牛肉飯
14
Oct 16
01:51
博客

【話你知】吉野家另類點餐法

唔知點解,食過日本嘅吉野家之後硬係覺得日本吉野家好似好食過香港嗰啲咁,搞到去日本諗唔到食咩好就會自自然走咗去幫襯。   日本應該亦有好多人同我一樣鍾意食吉野家,因為一上網Search「吉野家 裏メニュー」,(即係唔喺吉野家Menu上嘅料理),就出咗好多當地人嘅點餐心得,今次為大家做咗個少少嘅整合,咁大家下次去就可以試吓係咪真係Work喇~   1. 多洋蔥 → ねぎだく(negidaku)     吉野家啲洋蔥煮到?哂入哂味,根本就係牛肉飯嘅精萃之一,喺日本原來可以叫佢畀多啲㗎喎!相對地,唔鍾意食洋蔥可以叫走洋蔥「ねぎ抜き(neginuki)」,咁佢就會一條洋蔥都唔畀你㗎啦~   ================= 2. 淨洋蔥 → ねぎだけ (negidake)     原來真係會有人鍾意食洋蔥到走牛肉,定係點餐嗰個人唔鍾意食牛肉呢?點呢個要留意返,佢同「多洋蔥」只係差最後嗰個音,多洋蔥係「ku」,淨洋蔥係「ke」,小心一叫錯就一塊牛肉都冇得食㗎啦!   ================= 3. 牛肉放底 → 肉下 (nikushita)  
14
Mar 16
00:35
博客

【東京美食】連Wyman都大讚嘅「平價烤炙牛肉飯」!

嚟到東京,緊係要捐窿捐罅去搵好嘢食,話說有一間我朋友極力推介我去,話一定要試嘅平價烤炙牛肉飯Red Rock!呢間餐廳位於東京原宿,係「明治神宮前」落車,行一陣就到㗎喇!   見到呢隻牛就即係到咗喇!   大約有3、40人排隊,由於餐廳有唔少座位,等大約半個鐘就入得,算快!     RedRock原宿店係地庫,要行落一層   呢兩款牛肉丼都係RedRock嘅人氣之選,上面係牛排飯,下面係烤炙牛肉飯   入去之前要買定飛,普通牛已經好好食,唔洗特別揀黑毛和牛(除非你想)   餐廳顧客以年輕人為主,因為平價又好食,好啱三五知己飯聚