築地
01
Sep 17
02:12
博客

【獨遊東京住宿懶人包!】東京都內5間「慳住歎」膠囊酒店 !

一個人去玩相對地對住宿較冇特別要求,不過冇要求得嚟又希望休息嘅時間可以有私隱度較高嘅個人空間,所以比起超多人一間房嘅hostel,小編更愛一格格嘅膠囊酒店,舒服又乾淨! 今次為大家介紹位於東京都內地理位置唔錯嘅5間膠囊酒店,環境同氣氛都比想像之中更好,即使唔係獨遊,睇完之後都包你心思思想試住返一兩晚!   1. 豪華迷你艙:FIRST CABIN 築地 去開日本嘅人應該對「FIRST CABIN」一啲都唔陌生,FIRST CABIN喺關東、關西、九州都設有分館,主打頭等機艙概念,著重環境質素,除咗有睡袍、拖鞋、毛巾之外,女性專用房更加會貼心為女住客準備潔面護膚保養品,完全係星級享受!如果你打算一早就去築地食好野,咁就一定係揀築地分館,距離美食集中地都只係10分鐘以內步行距離,幾早都冇有怕!   客室有First Class同Business Class可以選擇,First Class大到似足一間普通酒店嘅迷你單人房,喺房入面開行李箱都絕對冇問題。值得一讚嘅係床下有個帶鎖嘅櫃桶,比較重要嘅野可以放哂入去鎖好。   FIRST CANBIN有唔少驚喜位,好似一入門口,長長嘅走廊就已經設計成長廊酒吧,提供超過50款不同酒類,絕對值得臨訓前過嚟飲返杯,認識新朋友。  
04
Aug 17
01:27
新聞

築地場外市場發生火災

日本時間16:50,位於東京都中央區嘅築地場外市場,1棟3層高嘅建築物起火,直至17:30,火場面積暫時為200平方米左右,有4棟建築物著火,並有繼續蔓延嘅跡象。 現場大約有30架消防車及相關人員參與救火。由於該區遊客數目眾多,加上今日現場附近原定有夏祭活動,新大橋通一帶交通混亂,幸好暫未有傷亡報告。 於日本時間16:50,1棟3層高住宅首先起火。而火場新大橋通面向一面,由於有大量人氣壽司店、拉麵舖及各種鮮魚食材店舖,因而有大量食客。而其中部分店舖需要立刻疏散,幸好冇人受傷。 最終大火於4號凌晨撲熄,築地二町目及四町目有過百戶曾一度停電,大火最終燒毀近1平方公里地區,不過幸好冇人受傷。
24
Jul 17
18:55
博客

東京築地市場「魚がし横丁」 在地人教路必食3選!

擁有悠久歷史嘅築地市場對香港人嚟講一啲都唔陌生,但當你要真正去當地食好野,你又知唔知應該點食法?   今次為大家搜羅日本人逢到必食3選,店舖位於築地市場一角嘅「魚がし横丁 」內,入到店內冇客人的話唔使驚,絕對唔係伏,而係極少遊客知道嘅在地人私藏小店,咩先係地道美食,跟住食實無錯!   1. 天ぷら 和食 天房 「天房」主打天婦羅,識食嘅日本人想食天婦羅的話十居其九都會嚟呢度覓食,貪佢夠新鮮之餘份量亦夠大,朝早整返碗,成個胃都暖哂!店內嘅座位唔多,只有2張order枱同4個counter位,一入到去已經聞到天婦羅同醬油嘅香味,個肚勁打豉!   好典型嘅小店格局,座位唔多,如果唔一早去最少要等30分鐘。   必食嘅一定係呢個又食到吞拿魚又食到招牌天婦羅嘅吞拿魚定食「マグロ定食」(¥1,000),有幾件大大件嘅天婦羅仲有一大碟吞拿魚刺身。   吞拿魚以唔同部位嘅赤身為主,睇得出好新鮮!  
05
Jan 17
23:03
新聞

【夠畀首期有凸!】築地吞拿「7420萬円」成交!

