真田幸村
21
Jul 16
19:30
新聞

戰國Basara首推中文版.《真田幸村傳》8月開賣

《戰國 BASARA 真田幸村傳》製作人「野中大三」日前就去左台灣開記者會。     本作係第一隻推出繁體中文版嘅《戰國 BASARA》遊戲,同時亦係該系列 11 年來首度採取單一主角,以他為中心描述生涯故事。   除咗真田幸村之外,佢嘅家族成員同朋友都會係遊戲入面登場,而可以操控嘅角色亦高達40個以上。     製作人表示,如果今次作品反應良好嘅話,之後都會繼續推出不同武將嘅個人傳,你地又期唔期待呢?
21
May 16
01:29
新聞

《真田幸村傳》提早開賣!幼年幸村模樣公開!

CAPCOM 前日宣佈,原定9月推出嘅《戰國 BASARA 真田幸村傳》將會提早於8月25日正式發售。     係《戰國 BASARA》入面,一直被描繪為宿敵嘅真田幸村同伊達政宗,係今次作品入面,就會由童年時期開始解釋返佢地之間微秒嘅關係。   到底係童年篇入面,稱為「弁丸」嘅真田幸村同稱為「梵天丸」嘅伊達政宗如何相遇,並發展為勁敵關係呢?   「弁丸」(真田幸村)     「梵天丸」(伊達政宗)     唔知點解有種HeHe嘅味道,哈哈!(對不起,是我FF太多)     即刻睇埋最新嘅預告片啦!  
08
Apr 16
22:55
新聞

《戰國BASARA 真田幸村傳》.老豆大哥齊參戰!

預計於9月發售嘅《戰國BASARA 真田幸村傳》除左講真田幸村同伊達政宗嘅對戰之外,仲會講埋真田家族嘅故事!新加角色就有真田幸村嘅爸爸《真田昌幸》同埋哥哥《真田信之》。佢地仲係可操控嘅角色嚟添!     真田昌幸   侍奉武田家嘅重臣,真田家當家,為咗令兩個仔信之同幸村理解佢嘅生存之道而踏上戰場。     青年期的真田幸村   以青年姿態登場嘅真田幸村,生於亂世,受爸爸同哥哥嘅生存之道影響下,仍然保持強烈意志同熱切靈魂前進。(點解我唔覺得佢個樣有變過)     真田信之   真田家嘅長子,揮舞長槍,喺戰場上果敢勇猛,人稱「信濃的獅子」。(哥哥嘅雙馬尾都幾萌
07
Mar 16
23:39
新聞

日本第一武士!戰國Basara真田幸村傳!

唔知大家有無玩開《戰國BASARA》小編個人黎講就好鍾意!雖然佢關卡未必好多,但我都真係會每個角色升爆佢,拎晒d武器為止!CAPCOM嚟緊6月就會為《真田幸村》出一個個人傳。雖然真田唔係我嘅本命,但係身為Basara粉嘅我,依然都會繼續支持!   今次故事主要係圍繞住真田幸村同伊達政宗嘅糾纏 (唔會係hehe,放心)     送d預告俾你地期待下      發售日期:暫定2016年夏天 對應平台:PS4 / PS3 售價:未定 遊玩人數:1人