生化危機
08
May 17
23:17
新聞

Biohazard: Vendetta新PV公開 香港6月15日上映

日本仲有二十日唔夠就上映嘅最新一套生化危機CG電影『Biohazard: Vendetta』,官方終於都公開第二套PV! 今次嘅電影喺設定上係喺遊戲嘅第6集同第7集之間,以紐約為舞台爆發新嘅危機!  故事除咗繼續有Chris同Leon繼續擔正之外,於遊戲1同0中出場,人氣頗高嘅前S.T.A.R.S. Bravo Team隊員Rebecca亦會以人質……大學講師兼BSAA的顧問嘅身份作為女主角出場! 電影5月27日就會於日本公映,香港都唔慢,6月15日就上映啦。  
13
Oct 16
19:39
新聞

Biohazard X 0101!Halloween特別企劃登場!

Biohazard嘅20周年活動真係一浪接一浪呀!最新嘅係同商場0101合辦嘅Halloween特別企劃,期間限定為10月1日至10月31日。     到時係商場入面嘅店舖可以搵到一眾Biohazard入面嘅經典角色。     仲會有遊戲入面嘅場景面版俾大家影相,好似洋館同Raccoon City都有份。     不過最重要係…佢地有期間限定嘅Biohazard專門店,分別係「丸井川崎店」、「マルイシティ横浜」同「神戸マルイ」     另外其他有參與活動嘅店如下:     機會難得!各位生化迷一定要去喇!   官網:https://www.0101.co.jp/halloween/biohazard/
18
Aug 16
19:00
新聞

唔揸槍玩隱藏?好驚啊!《Biohazard 7》最新驚嚇預告片

出年1月26號發售嘅「Biohazard 7」繼推出試玩版後,噚日就公開埋最新預告片。     今次嘅預告片入面主要係躲藏元素為主,雖然恐怖氣息好濃厚,但身為BIO迷,睇過上次試玩同今次嘅預告片之後…依然覺得佢似「Silent Hill」加「Outlast」嘅混合體。希望到時成品出嚟之後會多番陣BIO嘅氣息…同埋會有返過往主角嘅出現…   竟然入咗間爛屋…     「睇你匿得去邊…」     「唔好過嚟呀…」     「仲捉唔到你!」     最新預告片:  
08
Aug 16
18:19
新聞

生化危機終極Cosplay又黎啦!William Birkin第一形態登場!

記得之前仲有大家分享過嘅超強Cosplayer,將生化危機入面嘅William Birkin第二形態完美演繹。       呢排佢又有新作,係剛舉行嘅「コスプレサミット2016」入面,佢就化身成William Birkin嘅第一形態。出黎效果依然超水準。     雖然好恐佈,但我都會忍唔住想同佢影番張相
15
Jun 16
18:56
新聞

【支援VR】Biohazard 7 明年一月正式登場

尋日先講緊等Biohazard 7等到頸都長,點知原來同日佢已經係E3 發表會上,公佈咗名為 TAPE-1 Desolation 嘅《Biohazard 7》宣傳片。     遊戲以第一人身視點進行,一開始你就已經係一間大屋入面進行搜索     遊戲仲支援VR,仲唔嚇到你腳仔軟?     雖然成個風格好似同過往有好大嘅轉變,但希望玩起上嚟可以真係有恐佈緊張嘅感覺啦   但好可惜…窮L無PS4又無VR,真係感覺傷心,仲有半年時間,好好儲彈藥迎接佢啦   你地又鍾意邊代嘅BIO哩?   想知道有幾恐佈,就自己睇預告片感受下。   官方預告片:  
15
Jun 16
02:40
新聞

未見BIO7先見外傳!《Biohazard Umbrella Corps》6月發售

有睇開我嘅文章都知道我超鍾意Biohazard。等BIO7等到頸都長埋,但都未有,點知外傳6月就出,都算頂住癮先啦!     呢隻名為《Biohazard Umbrella Corps》嘅外傳,主要係以對戰模式為主,並以Umbrella Corps公司為主角嘅軍事Online射擊遊戲。   可以同時俾六位玩家連線對戰。不過除咗對戰外,亦都有名為「實驗」嘅單人模式,收錄大約20個以上嘅任務,俾你好好訓練下先上戰場。     而遊戲中其中一個好大嘅特色就係佢仲有好多唔同嘅經典場景,好似我印象最深刻Bio2入面嘅警察局,同Bio5一開始嘅村莊。  
12
Apr 16
01:55
博客

【尖叫】經典恐佈靈異遊戲精選!

我由細到大都好鍾意睇恐佈野,漫畫睇伊藤潤二,電影睇午夜怪談,打機就玩生化危機!唔係話唔驚,只係鍾意夠刺激又要驚又要睇 (人就係咁犯賤㗎啦)今日想同大家分享幾隻經典嘅恐佈遊戲…睇下你玩過幾多…   1)死魂曲 (Siren)   故事大概講述一條27年前本應消失嘅村莊,竟然重現人間。迴響耳邊嘅幻音,不斷出現嘅屍人…慢慢被捲入呢件不可思議事件嘅主角們,到底可以如何自救?       遊戲其中一個特色就係佢嘅配樂…聽落已經有一種令人好陰森嘅感覺。加上遊戲內大部分埸境都係好昏暗,視野模糊。玩家嘅你唔再係無敵mode上身,只可以單憑手上嘅電筒去探索或簡單嘅武器去匿藏、逃命或者反抗…   遊戲舞台:「羽生蛇村」     到處都係荒蕪嘅感覺     屍人出沒請注意  
21
Mar 16
19:28
新聞

Biohazard期間限定Cafe正式開幕!

記唔記得之前同大家預告過嘅Capcom Cafe哩?《Biohazard》主題喺3月18號就正式開始左啦!     呢個係咪獵殺者個腦?     喪屍狗都有     仲有手指同埋邪惡核心Umbrella     野飲你可以揀T-virus!?  
16
Feb 16
00:24
博客

喪屍出籠!生化危機20歲啦!

大家好,我係Poli!由細個睇阿哥打機開始到同阿哥爭機打!陪住我成長既唔係Hello Kitty or Snoopy,反而係呢隻經典大作生化危機Biohazard!小編由第二代開始玩,記得當初又要解謎又要打喪屍,又要得閒無事俾隻獵殺者跳出黎嚇一嚇,真係心血少d都唔掂!去到後期雖然好多人都覺得隻遊戲已經變左質(好似已經變成純槍Game),但係始終都同佢青梅竹馬長大,點都有d情意結既!睇下日本既Cosplayer點樣同佢致敬! 永遠既男主Leon 最佳拍檔Claire 性感版Sherry (Jake最鍾意既類型?) 當然唔少得我地既華人代表Ada Wong 連BSAA小隊(砲灰隊,行先死先) 都有人cos 以為就咁就完?咁你就錯晒!日本人對cosplay既認真程度睇怕你遠遠都想像唔到… 登登登登,終極變種William!! 相似度高達99.99999 %,佢隻眼仲識郁添!唔信,去片!