喺今日日本時間朝早5點,築地初競喺一輪熱烈出價之後已經完滿結束,重達212公斤嘅嘅青森大間產原條吞拿魚由「すしざんまい」以7,420萬日圓投得,兌返港幣,要成490萬!嘩呢個價,真係夠畀層樓首期有凸!(;゚Д゚)エエー   喺零晨4點半左右,築地市場就已經企滿哂業界人市。   場內非常熱內,清晨5點半已經充滿競投叫價嘅聲音。   上年最高成交價係1,400萬日圓,今年足足高出5倍有多,聞說係因為今年好難捕獲,所以個價抬到咁高。   「すしざんまい」已經係連續6年以最高價格投得吞拿魚,今年嘅身價夠畀層樓首期有凸!   資料及圖片來源:www.asahi.com
01
Dec 16
00:15
博客

[胃食日本]帶你去新開築地魚河岸食海鮮~

  雖然築地魚市場搬去豊洲嘅計劃仲未完成, 但為咗搬完之後原址可以繼承築地嘅生氣同熱鬧, 2016年11月19日喺東京中央區就開咗全新嘅築地魚河岸~ 入面有各種海產、海鮮店同蔬果店等,大約60間店鋪。 今日就帶大家去入面睇下有咩買有咩食啦!   其實新開嘅築地魚河岸分成兩棟(小田原橋棟同海幸橋棟), 睇大家係邊條街入嚟,其實三樓有個天橋係通嘅。   今日我哋去咗正門小田原橋棟~   1樓係可以俾人買海鮮等等嘅魚市場; 2樓係貨倉,只準有關人士或工作人員進入; 屋頂就有屋頂廣場,間唔中會舉行一啲特別活動。 至於小田原橋棟嘅3樓就會有FOOD COURT(魚河岸食堂)可以俾大家去食嘢㗎~   1樓嘅海鮮例如有: 鮑魚 生蠔
15
Oct 16
03:06
博客

最期待的築地開業了!築地山貴水產市場

  幾時都話香港係一塊福地,唔止無災無難、係購物天堂,同時亦係美食之都。而家就連想食最新鮮嘅築地魚生,都可以隨時食到,唔洗專登飛去日本,皆因「築地‧山貴水產市場」已經正式開幕!     呢到佔地1.1萬平方呎,由日本築地市場最大嘅批發商「山治集團」開辦,係香港第一個水產市場。海產、刺身壽司或海鮮丼已經係定番必食,但除此之外仲有即捕浜燒海鮮區,可以即買即燒,鮮到世界盡頭,仲有龍蝦包等必試特色主食。而場內亦特地參照日本築地市場同其他魚市場嘅設計,以保留築地風味,希望大家嚟到會更有去咗築地嘅感覺。另外,樓上其實仲有個空中花園,為照顧到因太逼而無位食嘅食客,現場設有外賣專區,可以直接買番屋企或帶到碼頭空中花園慢慢歎。     先試試風靡日本嘅龍蝦包同墨魚汁海膽包,墨汁海膽包單是$68嘅售價已經相當值得一試,麵包係採用歐洲入口嘅墨魚汁自家研發製成,需要24小時發酵,海膽更落重料到連中間嘅汁內都夾住厚厚海膽,呢份誠意絕對抵讚。而龍蝦包除咗麵包係自家烘焙外,細微位至包汁亦特地自己研發;主角波士頓龍蝦不但啖啖肉,仲爽口彈牙份量十足,一個女仔怕食唔晒,有原隻或半隻龍蝦($168/$98)可供選擇。  
07
Oct 16
23:31
新聞

【食乜好】去「築地秋祭2016」食好西!

今年嘅「築地秋祭2016」同往年一樣,都會喺10月8日同9日呢兩日進行,集結中央區及築地場外市場多間名店,等你可以一次過食盡不同美食!   留意返,星期六開朝早9點到下午4點,星期日會收早一個鐘。   根據往年嘅經驗,入場人次會多達5萬人,所以去食好西嘅話大家都要做定少少心理準備。   今年嘅主題係「佐酒小食名店大集合」,所以到時場內會搵到好多名店都會提供唔同嘅美味佐酒小食。   除咗佐酒小食,嚟到呢度緊係唔少得勁新鮮好味嘅海鮮丼飯啦!   推介大家去試吓呢間已經有250年歷史嘅「玉ひで」,當中嘅親子丼食譜及烹調方法係由250年前一代一代咁傳落嚟,極之傳統。   而呢間拉麵店「篝」又係每日
05
Oct 16
01:06
博客

【食乜好】東京絕品海膽料理5選!

