玩具
08
Apr 17
01:09
新聞

【日本麥記開心樂園餐】超可愛「鬆弛熊玩具」初登場!

點解對面岸嘅飯硬係好食啲!點解連對面岸嘅玩具都係可愛啲!日本麥當勞由4月14日起凡惠顧開心樂園餐,即可免費獲贈鬆弛熊玩具一隻,對於我地嚟講要以正常手法儲齊一套應該冇咩可能,不過隻隻都咁得意,是但抽到邊隻應該都會好開心!(TдT) 開心樂園餐一套8款鬆弛熊玩具 一㩒鬆弛熊個頭,肚腩上嘅漢堡包就會轉轉吓。   一㩒鬆弛熊隻左腳,個頭就會擰擰吓。   一㩒鬆弛熊粒尾巴,對手就會揈揈吓。   一拉下面隻雞仔,鬆弛熊對手就會搖搖吓。   喺枱上推郁個玩具,個咖啡杯就會轉轉吓。   撩吓個機關,鬆弛熊就會飛飛吓。   一㩒鬆弛熊個後尾枕,對眼就會眨眨吓,懷抱中嘅果汁亦會好神奇地自動減少。  
22
Dec 16
00:09
新聞

絶對係陰謀黎!連100円都唔放過!TakaraTomy你好嘢!

TakaraTomy你好嘢!喺臨走之前連100円都唔放過!喺成田機場放咁多扭蛋機喺度! 大家近幾個月喺成田T2臨走之前,應該會發現多咗好多扭蛋機喺度! 中招嘅大有人在,因為T2堆扭蛋機嘅營業額相比日本全國多咗3倍!係3倍! 原本只係由7月放到9月,不過家下就無限期延長。 真係佩服諗出黎個班人,連想帶個銀返去做紀念都唔得~     不過有選擇困難症的話,真係行過唔好停低!事關個度有成171部扭蛋機喺度! 共有約380種扭蛋。真係怕Miss咗班機。   車長真係會去扭狗狗、電車仲有風景嘅扭蛋! 不過,Please don't Made in China。 仲有車長妹妹話…扭滿5000円有無得退税?   有人指幾年前巳經有,但車長無見過。。。
01
Jun 16
01:40
新聞

figma桌上美術館系列:重現達文西「维特鲁威人」黃金比例!

有冇人儲開figma嘅玩具?佢地嘅桌上美術館系列評價一直都唔錯,之前推出既「沉思者」、「大衛像」仲成為好好嘅惡搞題材!   最近figma就係twitter公佈咗最新一個桌上美術館系列,就係達文西嘅「维特鲁威人」! 唔知乜水唔緊要,睇完佢地公佈嘅圖你實有印象   呢set嘢公佈咗之後,係twitter有唔少人讚好,特別係佢可以裝兩隻手兩隻腳比佢重現「黃金比例」,相信如果達文西見到都會好滿意! 發售日期預計係12月,售價連稅係5,290円!    
15
Feb 16
23:46
博客

Wonder Festival 2016 WINTER 直擊

一年兩度日本模型盛典 冬季場喺2月7日舉行咗,場外有COSPLAY睇之外,場內主角模型亦非常觸目。Wonder Festival 係世上最大模型展之一,除咗有模型展出之外,Wonder Festival 本質其實係同人模型即賣會。 雖然個人身分模型原型師都可以申請擺檔,賣吓自己手作模型。但要係唔係有熱誠、有技術就有位㗎,事關呢啲手作模型都係涉及二次創作,要事先同版權持有人申請當日版權許可,批咗先有個檔口,同係當日賣,你想俾錢早幾日有,或者俾錢預約都唔得㗎。而且呢啲小型生產,數量有限,真係唔買就無。 咪以為個人原型師嘅作品QUALITY就會差啲,唔少都好高質,部分仲係只展示唔賣。 而呢啲時候就最適合日本模型大廠嚟大晒冷,所以場內另一邊都係未來半年至一年會推出嘅模型灰模,同埋上咗色嘅製成品。唔講咁多,大家自己睇: Medicom 超像可動系列 Good Smile Company figma 系列