炸豬扒
16
May 17
22:41
博客

【岡山倉敷一天遊】必食老店「炸豬扒」!

上月底到岡山玩了4天,嚴格來說應該是岡山泊3夜,真正「玩岡山」其實只有1.5天,因為我的行程是倉敷(岡山縣)→直島(香川縣)→姬路(兵庫縣)→岡山。最後發覺,行程編排完全正確,岡山,其實冇乜好玩。本文先分享Day1倉敷行程及飲食資訊。 平日星期五早上9:30抵達岡山,坐機場巴士30分鐘到市中心放低行李,立即出發到岡山最著名景點——倉敷。從岡山站到倉敷非常方便,只需約15分鐘,多班次,多條線可到,單程320日圓。 11時左右去到倉敷,出奇地少人,沿商店街一直走到倉敷美觀地區,很多商店都休息,要不就是晚上才營業,都幾冷清。後來找到唯一一間有人等位的舖頭,叫「かっぱ」。遊美觀地區前,先醫醫肚。   CheckPoint 1 > 必食老店名物炸豬扒 かっぱ 「かっぱ」是倉敷的炸豬扒名店,創業於1961年,數數手指已有50多年了。這店全由女將上陣,收到柯打後即製即炸,超級新鮮。除了炸豬扒,也有炸蝦、可樂餅、炸雞等,漢堡扒也是招牌菜之一。 客人通常柯打Lunch Set,漢堡扒配不同炸物,再加薯仔沙律、白飯和味噌湯,1150日圓(連稅)。你亦可以單點炸豬扒等再配飯,價錢其實差不多。我就點了「ミニとんてい」(迷你炸豬扒飯),其實一點也不迷你,100克炸豬扒橫跨飯面,女孩子一定夠食,只售950日圓。豬扒炸衣脆而不油膩,內裡不會乾身﹔醬汁也是靈魂,濃但不過鹹,總之就很惹味。 每天11:20開始營業,開門前已有人龍。  
15
Jul 16
21:50
博客

[胃食日本] 米芝蓮推介!啖啖肉炸豬扒名店「丸五」

上次就同大家去食牛肉,今次就帶大家去食豬肉~ 喺秋葉原站行大約5分鐘, 一間得到米芝蓮推介嘅人氣炸豬扒(とんかつ)店「丸五」~   店鋪11點半開門, 我大約12點鐘左右到,已經有5,6個人排緊, (完全係熱到high high) 等緊個陣其實已經可以聞到炸豬扒香   唔好睇好似細細間, 其實入面有兩層,所以大約等左15~20分鐘左右就可以入去啦~   店入面可以見到佢地得獎嘅獎項同埋米芝蓮認證推介架   LUNCH有幾個唔同部位嘅炸豬扒set,最貴係2100yen, 今次呢,就叫右二嘅特ロースかつ(大里肌/小里肌)set 1850yen