神器
04
Jan 17
00:05
博客

【以後去旅行冇佢唔得!?】 「最新自拍神器」試玩報告!

去旅行玩又點少得自拍!不過揸機嗰個永遠都好慘,因為最近鏡頭,塊面永遠都係最大,而姊妹群就永遠縮到無雷公咁遠,務求唔使用美圖秀秀都有細粒面效果(一係就大家個頭已經遮哂個景......),所以每次自拍,小編都喺度諗,如果有部廣角啲、最好就有埋美顏功能嘅超易用相機咁就好啦!   原來諗吓諗吓就會成真!就喺小編出發去關西做採訪之前,突然收到公司通知話Casio會Sponsor我地最新「分體自拍相機」,開心到飛上天!部相機個名好似好勁,心急到即刻上網做吓Reseach睇吓呢部機咩來頭先!     咦!?個樣好特別喎!一睇EX-FR100個Design就知專為自拍而設,仲有美顏模式,就算素顏都拍出嫩白膚色,更加可以同時做到長腿、瘦面效果,最正就係鏡頭同機身可以拆開,想影任何奇怪角度一啲難度都冇!   唔講咁多,即刻同大家睇吓部機好唔好用啦!     部機都幾細部,帶喺身都唔係好阻地方,所以我決定隨時帶住喺身,試吓影多啲唔同種類嘅相測試吓部機嘅實力!(唔好問我有冇開箱文!由於過度興奮,盒相機一到手喺唔記得影相嘅情況下已經俾我急不及待咁拆開哂......I'm SORRY~)   靜物:
26
Jul 16
19:09
新聞

【‬最佳幫手】精靈訓練員‪神器

為左成為一個出色嘅精靈訓練員,你可以去到幾盡?     日本就有人發明咗呢個神器,當你發現精靈嘅時侯只需要令精靈處於圖片中間,再順住軌道拋出精靈球就可以。     呢個神器暫時只限於iPhone 6 ,售價為672円。     如果買唔到呢個神器都唔駛驚,因為其實同橡筋都可以,原理都係一樣。     不過俾我嘅話,我都係鍾意咩都唔用!咁先有成功感架嘛
28
May 16
02:13
新聞

戒煙神器!《時間鎖煙盒》

有無人想戒煙?或者想幫另一半戒?呢個時間鎖煙盒可能幫到你喇! Thanko推出嘅呢個戒煙盒,好簡單嘅原理,就係定時定候先可以打開拎煙食~咁就可以慢慢減量直到成功戒煙啦~   不過首先要肯張包煙放入去先,仲要無第二包…   然後就可以較時間喇,總共有九個設定。 呢兩個黑色制都分左、中、右三個設定,兩邊都推到左邊時間就係 30分鐘,兩邊都推到右邊就係 262分鐘。   跟住會鎖咗嫁喇,呢個盒充五個鐘電就可以用到兩個月。   合埋咗都幾靚嘅,唔講都唔知係煙盒。   而家仲減價 5,480円連稅,想買就去呢度啦!
01
Apr 16
00:07
博客

超得意燴蕃薯神器 4分鐘就食得!!!

TOKYU HANDS出名多家品,早排就比我發現咗依個成舊蕃薯咁款嘅燴蕃薯神器(約$16X),聲稱只需8分鐘就可以燴熟2條大蕃薯,我緊係即刻買返去試下!   個煲有分大同細size,大size可以一次過整2條蕃薯,我一個人住邊到食到咁鬼多蕃薯吖,買個細嘅就夠晒數~   係咪好得意呀!真係成舊蕃薯咁嘅樣!   入面有一包依D珠仔,相信係成個煲嘅重點(有D似呀媽用黎種花個D珠仔……)   燴蕃薯做法非常簡單! 1.洗乾淨D蕃薯,抹乾D水之後放係D珠仔上面。 2.將成個煲放入微波爐,細細條蕃薯就叮4分鐘,大條嘅話就叮完4分鐘拎出黎望下夠腍未,未夠再叮4分鐘。 3.叮完之後個煲係熱到呀媽都唔認得,記得記得用手套拎出黎! 4.打開個蓋時小心D蒸氣會整到手,最好就用個夾夾條蕃薯出黎啦,不過我依D窮學生邊有夾丫,用叉算數…… 5.搞店晒自己放入口,唔洗人教啦掛~~~~  
17
Feb 16
02:04
新聞

YO!泊車之嘛!洗咩驚呀?

新年揸車出去拜年時,真係好麻煩! 唔係要車埋人返屋企麻煩,亦都唔係搵位泊車麻煩! 而係搵到個丁屎咁細既車位,你要泊架車入去先麻煩! 係咁泊出泊入,都係爭少少!一個唔該燥底起黎,就唔到位而整花部車! 唔知日本人係咪都有同感,於是設計左一項新既汽車功能! 就係⋯⋯體感FEAR功能! 姐係咩呢???? 俾段廣告你睇下先~   好!講下呢個體感FEAR功能有幾正先? 可以感應到牆壁,當太近時會自動煞車,避免撞牆! 感應附近既障礙物,避免撞到周圍既人或車之餘,仲可以拎最好既角度泊車! 會話你知架車同周圍既人或物既距離 幫你無視乘