琵琶湖
17
Aug 17
22:58
新聞

【名物集結!】食盡22店和牛料理!「牛肉SUMMIT2017」8月末正式開始

牛魔王注意!集結日本各地和牛料理嘅「牛肉SUMMIT2017」將會於8月26日至27日於滋賀縣大津港一帶舉行,到時將會有成22間名店齊齊開店為食客們提供激讚和牛料理,包括「近江姬和牛3秒燒涮涮鍋」、「火炙近江牛手握壽司」、「近江一口牛」等等,入口即化嘅口感同超濃郁嘅肉香諗起都流哂口水!   活動場地就喺琵琶湖西南岸位置,由京都站搭JR去大津港只係需要約30分鐘,如果時間充裕,除咗今次嘅和牛料理美食祭,建議大家可以多留兩三日沿住琵琶湖玩一圈。   曾被多間日本媒體介紹嘅宮澤和牛名物「喝得到的漢堡扒」以100%黑毛和牛製作,入口非一般Juicy!   株式会社 朝日屋嘅A5松阪一口牛扒已經3度獲得第一位嘅榮譽,牛扒size剛好一啖一粒,肉味香濃無比!   即場燒製嘅和牛串香氣四溢,好難忍到口喎。   官網有齊22款料理嘅介紹同攤位位置,出發前記得上去睇一睇,規劃最佳美食路線。今次嘅活動採取金券制,即係想食好野就要入場時購買金券,去到攤位就可以用金券換美食,省卻摷錢嘅麻煩。  
16
Jul 17
04:41
博客

關西地區2017年暑期重點煙花大會時間表

踏入夏天,日本四圍都係咁放煙花,有時真係唔知自己會撞中邊場煙花同去睇邊場好。上次就同大家講過7月關東地區重要煙花表演嘅時間表啦,而家就同大家簡單講講關西地區有咩煙花表演要留意,畀大家諗行程嘅時候可以參考一下! 7月22日綾部水無月祭(あやべ水無月まつり) 地點:京都府綾部市 / 川糸町由良川周邊 20:00-20:45(暫定) 煙花大約數目:4000 往年大約觀賞人數:33000 交通:JR綾部站徒步10mins第39屆蘆屋夏日嘉年華 地點:兵庫縣蘆屋市蘆屋屋沙灘 19:45-20:30(祭典為13:00-21:30) 煙花大約數目: 6000 往年大約觀賞人數:98000 交通:阪神電鐵蘆屋站徒歩30mins   7月25日天神祭奉納花火 地點:大阪府大阪市北区、都島区 / 川崎公園・櫻之宮公園 19:30-20:50 煙花大約數目: 5000 往年大約觀賞人數:1300000 交通:JR櫻之宮站西口沿櫻之宮公園徒歩2 mins、京阪鐵道・大阪市營地下鐵天滿橋站徒歩5mins   7月29日 第39屆姫路港祭海上花火大會 地點:
13
Jul 17
19:16
新聞

【邊歎咖啡邊歎 琵琶湖 絕景】360° 無死角 靚景 CAFE 8月開幕!

講到可以欣賞到日本最大湖泊「琵琶湖」嘅地方,識路之人都會去滋賀縣大津市嘅「THE BIWAKO TERRACE」,不過高處未算高,想再喺高啲嘅地方從上而下望哂琵琶湖,咁就千祈唔可以錯過將於8月5日開幕、標高1,174米嘅「CAFE 360」! 「CAFE 360」位於上年7月至正式開幕、可以望到一大片琵琶湖湖景嘅「THE BIWAKO TERRACE」之上,以室外空間為主,有一大片木造地台俾客人攤喺度hea住歎靚景,買杯咖啡慢慢坐,望住個景真係可以hea足大半日! CAFE 360   THE BIWAKO TERRACE   THE BIWAKO TERRACE   THE BIWAKO TERRACE   CAFE 360 地點:蓬莱山山頂附近 前往方法:乘搭纜車於山頂站下車,再轉乘吊椅約15分鐘 纜車收費:單程 ¥400/1日券 大人 ¥1,200、小童 ¥1,000 營業時間:星期六日及公眾假期(7月17 日~8月31 日每日營業) THE BIWAKO TERRACE 地址:滋賀県大津市木戸1547−1 電話:077-592-1155 營業時間:星期一至五 09:30~17:00、星期六日及公眾假期 09:00~17:00  
25
Nov 16
23:55
博客

