瀑布
15
Mar 17
19:42
博客

東京近郊遊日光之旅-第二日

之前同大家推介過可以喺中禪寺湖住溫泉酒店,今次直接推介一間酒店「ホテル 花庵」,由中禪寺溫泉巴士中心行過去都係5分鐘路程,可以飽覽二荒山神社個大鳥居同中禪寺湖,景觀真係冇得頂。   半露天風呂和室   個人推介:半露天風呂洋室   溫泉水係乳白色! 連早、晩餐,普通房每位12000円起,半露天風呂房就每位19000円起。   華嚴瀑布 朝早可以先去遊覽華嚴瀑布,由中禪寺溫泉巴士中心行去華嚴瀑布,再上觀景台都只係3分鐘路程。   上面嘅觀景台係免費㗎   但要落下面觀景台就要坐觀景電梯,係要俾錢嘅,觀景台收費成人每位550円。3月至10月開朝早8點,11月至2月開朝早9點。
28
Jul 16
01:26
博客

【石垣跳島遊】西表島叢林探險之旅

跳島遊嘅第二站,繼單車遊竹富島之後我地跳到叢林探險之旅嘅「西表島」。   西表島係「八重山群島」中面積最大嘅島嶼。島上90%土地為亞熱帶原生森林以及紅樹林沼澤所覆蓋,當中80%係受保護嘅國有土地,被稱為「日本最後秘境」。   ▼由石垣港離島碼頭出發到西表島大約要45分鐘。由於島上有好多唔同嘅Tour,所以一落船就可以見到好多人召集嘅情景。     ▼好多酒店民宿亦都有Tour可以報,而當日我地就經參加咗「Hotel Nirakanai Iriomotejima」搞嘅叢林之旅,闖入紅樹林,探索大自然秘境。(預告下呢間咁正嘅酒店,之後嘅Blog會再介紹)     ▼去樹林做足準備,酒店都建議大家著返長袖衫褲,除咗因為昆虫之外,行山路徑有時都需要攀爬,所以長衫褲亦可以減輕受傷嘅機會。但由於我只係帶左短褲,唯有就咁上陣啦。  
04
May 16
23:42
新聞

茨城縣超靚瀑布-「袋田の滝」

今次想介紹一個大自然風景嘅景點比大家,佢就係茨城県嘅袋田の滝。   「袋田の滝」係日本三大瀑布之一。佢係屬於久慈川嘅支流瀑布,高120米,闊73米嘅巨大瀑布黎。因為佢D流水係分開左四段咁流,所以就有第二個名叫做「「四度(よど)の滝」。呢個名嘅由來又有另一個傳言,就係話N年前有位西行法師黎到之後就稱讚「呢個瀑布咁靚真係要四季都各黎一次呀」咁樣喎。 正常情況下,你見到嘅流水會係白色,但又時如果佢流得較激烈,就有可能睇到唔同顏色夾雜住嫁啦。   佢最特別嘅地方,就係四季都有各自嘅特式,唔係單一白色瀑布咁單調。春天時周圍係綠油油嘅草木,秋天時都會被紅葉包圍,冬天時就會因為太凍而結左冰,變成一條條冰柱。所以袋田の滝係會根據四季嘅變化而轉變嫁!但無論咩季,都不乏遊客黎一睹佢嘅風彩。 好似呢張相咁,就係冬季限定先有嘅亮燈黎,真係勁想親眼去睇呀!