玻利維亞
14
Oct 16
20:08
博客

【去邊好】日本激靚天空之鏡

世界上最出名嘅鹽湖係位於玻利維亞嘅烏尤尼鹽湖,喺每年12月到3月雨季期間,烏尤尼湖會反映出天空倒影,做成海天一色,極之迷人。     不過去呢個地方坐飛機去都要成幾十個鐘,唔係個個都抽到時間特登走去睇。不過唔緊要!話你知日本其實都有啲靚到同烏尤尼湖有得揮嘅超級靚湖景,而且仲唔算難去,只要預啱時間帶埋腳架,影完放上fb、ig,一定個個都會問你喺邊度影!     1. 江川海岸@關東千葉     江川海岸最出名嘅就係海中間嘅電柱,喺呢度影相記得留意潮漲時間,大家一定要把握潮漲嗰黃金一小時先可以企埋啲電柱側邊影相,如果太早去只會見到「天空之泥」,太晏去又只會見到一片汪洋,入唔到去影靚相㗎啦!同埋要趁冇風一刻影,如果唔係好容易會影到啲泥。   仲有,記得著水鞋去,出發前亦最好記低酒店電話,咁回程嘅時候就可以請酒店幫你call的士返去啦~   係咪有啲《千與千尋》feel呢!好多人就係因為覺得佢似《千與千尋》入面千尋同無面人坐火車嘅場景,所以特登嚟影相㗎啦!