瀧上公園
16
Jun 16
02:37
博客

快閃北海道紋別之旅(一)賞花特輯

好多去過北海道或者準備緊去北海道玩嘅朋友,除咗札幌、函館之外,有無聽過紋別市哩?   今次好開心受邀請嚟到北海道紋別市,雖然只得30小時,但係我都食同玩咗好多唔同嘅野。其中一個就係我從來都未試過嘅「賞花」啦。   當日由東京成田機場出發,搭大約1小時45分鐘機就到達紋別機場。聽佢地講原來近年好多人都會由東京轉機過北海道繼續玩,可能大家都同我一樣,比較貪心,一次過滿足晒幾個願望掛     ▼第一次搭國內機,感覺好新鮮。一落機就可以直接去到呢個拎行李嘅大堂,一拎完就走得,非常快速。       話明係賞花特輯,今次就同大家介紹兩個賞花熱點分別係「芝櫻瀧上公園」同「上湧別鬱金香公園」。   由紋別機場開車去「芝櫻瀧上公園」大約要30分鐘,5月中旬至6月上旬係芝櫻嘅季節,而我去嘅時侯係5月30號,差唔多去到尾聲嘅階段。     ▼不過唔好以為會無野睇…一去到,我忍唔住「嘩~」咗一聲,因為真係好・靚・呀!