生活
15
Jun 17
19:51
博客

感受 沖繩 歷史 魅力,沖縄美ら海水族館 旁的「 古民家 村落」

去沖繩一定走唔甩「沖縄美ら海水族館」,但大家又知唔知喺隔離仲有一個有成400歷史嘅古民家村落?去水族館玩嘅朋友可以順便去埋影下相,踩下單車,好寫意。 村頭村尾都有景點介紹板,等你知道有咩睇   有咩必睇?! 村內最大嘅特色就係一座座設計矮小嘅古民家,屋頂通常由橙紅色瓦片搭建,有一隻風獅爺作守護神,而屋嘅四周通常都係沙地,入口位置會有一對「門神」風獅爺坐鎮。 沖繩既古民家都係瓦頂既木建築物,矮矮的一層平房好別緻   細心留意會發現四周都種滿「福木フクギ」,呢種樹有幸福之木嘅意思,除咗代表幸福,亦有遮陰、防風、防潮、防火作用,春天開花既時候仲有陣陣香味,所以沖繩人好鐘意喺屋企周圍種福木,喺沖繩市中心嘅路邊亦周不時可以見到呢種樹嘅蹤影。 行人道兩旁既高大福木造左條綠色隧道,好有秘境Feel   點玩最盞?! 要遊逛這條備瀬村落可以用步行方式,邊走邊拍,慢慢細味,由入口行到村尾都只係15分鐘;亦可以租單車穿梭於村落中,有福木遮陰,特別涼爽,仲可以踩出去海邊兜兜風!
13
May 17
02:52
博客

日本的異國飲食文化 ,和洋合璧表表者「Taco Rice」!

沖繩係一個有趣地方,因為歷史嘅原因,令沖繩嘅飲食融合咗日本和美國的飲食文化!其中一種飲食文化融合嘅料理表表者就係「墨西哥Taco Riceタコライス」! 本來係墨西哥薄餅嘅Tacos去到沖繩之後,日本人就將薄餅嘅秘製醬汁、肉醬、芝士、生菜、蕃茄加到飯上面(可能因為日本人都係唔食飯唔夠飽掛?),好似丼飯咁,再加啲墨西哥辣椒造嘅辣醬,咁就創左Taco Rice「タコライス」呢樣沖繩美食啦! 沖繩有好多店都有賣Taco Rice,不過講真係好好食嘅,個人口味都係覺得「元祖King Tacos」係最正!King Tacos開業於1984年,承繼咗Taco Rice創辦人儀保先生嘅食譜,保證大家係食到最原汁原味既Taco Rice。   元祖King Tacos 門口大大隻字寫住King Tacos,一定唔會睇唔到!   當然唔少得最最最原始既墨西哥Tacos 啦~   30年老字號,名不虛傳,更有新聞報導「造出746KG的墨西哥Taco Riceタコライス的世界紀錄」   4大必食原因! 1. King Tacos 嘅價錢真係20年不變! 一碟Taco Rice20年嚟都係¥600,真係好抵食!
25
Apr 17
00:41
博客

沖繩天然地底湧泉-天然温泉Aroma

沖繩人一年四季都可以浸水,因為佢地除左海灘之外仲有温泉!不過,可能你會問,沖繩都無火山,何來有温泉?無錯!貴為極愛浸溫泉嘅國家,佢地連海底嘅火山都唔放過,將地底1300米以下嘅湧泉帶到上地面,等大家就算身處沖繩都可以浸到溫泉!   天然温泉Aroma 沖繩嘅天然温泉唔算好多,而呢間天然温泉唔係酒店,係「日帰り」,即係無得住嘅即日來回温泉設施,但好處係營業時間好長,適合一落機就去浸個温泉relax吓叉個電再出發!   門口有個小小的和式庭園,好有日本風情,浸温泉係要咁先有FEEL!   門口有個泉眼,仲有幅圖話俾你知個温泉堅係1300米地底掘出來的!   場內有很多不同的設施,夠你HEA足一日   當地日本人一個星期至少都來3次,究竟呢間温泉有幾吸引? 首先佢係沖繩最大型嘅温泉設施,有露天温泉、不同温度嘅室內温泉、按摩温泉池、水柱從上而下像瀑布一樣打下來嘅打湯、桑拿等等設備,除左温泉,場內仲有按摩服務,可以即場預約,隨時都可以鬆一鬆。而呢度嘅泉水抽取自地底1300米嘅鹽化物泉,pH值8.2,這種泉質對關節痛、肌肉疲勞、促進消化等都好有功效,所以好多日本人都鐘意放工過來浸一浸!  
11
Apr 17
22:17
博客

去沖繩仲買紅芋撻!? 梗係自己「親手」做啦!