【FING住歎靚景!】全日本4個「必到高原韆鞦」

盪韆鞦並唔係小朋友先玩得嘅小玩意,如果你有去過日本嘅高原韆鞦,你一定會認同呢種講法!望住面前超靚景觀,一揈出去過吓刺激感,真係唔係筆墨可以形容!係咪好想知日本邊度有得玩呢,唔使自己周圍摷啦,而家一次過話哂畀大家知,睇吓下次去日本有冇機會玩返次!   1. 日間賀島@名古屋     雖然日間賀島係一個離島,不過由名古屋出發車程加船程都只係一個鐘鬆啲,好方便!個韆鞦對正個海,盪出去嗰吓已經夠哂刺激,加上佢只係由一舊木加兩條繩整成,就咁勾喺棵樹上面,視覺上好似好危險。不過放心啦,呢度日日都有好多人嚟玩,應該安全嘅!   除咗個韆鞦次外,島上面仲有好多其他野玩㗎,呢度最出名就係章魚料理,記得唔好錯過!   日間賀島 地址:愛知県知多郡南知多町日間賀島 電話:0569-68-2388 官網:www.himaka.net 前往方法   ===================== 2. 黒姫高原@長野縣  
11
Nov 16
19:00
博客

琵琶湖至京都蹴上疏水道遊覽船復活

琵琶湖疏水 係明治時期,為咗將琵琶湖嘅水引導至京都而建造嘅水路。穿過逢坂山及東山 原本只係用黎水力發電、灌溉、工業用水等等之後再提供埋水運。 蹴上インクライン(傾斜鐵道)就係以前用黎畀船跨過D超斜嘅山玻同高低差。 由於鐵路嘅發展,琵琶湖疏水水運就停止咗。 但近年因為大津市(第1疏水第1隧道入口付近)、京都市山科區(山科疏水)、京都市東山區(蹴上傾斜鐵道周圍至鴨川)沿線 都有好多櫻花同紅葉,所以京都市同大津市決定合作,喺上年開始試再行駛遊覽船。 今年11月19日(星期六),20日(星期日),22日(星期二),23日(星期三),25日(星期五),26日(星期六),27日(星期日) 合計7日 都有遊覽船嘅旅行團 有啲仲未滿!!!一位連食大約20000円至30000円   詳細可以去以下網址予約 http://www.city.kyoto.lg.jp/suido/page/0000203613.html   想知多啲琵琶湖疏水、大家
14
Oct 16
20:08
博客

【去邊好】日本激靚天空之鏡

世界上最出名嘅鹽湖係位於玻利維亞嘅烏尤尼鹽湖,喺每年12月到3月雨季期間,烏尤尼湖會反映出天空倒影,做成海天一色,極之迷人。     不過去呢個地方坐飛機去都要成幾十個鐘,唔係個個都抽到時間特登走去睇。不過唔緊要!話你知日本其實都有啲靚到同烏尤尼湖有得揮嘅超級靚湖景,而且仲唔算難去,只要預啱時間帶埋腳架,影完放上fb、ig,一定個個都會問你喺邊度影!     1. 江川海岸@關東千葉     江川海岸最出名嘅就係海中間嘅電柱,喺呢度影相記得留意潮漲時間,大家一定要把握潮漲嗰黃金一小時先可以企埋啲電柱側邊影相,如果太早去只會見到「天空之泥」,太晏去又只會見到一片汪洋,入唔到去影靚相㗎啦!同埋要趁冇風一刻影,如果唔係好容易會影到啲泥。   仲有,記得著水鞋去,出發前亦最好記低酒店電話,咁回程嘅時候就可以請酒店幫你call的士返去啦~   係咪有啲《千與千尋》feel呢!好多人就係因為覺得佢似《千與千尋》入面千尋同無面人坐火車嘅場景,所以特登嚟影相㗎啦!