牛肉
24
Feb 17
00:36
博客

又癮起想食海膽!?狙擊東京4大「海膽料理」!

講到高級美食,除咗魚子醬、鵝肝、鮑魚、三文魚籽之外,又點可以少咗海膽!新鮮嘅海膽真係可以好好食,入口即溶嘅口感、濃郁嘅甘甜,雖然就咁用嚟整軍艦壽司已經好好食,但以下落嚟幾款終極海膽料理,試過包你再三回味!   1. 海膽綜合丼@うに虎   食海鮮又點可以唔去築地!呢間叫做「うに虎」嘅店舖可以食到唔同種類嘅海膽,而識食嘅就一定係揀「国産五種 うに食べ比べ丼」,可以一次過試哂5種唔同嘅海膽,一碗就可以試到每種海膽喺口感同味道上明顯嘅分別,吸引好多名人特登去試!   「国産五種 うに食べ比べ丼」會因應時節提供唔同嘅海膽,呢一個就係來自落合嘅馬糞海胆,顏色非常橙黃,入口好甘甜質感好順滑,海膽味夠濃,好新鮮!   第二種都係馬糞海膽,不過今次就係來自北方四島,比起落合產嘅呢個口感更紮實,比較有彈性。   呢個來根室嘅馬糞海膽有海膽迷最愛嘅經典味道同口感,用羹輕輕撩起已經感覺到佢有幾半溶,一入口簡直不得了,比起落合嘅馬糞海呢個更加柔軟,唔單止入口即溶,呢個根本就係即化,一放入口已經搵唔到海膽嘅蹤影
11
Nov 16
00:58
博客

【冬天緊係去打邊爐!】東京暖笠笠極品火鍋4選

天氣終於開始轉涼,又係時候大家圍埋一齊烚吓烚吓!打邊爐嘅配料來來去去都離唔開豬牛雞海鮮同蔬菜,日本都唔例外。但明明大家用嘅配料都係咁上下,整出嚟嘅味道同風味就差非常多,以下呢幾間位於東京嘅餐廳都可以食到無論賣相定味道都非常出眾嘅鍋物料理,下次有機會記得去食返次同香港完全唔同風格嘅Shabushabu!   1.はながこい 青山本店@渋谷     嚟到呢間「Hanagakoi」一定係食超豪華嘅海膽鍋「うにしゃぶ(¥2,100)」!海膽鍋個湯底用咗海膽同蝦頭熬製,成鍋都呈現勁誘人嘅金黃色,未食都已經流哂口水!   見到個鍋上枱記住千祈唔好過於衝動就咁將啲海膽放哂入個鍋度淥,就咁放入去會令到啲海膽溶到渣都冇得剩。店員會好細心咁教你正確食法,會話畀你聽要用魚夾住海膽同其他配菜同要淥幾多秒,唔識聽到唔緊要,跟住做就得。   唔單止海膽鍋係極品,呢度嘅串燒都好正,如果幾個人一齊去不妨叫多幾款試吓。   鍾意呢度嘅另一大原因係呢度有2個人都可以入去坐嘅個室,可以慢慢食慢慢傾。  
08
Nov 16
19:19
博客

【視覺味覺五感多重享受】必食超罕貴燒牛肉丼飯3選!

燒牛肉丼飯同牛肉丼飯完全係兩回事,雖然牛肉丼飯都好好食,不過如果畀我揀,我一家揀粉紅粉紅睇見都知嫩口嘅燒牛肉丼飯,一篤爛個蛋黃,蛋黃醬滲透每一片牛肉嘅超治癒嘅視覺效果,真係諗起都想即刻食返碗!   日本有好多店舖都食到燒牛肉丼飯,以下落嚟係東京市可以食到嘅幾間,間間都極度吸睛,真係引死人!不過想食都唔係咁易,因為人地每日都限量供應,要食最好等佢一開門就入去食。好在呢3間開店時間都唔算太早,要食到難度唔算太高。     1. 雲丹ローストビーフ丼@Gottie's Beef ¥1,680     Gottie's Beef嘅燒牛肉丼飯個賣相做得超靚,好可惜一日只賣10客,要食唯有等佢開門就入去食啦。見到店員拎住個飯行埋嚟嘅一刻,勁想叫佢行快兩步,快啲放低個飯畀我食!   呢個燒牛肉丼飯比較特別嘅地方係,蛋黃嘅周圍圍咗一圈海膽,當你一篤爛個蛋黃,啲海膽就會瞬間沾滿蛋黃汁,再睇住充滿海膽味嘅蛋黃汁流入啲半熟嘅牛肉入面,呢一刻到底應該係要食海膽先定係牛肉先,好難揀添......   食燒牛肉丼飯最期待就係將個蛋黃篤穿嘅呢一刻!   沾滿咗蛋黃汁嘅海膽係
28
Oct 16
02:07
新聞

