秋葉原
01
Sep 17
02:12
博客

【獨遊東京住宿懶人包!】東京都內5間「慳住歎」膠囊酒店 !

一個人去玩相對地對住宿較冇特別要求,不過冇要求得嚟又希望休息嘅時間可以有私隱度較高嘅個人空間,所以比起超多人一間房嘅hostel,小編更愛一格格嘅膠囊酒店,舒服又乾淨! 今次為大家介紹位於東京都內地理位置唔錯嘅5間膠囊酒店,環境同氣氛都比想像之中更好,即使唔係獨遊,睇完之後都包你心思思想試住返一兩晚!   1. 豪華迷你艙:FIRST CABIN 築地 去開日本嘅人應該對「FIRST CABIN」一啲都唔陌生,FIRST CABIN喺關東、關西、九州都設有分館,主打頭等機艙概念,著重環境質素,除咗有睡袍、拖鞋、毛巾之外,女性專用房更加會貼心為女住客準備潔面護膚保養品,完全係星級享受!如果你打算一早就去築地食好野,咁就一定係揀築地分館,距離美食集中地都只係10分鐘以內步行距離,幾早都冇有怕!   客室有First Class同Business Class可以選擇,First Class大到似足一間普通酒店嘅迷你單人房,喺房入面開行李箱都絕對冇問題。值得一讚嘅係床下有個帶鎖嘅櫃桶,比較重要嘅野可以放哂入去鎖好。   FIRST CANBIN有唔少驚喜位,好似一入門口,長長嘅走廊就已經設計成長廊酒吧,提供超過50款不同酒類,絕對值得臨訓前過嚟飲返杯,認識新朋友。  
09
Jun 17
00:45
博客

慘劇過後第9個年頭。2008年今日發生秋葉原殺人事件…

當地時間2008年今日下午12:30,於秋葉原發生咗一件令人震驚而又傷心嘅事件。加藤智大早上於網上留低犯案預告,表明會於秋葉原犯案,又預告會用貨車撞向人群同用匕首殺人之後,於正午實踐佢嘅犯案預告。最終做成7死10傷。 青森出身嘅加藤智大,同大部分發生喺日本嘅無差別殺人事件一樣,都係源自生活上各種各樣嘅不順利。早喺3月左右,佢就開始同鄉下嘅朋友同上手機討論區頻頻訴苦,甚至透露過曾經有自殺嘅念頭。直至5月,甚至因為覺得自己會被公司「炒魷」,上網話自己溝唔到女同識唔到朋友又俾其他網友恥笑而引發罵戰。各種各樣都為佢決定「無差別殺人」埋下種子。 其實加藤智大由決定犯案到實行,唔單止唔係衝動行事,仲KEEP住上網報告進度添,只不覺網友大都以恥笑同食花生為主,認真看待嘅就真係冇幾個。佢由6月5日決定要殺人洩憤開始,到6月6日由靜岡屋企去福井購買各式匕首同特殊警棍,到7日去秋葉原賣軟件套現租貨車同觀察地形、路況,到真係喺靜岡縣沼津市租車,甚至犯案當日留言預告,全程都有喺網上留低過程記錄。 雖然加藤智大由開車撞人到被捕只係短短5分鐘左右,不過對社會已經造成非常大嘅震撼,特別係當日嘅7年前正好係死咗7個兒童嘅無差別殺人「附屬池田小
01
Jun 17
01:04
新聞

辛苦你啦Sofmap秋葉原本館! BIC CAMERA AKIBA,原址再見!

Sofmap秋葉原本館2007年9月以來原來唔覺唔覺已經有約十年歷史! 不過由於之後要讓路俾集團母公司嘅Bic Camera空降秋葉原,Sofmap秋葉原本館終於於今日閉店。而原址就會變成「Bic Camera AKIBA」,6月5日開始由地面嗰層開始陸續開幕,預定6月22日開始全面營業。 而AKIBA☆Sofmap2號店 (アキバ☆ソフマップ2号店)6月4日都搬囉,而Sofmap喺秋葉原嘅陣容都會重新執位: 現「AKIBA☆Sofmap1號館」 --->Sofmap AKIBA 1號店:次文化‧手機館 現「Reuse總合館」 --->Sofmap AKIBA 2號店:電腦總合館 現「Mac Collection」 --->Sofmap AKIBA 3號店:MAC COLLECTION(APPLE製品專門) 現「AMUSEMENT館」 --->Sofmap AKIBA 4號店:AMUSEMENT館 現「中古電腦站前店」 --->Sofmap AKIBA 5號店:中古數碼館及買取中心 AKIBA☆Sofmap2號店及本館結束營業 辛苦你啦Sofmap秋葉原本館! BIC CAMERA AKIBA,原址再見!     資料/圖片來源: 「あきばじごく」更新お知らせフレンズ‏ @akiba_jigoku ツルミロボ‏ @kaztsu 日本經濟新聞 Rouxinoll
10
May 17
20:24
博客