去沖繩玩,當然要食沖繩既名物紫薯「紅芋」啦,仲一定要去埋御菓子御殿掃「紅芋撻」做手信! 唔講唔知,原來喺以前紅芋只被當作用嚟填飽個肚嘅食糧,但自從御菓子御殿創作咗紅芋撻之後,紅芋撻就帶動整個紅芋熱潮,更加成為唔少人都大愛嘅甜品,所以御菓子御殿嘅紅芋撻絕對稱得上係紅芋甜品嘅始祖!   恩納店門口,彷首里城設計既門口好特別   雖然而家紅芋撻隨處都可以買到,但你又有無諗過原來可以自己親手製作紫薯撻送俾你嘅至愛?御菓子御殿嘅恩納分店就推出咗「紅芋タルトて作り体験コース」,即係手作紫薯撻體驗課程,等大家都可以做吓阿某整吓餅,享受過程中嘅樂趣!   放心,就算完全無整餅經驗嘅人,甚至喺小朋友都可以一齊玩!   課程好簡單,適合作為親子活動。   體驗課程大約2個鐘,想玩就要提早一日下午5點前打電話去預約,如果無電話可以請酒店幫手打去預約,課程可以㨂整8個或12個。 體驗當日記得要早10分鐘到達店舖,喺最右邊嘅「團體受理counter」登記完工作人員就會帶你上二樓體驗工房。由於體驗工房對正個海,落地大玻璃完全阻擋唔到無敵大海景,所以喺等待嘅期間大家不妨拎個相機出嚟大影特影!  
05
Apr 17
23:27
博客

【今年首個初夏花火大會嚟啦!】教你玩轉「琉球海炎祭」!

一到夏天,日本就會放煙花慶祝夏天嘅來臨,屬傳統活動之一,東京同大阪從7月開始各個地方就會有花火大會夏祭。 而沖繩 - 日本最南嘅一個縣 - 由於4月就迎來夏天,所以每年4月都會舉行「全國最早的花火大會 – 琉球海炎祭」!而今年,第14屆琉球海炎祭2017將於4月8日舉行,係沖繩嘅一大盛事!   花火大會購票方法 為左確保可以順利入到場同埋控制人流,日本花火大會係需要買入場券的。大家可以喺網上購買入場券或到場即日購買:香港可以買的分為「入場券」和「B席入場券」,前者係無包坐位,但可以坐沙灘或草地,後者係包坐位嘅,所屬區域入面會有凳俾你坐住睇。喺網上買完飛,入場前記得要去Family mart攞飛先好出發去會場! 喺網上買左入場券都要去Family Mart既機度攞番張實體入場券先可以入場   入場券喺咁樣嘅~   場地地圖,買左入場券喺入場口入場,如果買B席,請往B席位置   沖繩嘅花火大會有咩咁好玩? 沖繩嘅花火大會同日本本土唔同,沖繩嘅花火係喺
21
Mar 17
00:08
博客

【點解會好食到咁!? 】北海道「湯咖喱名店」試食報告!

日本咖哩飯就聽得多,湯咖哩又食過未?絕對唔係加水溝淡左個咖哩咁簡單!今日為大家介紹番札幌名物「湯咖哩スープカレー」!   喺札幌有好多賣湯咖哩嘅店,今日介紹嘅呢間湯咖哩店「路地裏カリィ侍」喺札幌擁有好高人氣,因為店內全使用北海道食材,真材實料,店主更用咗好多時間研究每一樣食材嘅煮法,務求每一啖都能令客人滿足!   半份雞半份豚角煮湯咖哩,人氣之選,啱哂兩種肉都想試既遊客! 當初點解會煮湯咖哩呢? 店主為咗想多啲人鍾意食北海道嘅蔬菜,所以搞盡腦汁,最後發現原來咖哩同蔬菜係非常咁夾,於是就開始煮湯咖哩喇!所以店嘅宗旨係「為咗食蔬菜而研發的湯咖哩」!唔係誇張,佢地嘅「一日20種野菜湯咖哩」係鎮店菜式,雖然餐單上都有其他肉類湯咖哩,但喺這間店反而變成配菜! 咁好味既秘密就係個湯底! 湯咖哩嘅湯底一啲都唔馬虎,首先加入大量北海道新鮮野菜煮足8個鐘,再加入豬骨同雞肉或者昆布同鏗魚煮12個鐘分別製作出「普通湯底」及「和風湯底」,最後再加入配方的咖哩製作成札幌名物「湯咖哩」!由於食材全天然,完全無加味精,所以就算飲哂成碗咖哩湯都唔會覺得口渴!   用北海道新
10
Mar 17
00:55
新聞

邊個日文名最型英帥靚正?日本最受歡迎「靚仔名」漢字!

