02
Mar 16
18:37
新聞

勁多熊本熊大阪出沒注意!

  熊本熊除左受歡迎之外,吸金能力亦都好高,每年為地方帶來數百億日圓的收益,被喻為是百年難得一見、振興地方觀光與經濟的救世主。 所以適逢今個月十二日係山陽新幹線與九州新幹線通車五週年紀念日,JR亦舉辦不同的宣傳活動,其中JR大阪站前嘅廣場已經被五十五隻熊本熊的雕像或立牌佔據左,除此之外交廣場仲擺放左一個超大的熊本熊頭像,非常壯觀,係熊本熊史上規模最大的一次展覽,可惜佔據期只係3月1日-3月4日,時間非常之短,去唔到潮聖嘅朋友仔唯有同我一樣睇左當去左啦。   地點:JR大阪站 展示日期:3月1日-3月4日      
04
May 17
22:04
新聞

♡輕鬆白熊限定cafe♡

輕鬆白熊限定cafe將於5月16日至6月20日期間分別於6間分店舉行( ♥д♥) 除咗輕鬆白熊外,仲有佢個新朋友小啡熊超可愛登場~ε٩(๑> ₃ <)۶з 以花做主題嘅限定menu有輕鬆白熊白咖喱、小啡熊蜜糖之森林蘋果冰沙等等~來場都會送餐墊同埋杯墊,部分店舖需要預約,預約特典有毛巾送~⸜(* ॑꒳ ॑* )⸝ 【詳細】 コリラックマ×ハンズカフェ ■2017年5月16日~6月20日限定開店 ‧ハンズカフェ 東急プラザ表参道原宿店 地址:東京都渋谷区神宮前4-30-3 東急プラザ表参道原宿 5F 営業時間:11:00~21:00 ※事前預約制   ‧ハンズカフェ コクーンシティ店 地址:埼玉県さいたま市大宮区吉敷町4-263-1 コクーンシティ コクーン2‧3階 営業時間:10:00~21:00 ※星期六日需事前預約   ‧ハンズカフェ 梅田店 地址:大阪府大阪市北区梅田3-1-1 東急ハンズ梅田店10F 営業時間:10:00~21:00 ※星期日至到20:30 ※事前預約制   ‧ハンズカフェ 福岡パルコ店 地址:福岡県福岡市中央区天神2-11−1 福岡パルコ新館5F 営業時間:10:00~20:30   ■2017年5月19日~6月20日限定開店 ‧ハンズカフェ エトモ中央林間店 地址:神奈川県大和市中央林間4-6-3 エトモ中央林間2F 営業時間:10:00~21:00   ‧ハンズカフェ ピオレ明石店 地址:兵庫県明石市大明石町1-1-23 ピオレ明石西館1F 営業時間:10:00~21:00
26
Jul 16
20:02
新聞

熊出沒注意!玩Pokemon要小心

相信大家都曾經見到外國因為Pokemon Go發生好多意外,而7月22號夜晚日本Pokemon Go推出首日,就有學生係學校宿舍附近搵小精靈時遇到熊。     我講緊係真真正正嘅熊,唔係小精靈,果到嘅居民都指果到係熊出沒熱門地方。 呢件事大學已經同警察報案,亦都即刻出咗告示,表示唔好因為太過沈迷pokemon go而去唔熟識嘅路。 話時話,係大學見到熊都幾誇張。你話見到熊本熊就話者   所以希望身處香港嘅精靈訓練員日夜鍛練去取勝時都要小心D,如果行到上山捉隨時都會遇到真正嘅動物!
05
Aug 16
22:39
新聞

鬆弛熊Cafe登陸名古屋!

鬆弛熊Cafe又黎啦!今次嘅地點係名古屋,除咗特色餐飲,當然唔少得一連串嘅精品,之前未去到嘅就把握機會啦。  
03
May 17
01:24
新聞

超可愛部長陪住你返工!v(´∀`*v)

好可愛!太可愛啦!BANDAI喺5月1 日推出咗熊本熊cushion,返工攬住佢做野真係心情都靚啲!   呢隻部長高47cm,闊50cm,size啱啱好可以放喺膝頭哥陪你扮工!唔好以為佢得個樣,凍起上嚟攬住佢都幾保暖~   部張專屬嘅keyboard可以獨立拆開,用嚟枕住雙手打字打都打得輕鬆啲!   如果有事行開陣,不妨搵盡責嘅部長幫你頂一頂,矇矇傻傻嘅樣真係可愛到爆!   提返大家,想帶部長返屋企就要去BANDAI嘅online shop「Premium BANDAI」購買(唔送海外,要搵日本朋友幫手)。由於唔知會唔會突然斷貨,所以想買就要快啲,而家落單大概7月就會送到日本地址。至於會唔會喺其他實體店或者香港Premium BANDAI買到,官方仲未公佈相關消息,有興趣嘅朋友不妨密切留意。   PC CUSHION KUMAMON VERSION 發售日期:2017年5月1 日~6月上旬 售價:¥5,616 官網:
22
Mar 17
00:26
博客

