火鍋
25
Nov 16
19:57
新聞

【捐入被爐歎火鍋!?】東京餐廳又有新玩法!

被爐係好多日本人屋企冬天時不可或缺嘅生活用品,成日喺啲日劇都會見到佢地塞個人入去揸住杯茶暖笠笠傾計好似好正咁。     如果大家都想試吓坐喺被爐飲啖茶食吓飯嘅感覺,可以去位於東京嘅「RYOGOKU TERRACE CAFE」,喺今年11月22日起,佢地將會擺放多個被爐喺有蓋露台位置,等大家可以邊欣賞叢林景色邊品嚐暖笠笠美食。     咁凍嘅天氣最啱緊係去食火鍋啦!呢度有「雞白湯鍋」、「洋風蕃茄壽喜燒鍋」、「豚肉生菜涮涮鍋」3種選擇,肉類全部都嚴選自日本國內食材,質素好OK!   両国テラスカフェ 地址:東京都墨田区横網1-12-21 電話:03-5608-7580 營業時間:星期一至五 11:30~22:30、星期六日及公眾假期 07:00~22:30 休息:無 費用:¥5,000起/人(點餐最少4人份量起) 官網:www.ryogokuterrace.jp
11
Nov 16
00:58
博客

【冬天緊係去打邊爐!】東京暖笠笠極品火鍋4選

天氣終於開始轉涼,又係時候大家圍埋一齊烚吓烚吓!打邊爐嘅配料來來去去都離唔開豬牛雞海鮮同蔬菜,日本都唔例外。但明明大家用嘅配料都係咁上下,整出嚟嘅味道同風味就差非常多,以下呢幾間位於東京嘅餐廳都可以食到無論賣相定味道都非常出眾嘅鍋物料理,下次有機會記得去食返次同香港完全唔同風格嘅Shabushabu!   1.はながこい 青山本店@渋谷     嚟到呢間「Hanagakoi」一定係食超豪華嘅海膽鍋「うにしゃぶ(¥2,100)」!海膽鍋個湯底用咗海膽同蝦頭熬製,成鍋都呈現勁誘人嘅金黃色,未食都已經流哂口水!   見到個鍋上枱記住千祈唔好過於衝動就咁將啲海膽放哂入個鍋度淥,就咁放入去會令到啲海膽溶到渣都冇得剩。店員會好細心咁教你正確食法,會話畀你聽要用魚夾住海膽同其他配菜同要淥幾多秒,唔識聽到唔緊要,跟住做就得。   唔單止海膽鍋係極品,呢度嘅串燒都好正,如果幾個人一齊去不妨叫多幾款試吓。   鍾意呢度嘅另一大原因係呢度有2個人都可以入去坐嘅個室,可以慢慢食慢慢傾。  
28
Oct 16
02:07
新聞

【吉野家全新登場!】地域限定熱辣辣惹味火鍋

  天文台話下個星期開始轉涼,又有藉口去食火鍋~   話你聽,日本吉野家嚟緊11月會推出6款全新熱辣辣火鍋,除咗牛肉壽喜燒,當中有5款都係地域限定,即係話呢個鍋會喺日本指定嘅地方分店先有得食,要食齊哂6款真係唔係咁容易!     牛肉壽喜燒「牛すき鍋膳(¥650~)」唔單止有勁多牛肉,入面仲有成人一日所需蔬菜量嘅一半,加埋濃郁嘅特製醬汁,好豐富,好想即刻就食到啊!如果想獨自好好享受個火鍋,大家可以攞走拎返酒店慢慢食,天寒地凍之下食返個火鍋真係暖到入心~     既然有限定火鍋,如果個胃仲有位又點可以唔試!至於你到時食到邊款,就要睇你當時身處咩位置啦。   「北海道味噌鍋 (¥680~)」:北海道、東北、北関東、新潟 「横浜牛肉鍋 (¥680~)」:東京、神奈川、千葉、埼玉、山梨 「名古屋鶏肉味噌鍋 (¥680~)」:東海、富山、石川、福井 「大阪咖喱牛肉鍋 (¥680~)」:関西 「博多豚骨鍋 (¥680~)」:中国、四国、九州、沖縄   6款火鍋由2016年11月1日星期二就開始喺日本有得試啦,記得買返個食住過個暖笠笠嘅冬天!  
20
Jul 16
23:55
博客

大阪近心齋橋牛雜火鍋店推介!

今次要介紹呢間由大阪起家嘅新世界もつ鍋屋,もつ意思喺牛雜,姐係大腸、小腸、胃等內臟。牛雜香港就成日食,不過好似都未聽過拎嚟做火鍋,咁我地香港人又鐘意打邊爐又鐘意食牛雜。梗係要去試吓啦!今次就去西心齋橋嘅分店。   喺心齋橋站7號出口行 5分鐘左右就可以去到,不過門口就比較細,仲要落地下一層   因為我五點鐘啱啱開門就去到,所以仲未有人嚟,座位唔係好多,大約得 30個左右。唔想排隊都係早啲去好   3000円就有放題喇!有牛雜、豬肉同雞肉鍋揀。   仲有英文菜單。不過我就無叫到放題,單叫咗個牛雜鍋,都係 810円   鍋嚟喇,點解全部都係菜嚟嘅喂!   圖文不符喎…  
16
Jan 16
02:00
博客

【超有愛】全世界首間吉野家任食火鍋!$138食足120分鐘放題!!!!

吉野家為咗慶祝25週年,係西環豐業大廈分店攪咗個120分鐘火鍋放題,店長話俾我知,原來呢到係全世界第一間吉野家攪火鍋放題啊!我居然有機會參與,感到好榮幸啊!(hahaha...超誇張的)呢個放題只係做一個星期(13-19/1/2016),想食就要快喇! 平時吉野家個火鍋細細,食完都唔飽,所以有好多人會偷偷地自己買嘢入去加料(唔洗唔認...我知你都有份haha)但今次終於唔洗鬼鬼崇崇喇!就算你想食1000嚿芝士竹輪都唔會有人阻止你! 俾你哋睇下吉野家張宣傳單張了解下~細路仔唔夠140cm收$98~ 吉野家放題一共三款湯底同五種火鍋醬料俾大家選擇,湯底有番茄湯、日式雪濃湯和野菜清湯,牛肉、雞腿肉、豚肉無限量供應,仲有我嘅最愛芝士竹輪、黑白墨魚包、響鈴.....多到講唔哂!自己睇喇!仲有仲有....呢度飲野唔洗加$3,汽水、茶、麵豉湯任飲,仲唔收加一。 總共有兩段時段可以揀18:00-20:00、20:15-22:15,不過我建