【吉野家全新登場!】地域限定熱辣辣惹味火鍋

  天文台話下個星期開始轉涼,又有藉口去食火鍋~   話你聽,日本吉野家嚟緊11月會推出6款全新熱辣辣火鍋,除咗牛肉壽喜燒,當中有5款都係地域限定,即係話呢個鍋會喺日本指定嘅地方分店先有得食,要食齊哂6款真係唔係咁容易!     牛肉壽喜燒「牛すき鍋膳(¥650~)」唔單止有勁多牛肉,入面仲有成人一日所需蔬菜量嘅一半,加埋濃郁嘅特製醬汁,好豐富,好想即刻就食到啊!如果想獨自好好享受個火鍋,大家可以攞走拎返酒店慢慢食,天寒地凍之下食返個火鍋真係暖到入心~     既然有限定火鍋,如果個胃仲有位又點可以唔試!至於你到時食到邊款,就要睇你當時身處咩位置啦。   「北海道味噌鍋 (¥680~)」:北海道、東北、北関東、新潟 「横浜牛肉鍋 (¥680~)」:東京、神奈川、千葉、埼玉、山梨 「名古屋鶏肉味噌鍋 (¥680~)」:東海、富山、石川、福井 「大阪咖喱牛肉鍋 (¥680~)」:関西 「博多豚骨鍋 (¥680~)」:中国、四国、九州、沖縄   6款火鍋由2016年11月1日星期二就開始喺日本有得試啦,記得買返個食住過個暖笠笠嘅冬天!  
14
Oct 16
01:51
博客

【話你知】吉野家另類點餐法

唔知點解,食過日本嘅吉野家之後硬係覺得日本吉野家好似好食過香港嗰啲咁,搞到去日本諗唔到食咩好就會自自然走咗去幫襯。   日本應該亦有好多人同我一樣鍾意食吉野家,因為一上網Search「吉野家 裏メニュー」,(即係唔喺吉野家Menu上嘅料理),就出咗好多當地人嘅點餐心得,今次為大家做咗個少少嘅整合,咁大家下次去就可以試吓係咪真係Work喇~   1. 多洋蔥 → ねぎだく(negidaku)     吉野家啲洋蔥煮到?哂入哂味,根本就係牛肉飯嘅精萃之一,喺日本原來可以叫佢畀多啲㗎喎!相對地,唔鍾意食洋蔥可以叫走洋蔥「ねぎ抜き(neginuki)」,咁佢就會一條洋蔥都唔畀你㗎啦~   ================= 2. 淨洋蔥 → ねぎだけ (negidake)     原來真係會有人鍾意食洋蔥到走牛肉,定係點餐嗰個人唔鍾意食牛肉呢?點呢個要留意返,佢同「多洋蔥」只係差最後嗰個音,多洋蔥係「ku」,淨洋蔥係「ke」,小心一叫錯就一塊牛肉都冇得食㗎啦!   ================= 3. 牛肉放底 → 肉下 (nikushita)  
13
Oct 16
23:23
博客