[購物日寄] 九州限定 LE CREUSET熊本熊迷你鍋

自從搬咗屋一個人住之後就成日忍唔住買廚房用品~~ 今次上網買咗兩個熊本熊迷你LC煲(4000yen未連稅),細細個好得意,一個人食飯都唔怕寂寞~~~     首先介紹吓LE CREUSET依個靚煲名牌先 佢喺煲界嘅地位相當於日本男人中嘅木村拓哉、手袋界嘅LV,係靚媽靚太靚姐姐都愛不釋手嘅煲界名牌! 之前有出過南瓜啊、櫻花等等造型嘅煲,同樣成為女士們趨之若鶩嘅潮物~   上年熊本熊去LC工廠參觀嗰陣,雙方一拍即合,好快熊本熊就同LC crossover出咗依兩個迷你煲,LC方便仲答應會支援熊本地震後嘅震災活動㖭! 迷仔你煲有奶白同橙紅兩隻色, 煲身直徑9.8cm、高8.3cm、連手柄都係長13.7cm,細細粒,的的骰骰, 啱晒一人一煲或者一個人住嘅朋友! 因為係陶瓷煲嘅關係,唔可以用明火去煮,但係就可以入微波爐、焗爐同洗碗機, 有時整吓啲芝士焗西蘭花啊、焗吓意粉真係一流~   話晒熊本熊都係九州代表,所以依個熊本熊迷你LC煲都係九州地區嘅LC店同百貨公司先有得賣, 不過就算去唔到九州,大家一樣可以上LC個online shop到買,唔洗擔心~(更新:已經截左單啦!!!!)
17
Nov 16
20:06
新聞

喪買限定商品,鬆弛熊個FRIEND玩轉原宿Cafe!

鬆弛熊呢個又肥又可愛嘅character,我諗100個香港人入面有99個都會識佢,而喺佢身邊嗰隻全身奶白色嘅朋友仔牛奶熊(雖然我成日叫佢做白色鬆弛熊)都超級可愛,諗起就有啲想攬住佢地過個暖笠笠嘅寒冬喇~   如果已經plan咗今年年尾或出年年頭會喺東京過的話就真係好好彩喇,因為第一間以牛奶熊作為主題嘅「Korilakkuma Cafe」將會由12月1日開到出年1月9日,到時店入面唔單止食到好可愛嘅牛奶熊料理,仲有喺呢度先買到嘅地區限定牛奶熊product,四圍都係牛奶熊,鐵粉實開心死啊!   12月天氣咁凍梗係要食個烤焗咖喱「コリラックマのグラタンカレー(¥1,380)」暖吓身啦!牛奶熊好似喺咖喱度浸緊半身浴咁好可愛!   想食漢堡包同薯條可以試呢個「コリラックマのお星さまクリームシチュー(¥1,580)」,成個餐唔係得個樣㗎,薯條啱啱炸起熱辣辣脆卜卜,好好味!   去得cafe又點少得食返個甜品!店內一共提供3款甜品,呢個牛奶熊頭熔岩蛋糕「コリラックマのふんわりフォンダンショコラ(¥1,380)」係造型比較特別嘅一個,成個shape做到好靚,唔係好捨得叉開佢食添......   食完野一定一定一定要行埋精品部先好走,因為唔係人人都入得嚟,只
02
Mar 16
00:24
新聞

超可愛熊仔餅主題房!

去旅行除左行程,酒店都好重要嫁。 而家喺東京ロッテシティホテル錦糸町 (lotte city hotel)就有間好可愛嘅熊仔餅主題房啦!   唔單止有熊仔餅圖案,佢個景都無得輸嫁。 因為某D房個view係可以望到skytree,勁吸引!   無情人有咩好怕喎,攬住熊仔睇靚景一樣正!   而且仲有專for女仔嘅熊仔房,係粉紅色嫁! D少女味即刻出哂黎嘻嘻。真係可愛到好想拎佢D cushion番屋企呀!   有興趣嘅去官網睇下啦! http://www.lottecityhotel.jp/index.html
15
Jul 16
22:57
新聞

鬆弛熊 X TOWER RECORDS CAFE限定出場!

期間限定主題Cafe又黎啦!今次嘅主角係「鬆弛熊 X TOWER RECORDS CAFE」。期間限定由7月28號開始至9月8號,分別登陸東京同大阪。     除咗特色餐飲之外,仲有各樣紀念品販賣。      
25
Oct 16
23:58
博客

集氣X集資! 《ONE PIECE》X熊本熊攜手振興熊本!

日本國民人氣漫畫《ONE PIECE》於今期《少年JUMP》上公佈咗同熊本縣合作、以振興熊本為主嘅籌款活動。作者尾田榮一郎出身自熊本縣,希望透過今次活動支持受災嘅故鄉。連路飛都叫大家俾啲力量佢呀!     今次籌款活動有幾種: Project 1:熊本城復興計劃(熊本市) 為咗支援受災嘅熊本城,只要於2016年11月1日至2017年3月31日期間,向熊本市捐出1萬日圓以上就可以成為「復興城主」,並得到由尾田榮一郎老師繪畫嘅原畫設計出黎嘅原著商品。   詳細查詢:熊本城総合事務所 (TEL)096-359-6475、096-352-5900   Project 2:「故鄉納稅」特設插畫精品(益城町)   由2016年12月1 日開始向熊本地震中受影響極嚴重嘅益城町捐出10000日圓以上的「故鄉納稅」,就可以得到使用尾田老師繪製插畫嘅貴重紀念品(送完即止)。   Project 3:儘情快樂觀光記念蓋印(上天草市)   於11月12日至2017年2月28日期間, 集齊位於上天草市市內各觀光點嘅蓋印,就可得到特產品同限定版『ONE PIECE』精品。 Project 4:『ONE PIECE』復興列車(高森町・湯前町)