海膽有一種神秘嘅魔力,每次食完隔無耐硬係又會癮起想去食,去日本嘅時候就更加唔使講,唔食返道海膽料理真係會覺得對唔住自己!不過咁多提供海膽料理嘅店鋪,大家會唔會覺得有啲花多眼亂呢?今次就為大家精選咗以下5道勁吸睛海膽料理,咁下次去東京就知道要去邊度揾食啦~   1. 一次過大啖食5種海膽@うに虎喰     呢間餐廳位於築地,係海膽專門店,意味住佢嘅海膽非常新鮮!如果想一次過試盡幾款唔同嘅日本產海膽,一定要點「国産5種 食べ比べ丼」,5種唔同顏色嘅海膽舖滿整碗飯,基本上除咗少少配菜之外,你就只會淨係見到啲海膽。無錯!啲海膽係遮到一粒飯都見唔到!   うに虎喰 地址:東京都中央区築地4-10-14加藤市場1F 電話:03-6324-4237 營業時間:10:00~22:00 官網:www.itadori.co.jp/   =================================   2. 超濃郁海膽鍋@海栗屋     嚟呢度最主要係為咗呢個海膽鍋,湯汁以海鮮熬製,食得出真係勁鮮味!食嘅時候用一片薄薄嘅魚包住,放入湯底輕輕一灼,放入口中,海膽味道被昇華,濃郁味道瞬間充斥口腔,配合剛熟嘅薄魚片,口感及美味程度非比尋常!  
31
Aug 16
02:06
新聞

新市場地下水質測唔切 築地市場延遲搬遷

築地市場原定於11月7日搬遷至位於東京江東區嘅豊洲市場。據日媒報道,基於檢測新市場地下水是否含有害物質嘅水質檢測報告將未能如期於11月7日出爐,以及有店家投訴新市場店舖之間相隔嘅空間狹窄,因此東京都知事小池女士確定將會延遲搬遷日期以作出改善。另外,新市場使用嘅建設費用由當初預計嘅4300億日元狂升至5800億日元,令人質問龐大嘅工程費用係咪真係獲得東京都民嘅理解及同意。   建於1935年嘅築地市場早在30年前已經出現老化跡象。因實在改建工程困難,當局15年前已經調整港灣及物流建設,決定將市場搬至豊洲。可惜,豊洲市場嘅原址係瓦斯工廠,自2001年起逐漸檢測出土地有高濃度有害物質,環境狀況令人憂心。東京都政府承諾進行除去有害物質嘅土壤優化工程,並於前年確認土地安全性。   豊洲市場原定10月21日舉行開幕紀念儀式; 築地市場亦原定營業至11月2日,而11月3日至11月7日將會進行大型搬遷工程。雖然官方未正式公佈延遲至幾時,但唯一確定嘅係,因為年尾同新年初屬於魚市場嘅超級繁忙期,所以如果計劃有變都會盡量避開呢段時期。小池女士表示水質調查與將於11月18日至11月29日進行,大家都猜測正式搬遷日期將會推遲至明年1月甚至2月。睇嚟各位去日本嘅朋友都仲可以去多排築地喎!
16
Jul 16
01:16
博客

【思人導遊】民以食為天!食盡大半日@築地・月島・汐留

黎到日本,無奶油唔瘋狂食正宗日本野嘅!今次呢個行程一定岩哂為食嘅你、你同你,因為我地全日都係咁瘋狂食食食!至於地方,當然就係有好出名嘅築地啦!築地市場作為世界最大級嘅市場,去親日本都一定要黎食早餐!之後我地仲會去食「文字燒」嘅代表地區月島。就等我地用大半日嘅時間去感受下日本嘅食文化,實行呢個超飽肚行程啦!   首先,交通方面,我地會喺「築地」駅落車。咁去築地就要搭東京Metro,最近嘅話係日比谷線嘅「築地駅」1、2號出口,同埋都営大江戸線嘅「築地市場駅」A1出口,呢兩到都係行幾分鍾就會到,非常近!咁我假設你住新宿,去築地其實都係大概4-5個字到,唔算太遠,車費就200円。記住係搭東京Metro,唔好心急行錯去JR啊!   *休市日可以上「http://www.shijou.metro.tokyo.jp/calendar/2016/」check。   築地   【09:00~09:30】 築地本願寺   又話去築地食早餐嘅?放心,好快就會去食。不過大家睇睇地圖,我地由駅行去築地市場嘅途中會見到呢個「築地本願寺」,所以就好順便咁望兩眼啦!呢個本願寺係京都嘅西本願寺嘅另一個院黎。