「唔怕生壞命,最怕改壞名」,我深信呢句俗語係世界通用嘅。有日本網站就訪問咗500個女性讀者叫佢哋揀出直覺「聽落最靚仔」嘅日文漢字,想改返個型仔日文名嘅Ching們都可以參考下。 今次就叫咗班櫻花妹喺「一、郎、朗、太、矢、也、治、士、史、亮、介、司、男、之、平」等日本男仔名老是常出現嘅漢字入面揀「通常個名有呢個字嘅男仔都係靚仔」,以下就係佢哋揀嘅Top 3! 第三位:士 咁多個漢字入面有成8.4%支持率!前男子組合WaT嘅成員兼混血男星Wentz瑛士個名都有呢個漢字!剛士、瑛士、雅士,原來櫻花妹們覺得呢個士字帶有少少陽剛氣息,因為其實「士」仲有「武士」嘅意思添!係咪會令佢哋覺得特別man呢?(雖然福士蒼汰個「士」係姓氏唔係「名前」,但我都覺得個名好特別,所以擺埋上去:P)   第二位:亮 排第二位嘅有11.2%支持率,係「亮」!呢個漢字象徵住「明亮」、「光明」、「清晰」、「光明磊落」等意思。藝人方面就有錦戶亮、或者演員池松壯亮、小鮮肉吉澤亮、搞笑藝人London Boots嘅田村亮等,雖然小編第一個係諗起塔矢亮(笑)。櫻花妹話覺得通常叫得亮嘅都五官端正,樣貌同名一樣咁「見得光」!大
25
Feb 17
02:46
博客

日本男親自示範:原來修完眉可以差咁遠?!

日本人一向對細節好講究,女人出街覺得唔化妝係對人唔尊重,而大部分男人雖然唔會化妝,但一樣會修眉,有留鬚的,亦會修剪整齊先出門口。只因修乾淨條眉,唔止會望落更神清氣爽,仲可以好似換咗個髮型咁令人眼前一亮! 以下呢位日本男士就係好好嘅例子,唔少日本網民都表示又驚訝又勵志,對比也太大了吧! 仲有其他例子,都睇得出修完眉乾淨精神咗好多:
20
Feb 17
23:48
博客

[澀谷街訪]唔講內涵齋睇樣 第一屆Like Japan港產男女神選舉(下)

第一屆Like Japan港產男女神選舉終於強勢回歸啦~~~ 今次唔問美男美女,而係問大家最唔鍾意嘅港產男女神到底係邊個(講樣唔講心㗎)!   首先我諗大家都好緊張,想知道trailer入面被嫌棄「頭髮咁長好噁心」嘅本地薑係邊個w 我唔會話「相信大家都估到係達哥」咁衰嘅…我只可以話單憑一張木村二世達哥美照冇成功地孚虜到依位㗎妹嘅芳心咁解。 唔好唔開心啦,希望在明天吖嘛!   嗱,唔洗等到明天,希望馬上就送到啦~ 依個姐姐話原版同港版木村都好有型靚仔,仲係咁卡卡笑㖭!(笑咩啫笑到人地個心仔都亂埋啦) 不過如果真係要比嘅話…佢都係揀咗原裝正版嘅木村…泣   咁男仔們又唔鍾意邊個女明星先?係阿嬌(其實都係2票w)! 有人嫌佢太白,話佢「白得滯唔係我杯茶」,依位人兄就話覺得佢好惡咁話… 坦白講我日本男仔真係見到10個港9個佢地都會話覺得好強勢乜乜乜,真係唔小心啲都會搞到一地玻璃碎…啊,又或者係佢地會走佬(哭) 咁睇異性到底係睇邊到先? 最多人答嘅就係眼啦~啲咁標準嘅答案我諗都冇咩人想知,咁就講吓有咩其他意見啦~ 好似依位金髮美男(?)就係睇腳先! 咩都唔好講,望下面!
18
Feb 17
08:58
博客

體驗日式校園祭@早稻田祭!

走入日本頂尖學府體驗學生主導年度盛事
相信好多睇開日劇嘅朋友都唔會對「校園祭」感到陌生。「校園祭」感覺就好似我哋所講嘅學校開放日,等公眾可以去參觀一間學校,了解佢哋嘅校園生活。而學生們亦都會落手落腳整攤位、裝飾班房等等。 不過平時日劇或動漫就睇高中校園祭多,今次我哋就嚟到日本頂尖學府之一嘅早稻田大學校園祭,一齊睇下同我哋香港嘅大學Open Day有咩分別啦! 呢個早稻田祭係一年一度嘅盛事,每年都係11月頭左右舉行,為期三日。雖然係短短三日嘅活動,但好多學生係會提早成大半年開始準備㗎! 成個祭嘅活動有分幾種: 1)露天舞台活動(比較多舞蹈、啦啦隊、唱歌、甚至特攝舞台劇等表演) 2)課室展覽(多個大學生社群會於唔同課室或講廳進行展覽、展出平時社團活動成果等) 3)特色攤位(部分社團會係課室或室內擺設買賣攤位,比較特別的例如有足湯或陶瓷