百變小櫻
20
Apr 17
03:09
新聞

解除銀包的封印!《百變小櫻》彩妝+服裝系列

《美少女戰士》產品越出越多,相信大家唔多唔少都有啲審美疲勞,不如轉吓口味?話說日本美妝品牌Creer Beaute 3年前就已經推出過呢套「百變小櫻古羅卡系列」彩妝,但當時一推出就火速售馨,而家機會又來了!當時錯過咗嘅今次唔可以再錯過啦~ 一set有魔杖潤唇膏同埋古羅魔法書胭脂,相當經典 潤唇膏係櫻花味,搽咗係透明色,不過其實重點都係枝魔杖:P 胭脂打開後竟然係小櫻既第一張古羅卡「THE WINDY」,所有細節位同情境都神還原啊!而且顏色係櫻花粉微帶閃粉,好少女。 根據之前買過既嘅人經驗,呢個組合實物做工非常精緻,好多detail位都好仔細,收藏嚟講絕對買得過。售價 3,780円(税込),預計5月出貨,想買可到 Bandai JP 訂購喔。 除此之外,「Super Groupies」亦推出了新一季服飾: 首先係木之本櫻浴衣,
06
Apr 16
17:38
新聞

小櫻20週年慶!NHK即日起重播《百變小櫻》!

「百變小櫻魔法神奇誰可阻擋~~看我Sakura揮揮魔棒解開咀咒~~」   小櫻話咁快就20歲,NHK由今日開始逢星期三晚6:30重播百變小櫻!如果香港都有得重播就好啦!好懷念!      
30
Apr 16
02:16
新聞

大個女喇!《百變小櫻MAGIC CARD》新作出爐!

近期成日都見到嘅百變小櫻,終於都有新作啦!     《百變小櫻MAGIC CARD》將會係日本少女漫畫雜誌「なかよし」七月號開始連載     故事入面嘅小櫻小狼都已經長大,變成中學生     相信到時會更加集中於愛情線?
13
Apr 16
01:41
新聞

期間限定!《百變小櫻》主題Cafe 6月登陸香港!

介紹過幾次嘅香港動漫主題Cafe,「Youme cafe」將會喺6月1日舉行「百變小櫻MAGIC CARD」嘅主題!     當然唔少得角色嘅野飲同野食啦      現場仲有精品賣㗎     以上次去過嘅經驗,現場應該仲有抽獎玩㗎!我一定要去   「魔法變變變~為追討古羅咭必生死戰鬥」   Youme Cafe 營業場所: 荃灣眾安街2-8號周合成大廈3樓(荃灣港鐵站B出口) 開催期間: 2016年6月1日(三) 至 2016年7月14日(四)    
27
Nov 16
20:38
新聞

終於落實!《百變小櫻》新系列動畫2018年1月面世

之前宣佈咗一系列20週年慶祝活動嘅《百變小櫻》終於落實埋嚟緊會推出新系列嘅電視動畫作品,並於2018年1月起NHK放送!   最令人興奮嘅係咁多位主要角色嘅配音員一個都冇變呀!!原班人馬!好犀利! 【Cast】 木之本櫻:丹下櫻 基路仔:久川綾 大道寺知世:岩男潤子 李小狼:くまいもとこ 月城雪兎:緒方恵美 木之本桃矢:関智一 等   雖然2018年仲有成年要等,不過都係一個朗報!小編嚙只係希望唔好好似新系列嘅《美少女戰士》突然畫風突變就得架喇...   重溫: 《百變小櫻》20週年系列 推出超唯美一番賞商品 踏入20週年!『百變小櫻』劇場版復刻上映! 全新動畫PROJECT即將公開!?    
22
Oct 16
03:36
新聞

《百變小櫻》20週年系列 推出超唯美一番賞商品

唔知有無讀者同我一樣好中意去日本抽一番賞呢?一番賞即係「一番くじ」,喺唔少便利店呀、唱片店、秋葉原街頭好多地方都有得抽。其實就係畀一個特定價錢嘅錢去抽唔同嘅商品,絕對係考驗人品嘅購物遊戲,而且真係抽到心頭好嘅時候真係真係會好開心㗎!   今次要同大家介紹嘅就係《百變小櫻》慶祝20週年推出嘅一系列一番賞商品~超級靚同吸引!   抽一次價錢為620Yen,2016年11月12日起就可以抽喇! 抽選店鋪:Mini Stop便利店、書店、TSUTAYA、遊戲機中心、Animate等店鋪   A 賞 小櫻星星枕頭   B 賞 魔法毛氈   C 賞 解除封印!封印之杖鏡   D 賞 小櫻魔法書袋仔   E 賞 封印獸公仔(全兩款)   F 賞 髮飾(全四款)