登山
07
May 17
08:11
新聞

【期間限定】箱根登山電車夜間行駛賞花

日本嘅繡球花非常靚,大家通常都係朝早去睇,其實夜晚睇都好靚㗎!箱根登山電車「夜のあじさい号」將於2017年6月17日~7月2日期間夜間行駛,到時路旁會點燈俾你睇滿滿嘅繡球花~呢架電車特別於佢行得好慢好慢,甚至會停低俾你可以落車影相~ 日間同夜晚各具特色~ 【詳細】 「夜のあじさい号」 行駛期間:2017年6月17日~7月2日 行駛路線:箱根湯本駅 ~ 強羅駅 ※不設中途站 座席價錢:大人310yen‧小童160yen(單程) ※另需付運行費(單程:箱根湯本~強羅 大人400yen‧小児200yen) 完全預約制 訂票日期:2017年6月1日~6月30日 9時30分~17時(星期六日及公眾假期休息) 只接受電話預約:0465-32-8787 http://www.hakone-tozan.co.jp/sightseeing/night.html
23
Jan 17
07:36
新聞

今年登上富士山自願性入山費為1000円

富士山登錄咗世界文化遺產之後,山梨同靜岡成立嘅協議會於22號決定咗將2017年登上富士山嘅自願性入山費定為1000円。   入山費其實就係幫補富士山嘅環境保護費(富士山保全協力金)。入山費屬於自願性質,將會喺今年7月嘅登山季節開始實施。為咗方便深夜登山人士畀自願性入山費,有關單位正商議緊可唔可以事先喺網上或便利店收取自願性入山費。籌到嘅自願性入山費除咗會用作保護環境嘅支出之外,亦會用嚟興建廁所、安全設施,以及處理登山人士遺留嘅廢物。     收取入山費用暫時都係試驗階段,而上年試收取自願性入山費用期間就已經籌到大約3400萬円喇! 希望大家上富士山時,各位都會畀入山費1000円啦!  
13
Apr 16
00:45
新聞

立山黑部阿爾卑斯登山路線詳情公佈

立山黑部阿爾卑斯登山路線於早前已經公佈開山詳情,電鐵富山至彌陀之原將會率先於2016年4月10日起開通,彌陀之原至信濃大町會於4月16日至11月30日開通。全行程覆蓋富山縣至長野縣,最高點達2450米。每年冬天立山黑部受大雪影響,冬天都會封山,而4月中起會重開路線,呢條路線深受日本當地同外地登山人士歡迎。   今年4月16至6月22日會開放室堂地區,長約100米嘅「漫步大雪谷」,積雪嘅高度亦係每年注目焦點,冬天錯過咗睇雪可以PLAN定行程睇雪。而4月16日至4月25日期間為開通初期及日本黃金週,人潮會十分多,交通亦會相當混亂,所以記謹要留意交通延誤嘅狀況。   加上早前介紹過嘅「阿爾卑斯、高山、松本地區周遊券」,可以涵蓋部阿爾卑斯登山路線嘅所有交通,2016年4月16日至11月13日期間,連續五日使用。登山人士可以憑呢張周遊券玩盡全行程!   立山黑部阿爾卑斯登山路線開通日期: 電鐵富山–彌陀之原:2016年4月10日起 彌陀之原–信濃大町:2016年4月16日至11月30日   漫步大雪谷 日期:2016年4月16至6月22日 價錢:免費