3日2夜新手遊東京-DAY2

3日2夜東京遊-DAY2 3日2夜新手遊東京-DAY1  3日2夜新手遊東京-DAY3 Day 2 Skytree→雷門→仲見世通り→浅草寺→浅草花やしき→秋葉原 Skytree Skytree係全世界最高嘅塔,你可以登上最高(需另付費)觀賞東京迷人景色~佢亦係一個大型購物中心,入面有300多間店舖,有人氣嘅Disney shop、rilakkuma shop等等,除咗服裝店、雜貨店外,手信店都好多! 就等我介紹一下skytree必買手信啦! 位於2樓呢間Little Baum Tree Fruit Bar之前我地都有介紹過,雖然個樣好似雪條,不過佢係如假包換嘅年輪蛋糕嚟㗎~skytree仲有限定包裝,好有喜感~ 小:連稅648yen  大:連稅972yen   同樣位於2樓銀座のジンジャー,呢個skytree樽,入面裝住姜味金平糖,好似一粒一粒星星咁好靚好浪漫~ 連稅:1,080yen   一樓呢間candy SHOW TIME手作糖可以買到skytree限定圖案!
04
May 17
22:05
博客

【電車橋下的手作街】2k540內「4間必逛店」!

來了東京好幾次的朋友,相信對於新宿、原宿、涉谷等等地方已經不再陌生,所以我反而更喜歡發掘一些寧靜又具特色的小社區散散步,離開一下人頭湧湧的購物區。上網搜尋一下「東京新景點」,讓我發現這組奇怪代號 2k540 AKI-OKA ARTISAN,勾起了我的好奇心。   原來AKI-OKA的字義是相連的兩個車站,即Akihabara 秋葉原駅 及 Okachimachi 御徒町駅,其地理位置正正是有趣地坐落於站與站之間的電車橋之下。在鐵道用語中,2k540是表示從東京站出發的「公里距離」,為2k540m (「ニーケーゴーヨンマル」),因而得名。 2k540的概念是以「日本製造」,將工坊和商店合而為一的一個創作空間,現有共約50家店鋪,有皮革製品店、玻璃工房、餐廳、咖啡店、時裝店等,亦不時舉辦不同類型的工作坊。佔地不算大,剛好經過秋葉原的話可預留40分鐘至1小時順道過來走走。 香港近年熱愛手作與工藝的朋友亦大幅增加,加上日本人的設計向來精工細緻,不妨來這個日版PMQ取取經偷偷師。   電車橋下   正門入口   小妹特別推介以下四家店:   1) 日本百貨店
23
Apr 17
20:04
新聞

[突發!!] 秋葉原JR車站發現可疑物件

秋葉原JR車站發現可疑物件,昭和通出口於一小前左右已經全面封鎖。而現場人士發現警視廳爆炸物處理組亦已到場,而相關調查疑似爆炸物嘅機械亦已經起動中,暫時未知詳細內容。      
29
Dec 16
19:51
新聞

【蛋黃哥都玩變裝!(゜Д゚)】「女僕蛋黃哥」現身秋葉原Cafe

懶洋洋嘅嘅蛋黃哥出現喺秋葉原!蛋黃哥粉絲又係時侯出動啦!因為今次會出現喺秋葉原超人氣女僕Cafe「@home cafe」,所以蛋黃哥都會戴上女僕專用頭箍,只係簡單嘅配飾足以令蛋黃哥萌度激增,咁可愛,唔捨得食喎!     唔單止造型可愛,連Menu個名都極有蛋黃哥嘅瀨洋洋風格,好似「女僕呢樣野....真係好麻煩...」、「壓力社會烏冬,瞓醒再諗啦...」、「唔好再搖,無力布甸」,就咁睇雖然唔係好知到底係咩料理,但就完全感愛到蛋黃哥一啲都唔想郁唔想理嘅心情!     記得唔好食到咁污糟,因為連塊墊紙都有大大個超萌蛋黃哥,可以拎埋返去珍藏㗎!     如果你點埋野飲,杯野一上枱記得先收好個杯墊,出面想買都買唔到。     有得食當然有得買啦!呢度嘅蛋黃哥Product都有戴住個女僕頭箍㗎!Cute爆!   @home cafe一共有4層,不過如果係衝住蛋黃哥而嚟,直接上6樓就得,有咁多蛋黃哥同女僕陪住你食野,呢餐一定唔會失望!  
25
Oct 16
02:43
新聞

【話你知】秋葉原有超治癒貓仔陪你飲咖啡!

