
博客

重溫那些 阿部寬 演過的經典角色

今日(6月22日)係型格大叔男演員阿部寬53歲生日。畢業於日本中央大學工程學部,一副混血兒樣貌但其實係純日本人嘅阿部寬大學一年級時參加咗雜誌選拔獲得優勝,開始模特兒及藝能生活。 近年一直蟬聯最受歡迎男演員榜首嘅佢唔單止喺日本高人氣,積極發展海外拍攝機會嘅佢亦亦曾拍過台灣電視劇及香港電影。一齊回顧下佢拍過嘅經典角色啦!   2000年7月期《圈套》飾演 上田次郎 系列共有三部電視劇、兩集特別篇及四部電影。講述仲間由紀惠飾演嘅女魔術師同阿部寬飾演嘅物理學教授一齊揭開江湖騙術嘅故事。係一套造成高收視嘅深夜劇,亦被視為令阿部寬開始大熱嘅作品。   同年拍攝香港電影《東京攻略》飾演 伊藤組長 2005年7月《龍櫻》飾演 櫻木建二 改編自著名漫畫,講述暴走律師幫助一班被認為無得救嘅高中生順利考入東京大學嘅熱血感人故事。劇中阿部寬有不少金句,直至今時今日仍然發人深省。   2006年7月《不能結婚的男人》飾演 桑野信介
07
May 17
23:16
新聞

FB網友變跨國戀人再結婚 日台超人氣愛情故事搬上大銀幕!

相信唔少中意日本、留意好多日本topic嘅LikeJapan嘅讀者都知道呢對主人翁係邊個!佢哋就係台灣超人氣Facebook「粉絲團」-「雖然媽媽說我不可以嫁去日本」入面嘅茂木夫婦啦~~ 茂木夫婦經營嘅粉絲團(即係我哋香港叫嘅Facebook Page)至今已經有超過35萬Like,而當初就係嚟自台灣嘅女主角茂木太太(薏涵)成立嚟記敘佢同日本人男朋友(而家已經係老公)嘅茂木先生嘅愛情點滴。佢哋嘅關係亦都係從Facebook開始。當年311嘅時候,修讀日文系嘅台灣大學生女主角薏涵於Facebook受到一名陌生日本男子嘅私訊,一句:「Hello,how are you?」,同埋薏涵嘅一句:「Hi. 日本の方ですか?」就將兩人關係打開。 茂木太太喺Facebook Page將佢哋相戀時發生嘅趣事、日台價值觀嘅不同、在日本打工嘅日常、同茂木先生喺日本旅行嘅點滴、幫茂木先生準備便當及晚餐等等非常日常嘅圖片及網誌公開同大家分享,吸引好多憧憬跨國戀愛、或者單純喜歡日本文化、或者想知道事態發展嘅花生友們follow。終於,各位粉絲真係見證住兩人成功Goal in-茂木先生求婚成功、而到而家佢哋仲生埋寶貝女添呀! 小編最有印象就係佢哋喺涉谷街頭、淺草、鎌倉等香港人都中意去嘅旅遊熱點到影咗堆超有型嘅婚紗相~
12
Apr 17
23:41
博客

【譜出完美婚禮進行曲】北海道5大「唯美、浪漫」結婚場地

任何人都會希望有個永生難忘的夢幻婚禮,如果你也即將要踏入人生另一階段,以下位於北海道的5個唯美浪漫結婚場地一定可以為你譜出完美的婚禮進行曲。   1. 由景色到教堂都夢幻都不行!玫瑰花園克萊絲特教堂 「玫瑰花園克萊絲特教堂」是位於北海道藻岩山丘上以巴黎聖母院文藝復興的中古風格為設計概念的教堂,從山下看已覺漂亮,走到山上,未入教堂已被整個札幌市區及石狩平原景色深深迷倒。服務團隊經驗豐富,整個婚禮儀式設計極盡完善,開門進場和開門離場的景色,都靚得令人即刻想結婚! ローズガーデンクライスト教会 網址:https://www.rosegarden-ch.jp/   2. 進入梁靜茹MV場景水教堂星野酒店Tomamu(水教堂,冰教堂) 由大師安藤忠雄設計的水教堂,單是建築本身已是名氣響噹噹,幾乎入住星野渡假村的人都會來朝拜一下。小小教堂藏在森林中,以「與自然為一體」為概念,禮堂和水池間,就是一幅5米乘15米的玻璃幕牆之隔,完全融入景色中。除了舉行婚禮及禮拜外,教堂每晚都會點滿燭光開放給住客參觀。
10
Apr 17
04:57
新聞

【已確認消息】佐佐木希親自承認 即將與渡部建結婚!

