章魚燒
27
Jan 17
01:36
博客

【初心者「觀光懶人包」!】 京都嵐山應該點玩?

應該有唔少人同小編一樣已經去過關西N次(冇計,廉航太平......),但有啲地方係就算去幾多次都會想再去,例如嵐山!去嵐山有好幾種方法,唔同方法睇到嘅景都好唔一樣,最慘就係唔同季節會有唔同活動,即使目標唔係竹林,都有大把野影大把野行!   不過為咗仲有好多未去過嵐山嘅朋友仔,今之就同大家簡單介紹吓前往嘅交通方法、有咩季節性重點要睇,同有咩特色店舖一定要行啦!   推薦前往方法:   1. 嵯峨野トロッコ列車     去嵐山有好多種方法,如果係第一次就當然要坐吓嵐山觀光小火車「嵯峨野トロッコ列車」(¥620/人)!要坐呢個小火車,大家首先要坐JR山陰本線去到馬崛站,然後跟住路牌指示行10分鐘倒去「トロッコ亀岡駅」就搭到小火車㗎啦!站內嘅指示都幾清晰,所以唔需要太擔心搵唔到小火車個站。   沿路都會見到前往「トロッコ亀岡駅」嘅指示,跟住指示慢慢行一定去到。   成條路都好大自然feel,小編去嗰日仲撞正有人喺度騎緊馬添!
21
Oct 16
02:23
博客

【大比拼】大阪邊間章魚燒最好食?!

唔知點解去親大阪親朋好友就一定會話要去食章魚燒,不過同一條街有咁多間店,到底應該食邊間呢?有人鍾意食外脆內軟,有人鍾意食內外都軟,有人鐘意食熱辣辣嘅,又有人鍾意食勁多料嘅,唔緊要,今次同大家做個大整合,話俾家大家知邊度有得食呢啲章魚燒!     1. 外脆內軟熱辣辣章魚燒@Abeno Tkoyaki Yamachan     無論未開舖又好,就收舖又好,呢間舖出面一定排滿人。佢地嘅章魚燒燒到個外皮脆卜卜,入而就軟綿綿,好味嘅秘密原來喺個漿粉度!   漿粉唔係淨係用水開出嚟咁簡單,係用自製高湯底加粉開成,個高湯用咗雞殼同十幾種蔬果花咗4個鐘煮而成,所以當你食第一粒你可能會覺得無咩特別,但跟住就會忍唔住食完一粒又一粒,一盒8粒好快就ko哂!   章魚燒一其有4個味道,最受歡迎嘅係「ベスト」同「ヤング」,想一次過試哂4款嘅可以叫「おすすめ4種盛り」,當地男人一次過可以食到2盒,好得人驚!   店員已經不停密密燒,但依然係供不應求,好誇張!  
20
Jun 16
23:29
博客

【大阪美食】關西米芝蓮推介-超好味章魚燒《やまちゃん 本店》

講起大阪美食,相信好多人都會諗起章魚燒,大阪有好多好多章魚燒嘅食店,咁究竟邊一間係最好味呢?以下位於天王寺嘅《やまちゃん 本店》 ,真心推介比你地,真係好好味呀!!!   ▼位於天王寺區域,天王寺站步行8分鐘左右   ▼喺正HOOP商場格離   ▼就係呢一間啦!就咁睇個BANNER寫住"天然流建康食品",唔知點解諗起啲台式飲品店哈哈   ▼認住呢一間本店,無錯佢係有好多分店的,但網上評語都係話本店最好味!   ▼行30秒就有另一間分店啦   ▼我食嘅時候《やまちゃん 本店》係拎左大阪第一位嘅,事隔2個月就變左同千日前嘅《たこ焼道楽》同分,不過我都食過千日前嘅《たこ焼道楽》,個人認為《やまちゃん 本店》好味好多
08
Mar 16
08:27
博客

[不敗日記] 新宿元祖章魚燒!

今次既[不敗日記]會同大家介紹我每次黎東京都必去既地方! 就係,新宿既章魚燒店《元祖どないや》     記得第一次黎,係日本既契媽帶我黎食架~ 呢間鋪既位置同K4 Studio好近,方便睇Live之前去填飽個肚。 有追開Live既朋友應該都知道,睇場Live係需要大量體力去做Furi,去跳舞,去Fing頭~~     呢張相係第一次黎食時影架~當時同契媽同兩個姨姨黎食~ 唔經唔覺~已經兩年lu~~~ 相比起香港一盒6粒,呢到係有8粒架!而且size係比香港既大粒少少~ 所以,最初我只係食左6粒,淨返2粒係到,唔係幾好意思~~     係2014年冬天,我又同契媽黎食~ 喇!有圖有真相~我真係成日黎食架~ 絕對唔係睇閃閃書介紹俾大家~真心同大家分享架~     我同契媽最中意食就係呢款,叫做《てりたま》既味道~ 上面黃色既係蛋黎架~配上特製醬汁,好香口,真係超好食!!! 最初我係諗住食普通味,但契媽叫我試下呢個~ 點解呢?係因為Visual Band《怪盜少年》既結他手蓮さん經常係Twitter推介呢隻味!