築地市場
05
Jan 17
23:03
新聞

【夠畀首期有凸!】築地吞拿「7420萬円」成交!

喺今日日本時間朝早5點,築地初競喺一輪熱烈出價之後已經完滿結束,重達212公斤嘅嘅青森大間產原條吞拿魚由「すしざんまい」以7,420萬日圓投得,兌返港幣,要成490萬!嘩呢個價,真係夠畀層樓首期有凸!(;゚Д゚)エエー   喺零晨4點半左右,築地市場就已經企滿哂業界人市。   場內非常熱內,清晨5點半已經充滿競投叫價嘅聲音。   上年最高成交價係1,400萬日圓,今年足足高出5倍有多,聞說係因為今年好難捕獲,所以個價抬到咁高。   「すしざんまい」已經係連續6年以最高價格投得吞拿魚,今年嘅身價夠畀層樓首期有凸!   資料及圖片來源:www.asahi.com
31
Aug 16
02:06
新聞

新市場地下水質測唔切 築地市場延遲搬遷

築地市場原定於11月7日搬遷至位於東京江東區嘅豊洲市場。據日媒報道,基於檢測新市場地下水是否含有害物質嘅水質檢測報告將未能如期於11月7日出爐,以及有店家投訴新市場店舖之間相隔嘅空間狹窄,因此東京都知事小池女士確定將會延遲搬遷日期以作出改善。另外,新市場使用嘅建設費用由當初預計嘅4300億日元狂升至5800億日元,令人質問龐大嘅工程費用係咪真係獲得東京都民嘅理解及同意。   建於1935年嘅築地市場早在30年前已經出現老化跡象。因實在改建工程困難,當局15年前已經調整港灣及物流建設,決定將市場搬至豊洲。可惜,豊洲市場嘅原址係瓦斯工廠,自2001年起逐漸檢測出土地有高濃度有害物質,環境狀況令人憂心。東京都政府承諾進行除去有害物質嘅土壤優化工程,並於前年確認土地安全性。   豊洲市場原定10月21日舉行開幕紀念儀式; 築地市場亦原定營業至11月2日,而11月3日至11月7日將會進行大型搬遷工程。雖然官方未正式公佈延遲至幾時,但唯一確定嘅係,因為年尾同新年初屬於魚市場嘅超級繁忙期,所以如果計劃有變都會盡量避開呢段時期。小池女士表示水質調查與將於11月18日至11月29日進行,大家都猜測正式搬遷日期將會推遲至明年1月甚至2月。睇嚟各位去日本嘅朋友都仲可以去多排築地喎!
16
Jun 16
00:13
新聞

【尖叫】東京築地市場殺入香港!!!

嘩嘩嘩!東京築地市場殺入香港啦!個個去日本都要去築地市場,為嘅就係品嘗新鮮嘅海鮮,但而家連日本都唔洗去就可以食到啦!因為喺黎緊10月,東京築地市場竟然殺入香港「開分店」,提供由日本新鮮運到嘅海鮮比大家,香港人有福了!   開喺香港嘅築地市場叫做「築地‧山貴水產市場」,預計會喺今年10月,開喺灣仔天星碼頭2樓,佔地一萬一千平方尺,仲可以飽覽維港景色(又幾識揀位喎)!   官網所指距離開幕就只有77日,即係9月2日黎嘅,但安全估係就10月會開到啦,比D寬限佢嘛!   到時「築地‧山貴水產市場」將會提供活體海鮮,即產美食、零售同品味生活嘅一站式體驗,好耶到時又多個地方食好西啦!   不特止,聽講仲會好似東京築地市場咁樣,設有壽司同即捉即烤嘅海鮮專區,等客人有一種真係去到東京食海鮮嘅感覺。真係等唔切啦,可唔可以而家就有?