又一個女神要榮升人妻啦~前幾日有週刊傳佐佐木希(29歲)同廣告商透露即將與搞笑藝人UNJASH嘅渡部建(44歲)拉埋天窗。 就係啱啱,當事人喺電視節目《行列のできる法律相談所 》直播上確認呢個消息,佐佐木希仲喺IG上傳sweet到爆合照,真係恭喜晒兩位當事人呀!     私、渡部は佐々木希さんと結婚します! 結婚! おめでとうございます㊗️#行列のできる法律相談所 pic.twitter.com/htotjh6rL8 — ばいばいきーん03 (@miu_ray) 2017年4月9日   其實之前佢哋已經被雜誌影到同居,但二人都冇承認或否認戀情,估唔到半年唔夠仲宣佈埋結婚嘅消息。佐佐木希前排先出完頗性感嘅寫真集,唔少粉絲都話可能係封山之作! 佐佐木希仲喺IG向fans道歉,話一直以來都未有機會向大家談及戀愛嘅事,真係非常抱歉。傻豬嚟嘅,見到女神開心,一眾粉絲即使傷心都會含淚祝福嘅TvT  
01
Mar 17
18:33
新聞

堀北真希正式宣布退出娛樂圈!!

為照顧心愛家庭 當全職媽媽
突發! 人氣氣質派女演員堀北真希(28歲)於2月28日正式從藝能界引退。3月1日佢同個所屬事務所向粉絲及工作上嘅相關人仕發表親筆撰寫嘅信件致謝。 信中內容提及佢本人想全心全意守護家族,並指佢而家同老公及已出世嘅孩子過得非常幸福。40歲嘅老公山本耕史亦尊重佢嘅決定。 以下為中譯信件內容: 今次,我已經下定決心要從從事至今嘅工作中抽離。 現在嘅我已經身為人母,每日都幸福地同最愛嘅家人生活。 我想全心全意地去守護呢份溫暖、無可替代嘅幸福。 同丈夫商量之後,佢都尊重我嘅心情。 自此起我哋兩個會合力繼續建築一個充滿愛嘅家庭。 一直支持我嘅各位粉絲、 曾經工作上關照過我嘅相關人仕, 呢14年嚟真係好美好,真係非常感謝你哋。 2017年2月28日 堀北真希 ---------------------------- 堀北真希於2003年成功從甄選中突圍而出,獲得演出電影《COSMIC RESCUE》並出道嘅機會。2005年主演超人氣日劇《野豬大改造》、2007年主演《花樣少年少女》,於帥氣男星飾演偶像劇亦毫不失色,演技受到好評。2015年8月與曾經瘋狂追求佢嘅山本耕史閃電結婚,2016年12月產子。 雖然會掛住佢,不過真心替女神感到欣慰,
29
Nov 16
17:40
新聞

V6 長野博宣布結婚!

今日將出演日本電視台嘅現場直播節目「BEST ARTIST 2016」嘅V6成員長野博今日於V6嘅Fan Club會報上宣布將會結婚,但就未公佈女方身份,相信係想第一時間先傳達消息俾粉絲。   長野博係繼V6嘅井之原快彥(40歲)第二位V6嘅(準)已婚人士。井之原快彥於2007年與女演員瀨戶朝香結婚。另外,舊年9月嘅時候TOKIO嘅國分太一亦都公佈咗同一般嘅女性結咗婚。   有唔少網民就猜測對手可能係白石美帆。另外相信今晚長野博可能會藉著現場直播節目上公佈更多內情。   資料來源:Yahoo.jp  
09
Aug 16
01:15
博客

榮倉奈奈與賀來賢人宣布結婚!

生得又高又可愛,今年28歲嘅榮倉奈奈尋日已經入籍結婚喇!對象為曾經一同拍攝2014年嘅嫌疑日劇《為了N》嘅賀來賢人!   頭先佢哋已經通過經理人公司公佈喜訊,賀來仲話拍咗一年多之後覺得同Nana嘅話可以過到好快樂嘅人生添喎! Nana就話覺得好幸福,因為從今起可以同老公一齊同甘共苦,真係好sweet呢~     事務所就話Nana未有身孕,嚟緊都會繼續演藝事業。期待見到榮升人妻Nana嘅新戲呢! 不過我對佢最深刻嘅印象都係《求婚大作戰》嘅時候!你哋呢?  
04
Aug 16
22:05
新聞

恭喜晒!妻夫木聰宣布結婚!

大雄...啊唔係,今年35歲嘅日本人氣演員妻夫木聰今日宣布同31歲混血女演員マイコ(Maiko)結婚喇!兩位係4年前嘅夏天拍攝日劇《東野圭吾推理劇場--全都是謎》之後開始拍拖。     其實兩位拍拖都唔係新鮮料,有雜誌更加傳舊年妻夫木聰向上門按摩師要求性按摩服務嘅醜聞,懷疑因此令到兩人關係緊張結唔成婚。亦有傳美國西雅圖出世嘅Maiko係名門望族,而佢媽媽認為妻夫木聰無學歷、收入亦唔穩定所以反對兩人嘅婚事。不過今日宣布兩人嘅喜訊實在可喜可賀呢!     兩位仲親自寫通知信俾傳媒公佈婚事,真係好有愛啊~