紅磚倉庫
04
Aug 16
19:55
博客

中西合璧的多元市鎮橫濱:吃喝玩樂一整天

橫濱市係神奈川縣最大嘅市區,人口數係全日本僅次東京都!佢有個好特別嘅地方就係地區糅合左唔同國家嘅文化,除左最常見嘅日式建築同神社,佢仲有唔少異人館同埋中華街等等中西文化。什至有經常遊日嘅朋友都話:無去過橫濱點算去過日本呀﹖所以今日筆者就決定一探下呢個市區有咩特別既吸引之處!   去橫濱比較抵嘅交通方法係由澀谷買一日東急橫濱pass,只需要860yen就可以包曬橫濱區內鐵路任搭同埋由澀谷到橫濱嘅一次來回。如果大家有信心想行萬里路的話都可以唔買pass,直接買來回程。不過橫濱其實都幾大下嫁,好似好出名嘅紅磚倉庫同中華街都有成2公里遠,如果唔係好好腳力就建議大家唔好同自己過唔去啦~   要講橫濱近年最受歡迎嘅景點就一定要數到杯麵博物館啦。雖然大阪一早都有一間﹐但東京區係2011年先開幕既〜由細食出前一丁食到大嘅筆者決定點都要去朝聖下!橫濱嘅杯麵博物館同大阪唔同,係需要收入場費。不過都係500yen啫,以咩都鍾意收入場費嘅日本尼講算係好經濟。   一去到裡面當然唔少得山咁多嘅杯麵陳列品啦﹐入口側邊就係一間放左日清咁多年唔同產品嘅房間,但由細到大只係知道合味道同埋出前一丁係日清嘅,完全諗都無諗過原來中學小食部皇牌營多都係佢嘅!佢國際化嘅程度令筆者不禁即刻萌生敬意…係一堆陳列品嘅最右手邊就有一個小劇場,係講安藤
09
Jun 16
02:06
新聞

橫濱紅磚倉庫 誕生60週年記念MIFFY展

今年真係特別多XX週年展,早幾日先講過SKYTREE有超人50週年展覽開幕,今日又宣佈「誕生60週年記念 MIFFY展」喺橫濱開幕。   雖然係60週年展,但其實MIFFY今年已經61歲啦!「誕生60週年記念 MIFFY展」本來係由2015年4月起喺銀座開始全日本巡迴展覽,而今年7月30日起終於去到橫濱,並且落實喺大家都熟悉嘅紅磚倉庫舉行。   呢個展會展出極珍貴嘅初版MIFFY繪本,7本MIFFY繪本原畫同草稿,仲有MIFFY之父Dick Bruna畫畫嘅影像,超過300件資料展出。好難得先可以將咁珍貴嘅資料由荷蘭運去日本展出。   左邊係初版MIFFY,右邊第二版MIFFY,最唔同嘅地方係對耳仔。   除咗展覽,仲有MIFFY展限定週邊。 袋仔系列   MIFFY扣針   MIFFY毛公仔吊住嘅係入場紀念吊飾   MIFFY立體FIGURE。