【食乜好】東京站勁誘惑駅弁

「駅弁」即係喺車站買到嘅便當,對於要搭長途車嘅日本人嚟講可以話係旅途中不可或缺嘅必須品。   而由於東京係一個大站,有「新幹線」同「在來線」等唔同線路連接日本各地,車程閒閒哋都幾個鐘,所以喺東京站範圍自自然有好多唔同款式嘅駅弁,等乘客喺旅途中都可以享受到優質美食。   不過如果唔想騰嚟騰去物色駅弁,推介你地去一個地方,就係位於JR東京站入面一樓中央通路嘅「駅弁屋 祭」,入面有來自日本全國各地嘅駅弁,總共有成170款咁多,每一個賣相都相當吸引,下次行過就算唔係要搭長途車都可以買返酒店做宵夜~     1. ひっぱりだこ飯 ¥1,000     呢個係神戶超出名嘅明石章魚便當,喺神戶嗰邊出名到想食就要先預約,如果去到舖頭先諗住買基本上係唔會買到嘅,不過喺呢度當然係唔同講法啦,輕輕鬆鬆就買到,爽!   呢個便當最特別嘅地方係用瓦樽嚟裝,連樽身都刻咗隻章魚喺度,好精緻!樽入面除咗有章魚之外,仲有海鰻同季節性蔬菜。飯已經事先調好味,章魚好爽口,所有食材嘅口感同味道都好match,難怪喺神戶咁搶手!   一打開個蓋就見到好大隻章魚等緊我食佢落肚!  
26
Aug 16
19:23
博客

[胃食日本] 燒牛肉丼升級版!兩年都仲排緊長龍RedRock 黑毛和牛丼〜

最近依幾年日本吹起燒牛肉丼風, 突然多咗好多間專門又或者可以食到燒牛肉丼嘅鋪, 但唔係一定間間好食   講出名,Redrock係日本數一數二, 開咗近兩年都仲可以日日見到長龍, 而佢嘅招牌燒牛肉丼就好多人食過, 今日就想介紹佢更加好食嘅升級版黑毛和牛丼!       今次去嘅係比較新開嘅原宿店, 通過咗竹下通之後過馬路轉左直行就會見到 店鋪11點半開門, 知道要排隊,我已經11點去到,但係..   已經好多人(可能因為前幾日都落雨..)   大約等咗45分鐘左右終於見到門口 笑 排到就黎入去之前就可以買食卷, 一般最多人點嘅係燒牛肉丼(880yen)又或者係牛排丼(950yen) 但係我有個朋友話和牛版又係另一個境界..笑 所以今日就點比較少人點嘅黑毛和牛燒牛肉丼(1600yen)~
08
Aug 16
18:57
新聞

ランク王国!日本女性最愛肉料理Top 10!

日本節目「ランク王国」近日係渋谷同原宿訪問咗300位女性,睇下佢地最鍾意嘅肉料理係乜野,即刻睇下結果。   1位 燒肉(焼肉) 70人     2位 炸雞 (唐揚げ) 39人     3位 漢堡扒 (ハンバーグ) 27人   4位 燒雞肉串 (焼き鳥) 24人     5位 牛排 (ビーフステーキ) 22人     6位 豬肉火鍋 (豚しゃぶ) 20人     7位 炸豬扒 (とんかつ) 15人     8
14
Mar 16
00:35
博客

【東京美食】連Wyman都大讚嘅「平價烤炙牛肉飯」!

嚟到東京,緊係要捐窿捐罅去搵好嘢食,話說有一間我朋友極力推介我去,話一定要試嘅平價烤炙牛肉飯Red Rock!呢間餐廳位於東京原宿,係「明治神宮前」落車,行一陣就到㗎喇!   見到呢隻牛就即係到咗喇!   大約有3、40人排隊,由於餐廳有唔少座位,等大約半個鐘就入得,算快!     RedRock原宿店係地庫,要行落一層   呢兩款牛肉丼都係RedRock嘅人氣之選,上面係牛排飯,下面係烤炙牛肉飯   入去之前要買定飛,普通牛已經好好食,唔洗特別揀黑毛和牛(除非你想)   餐廳顧客以年輕人為主,因為平價又好食,好啱三五知己飯聚
18
Feb 16
20:24
新聞

【召喚食肉獸】令人垂涎三尺嘅霜降牛肉...原來係...

呢塊霜降牛肉真係好吸引!但似乎太生,如果可以燒一燒嚟食就好喇 好喇....講笑咋...其實佢係一個化妝袋嚟㗎!如果拎住佢係街行,回頭率肯定係100%! 放到好多嘢啵 呢款「霜降りポーチ」霜降牛肉化妝袋係日本樂天有得賣,有大、小兩個Size,吃貨不妨考慮下!(大)港幣約$170、(小)港幣約$140 買完可以即刻影相放上Facebook、Instagram呃Like啊!