貓奴注意!「貓Cafe MoCHA」終於喺秋葉原開咗分店啦!     呢間係Cafe MoCHA嘅第5間分店,店入面裝修得好乾淨同舒服,通風做得幾好,同咁多隻貓仔一齊都唔多覺聞到佢地啲貓味,抵讚!     除咗怕通風做得唔好,去貓cafe最驚就係去到嘅時候貓仔唔係瞓緊就係其他人抱緊,坐足全程連貓仔條毛毛都未摸過,不過因為呢度有成20隻貓仔咁多,暫時好似仲未有呢種情況出現,一入到去就會見到貓仔行嚟行去,好得意啊。     嚟到呢度千祈唔好錯過朝早10點半同夜晚7點半嘅餵食時間,貓仔一隻隻排哂隊咁食野,真係好kawaii!!   呢度唔單止可以同貓仔玩遊戲,秋葉原店仲特設Game Corner同Movie Corner,鍾意打吓機又得得,睇套戲又得,~      
23
Oct 16
15:32
新聞

AKB小嶋陽菜決定17年2月22日舉行AKB48畢業演唱會

非常高知明度嘅AKB48小嶋陽菜(28歳) 決定喺2017年2月22日喺東京國立代代木競技場第一體育館舉行畢業演唱會。尋晚喺即時視頻網站由小嶋陽菜親自発表。小嶋喺今年6月嘅『第8回AKB48選抜総選挙』巳經講咗將會畢業,但時間未定。 喺直播開始時, 以經有塊由小嶋陽菜白板寫住:「小嶋陽菜から重大発表!!!」, 之後慢慢說明畢業演唱會喺2017年2月22日同演唱會名稱喺:『にゃんにゃんにゃんの日』同喺2月22日舉行嘅原因。小嶋陽菜仲希望Fans:「雖然係平日, 但係因為係最後, 所以麻煩大家!」   小嶋陽菜指演唱會名稱喺3年前巳經諗緊, 希望好似祭禮咁, 雖然喺演唱會, 但希望好似祭禮咁開心興奮!!   而舉行畢業演唱會之前一晩、亦會喺東京國立代代木競技場第一體育館舉行『こじまつり~前夜祭(仮)~』 仲有發表左小嶋喺劇場出演次數(正常出演)2005年21次(12月8日出道)、06年219次、07年108次、08年107次、09年67次、10年36次、11年9次、12年19次、13年13次、14年9次、15年5次、之後指今年只得3次、次數激減。小嶋陽菜話:「呢個數字跟本唔可以畢業」、所以會係AKB48劇場舉行『小嶋陽菜 好感度爆上げ公演(仮)』。時間仲未定、但喺並非只得1次、希望好似正常出演咁咁多次數」、家下仲諗緊内容同出演成員。 http://headlines.yahoo.co.jp/hl?a=20161021-00000376-oric-ent
15
Oct 16
01:06
博客

【食乜好】東京蛋糕味拉麵

如果畀你㨂,你會㨂「拉麵味蛋糕」定係「蛋糕味拉麵」?   喺東京,原來真係有甜品店整咗傳說中嘅蛋糕味拉麵,唔止拉麵,佢地仲有餃子、炒飯、soba、Pizza同杯面,個樣真係做到好鬼似,雖然個蛋糕上面有寫「蛋糕」兩個字,不過單憑外表,一定唔會發現係蛋糕!唔好以為啲蛋糕得個樣,實際上係真係幾好味㗎~   喺秋葉原店門口,佢地有大大張banner印住兩碗杯麵,真係似得好離譜!我諗真係會有人以為係杯麵買咗返去,然後食第一啖就會覺得,甜嘅喂!   唔講嘅話我諗我呢一世都唔會估到呢個係一個蛋糕!   切開個杯麵,入面嘅麵同食材全部都係一層層嘅蛋糕。   仲有,大家可以食埋個蓋,店員話個蓋都食得㗎喎。個口感真係似食緊A4紙,不過嗒真啲又好似真係有少少甜味,應該真係食得嘅。   呢個Pizza入面有桃同埋Raspberry,食哂成